Sunda hi suma hi Levi-nid’a 26:36 - Bible azumeina

³⁶ An mba ni mbut suma ar adigagi suma a mba kak yam ambasa hi mazi suma djangûnina mandarâ kagilam. Ni simet ma mba mi sir hum agunina go ba, mba mi digiziya. Azi mba ringî d’igi suma a ring avok ayî ma durîna na, a mba puk kä bei sa mi digizi ba mi.

Sunda hi suma hi Levi-nid’a 26:36 Kruisverwysings

Ad’u Tinda 35:5

Azi tchol iya; mandarâ hAlonina mi ve suma kur azì ma nguyuzina; sama i bugol Jakob ki groma nga d’i.

Ad’u Tinda 4:12

Fata ang zum andagad’id’a, ndat mba d’i wulung ahlena d’i. Ang mba talal yam andagad’a, ang mba tcha ta’ abo hî, tcha ta’ abo hî!

2 Sunda Hamuleinid’a 14:14

A pleî zlub’ud’a hi suma a nga ngom d’uwarîna woyo, a yoï tumiyôna ki djambala ablaud’a. Bugola, a hulong avo Jerusalem.

Wana ni mbaktumba hi Job-pa 13:25

Ang min mbud’un an ma d’igi ahlap ma simetna mi felem na na mandarâ zu? Ang min digin an ma d’igi asu ma sod’a na na zu?

Sawal la giled’a 53:5

Ma didina mi dala: Na ni suma le tchod’a a nga wad’ud’a d’uo zu? Azi nga te sum mana d’igi azi tavuna na, azi nga yan simiyên ndi.

Sawal la giled’a 53:6

Fata Alona mba mi nde tam mbei aduk suma d’ingêrîd’a, azi mba le mandarâ. Ata yi máma azi mba zlak abo mandarâ bei we vama azi le mandarâ aboma ba. Alona mba mi sam asok suma a ndang ayînina woi abageya. Ang mba mbud’uzi zulona kayam Alona mi noyôzi woyo.

Sawal la giled’a 89:43

Ang he mam suma djangûna ad’enga, ang ar mam suma djangûna pet a le furîd’a mi.

Zla d’a d’ogolâ 28:1

Sama asa’atna mi ringî bei sa mi digim ba, wani sama d’ingêrâ, mayîna ni d’igi azlo ma azongâ na.

Isai 30:17

Ata ngopa hi sama tunid’a, suma dubu a mba ringâ, ata ngopa hi suma vahlîd’a, agi mba ringîgi gak agi mba aragi ni d’igi agu ma fiyak ma ar tchola akulo yam ahinad’a vam tuna na, d’igi vama tak ma yam yima ndingîna na mi.

Isai 7:2

Suma a mba de zla ndata mi Ahas ma ad’u andjafâ hi David-nina ala suma Siri-na a ve nga kang mazina yam ambas sa Efraim-mba. Ahas ki sum mama huruzi mi ka mbina, a nde giget d’igi agud’a ti giget abo babarâ na.

Isai 7:4

Ang dum ala ba: Ang kak irang sik, ang le mandar ri. Ar hurung ka mbina avok vuna djo ma mbà ma nga mi d’us wana d’i, avok ayîna hi Resin ma Siri-na kayîna hi Remaliya goromina d’uo mi.

Jeremi 37:10

Ladjï agi durugi ayîna ki azigar suma Babilon suma a nga durugi ayînina, ladjï arî suma agi dagazina go pî, nge nge pî kur zlub’u mamba mba mi hulong mi tchol mi ngal azì ma ngol ma wana woi kakud’a!

Jeremi 46:16

Mi ka suma dingâ azlinga ablaud’a. A nga puk kä yam taziya, a nga dala: Ei tcholei akulo! Ei hulongeî gen sum meina kur ambas sa a vud’i kuad’a woi dei abo mbigeu d’a nga d’i tchid’a!

Hor ma tchina 1:3

Suma Juda-na a iziya wa magomba, a hulongôzi wa yazi kä, a nga le sun nda magom mba kal teglesa. A nga kaka aduk andjaf suma dingâ, a nga fe lovota á tuk tazi d’i! Suma a djobozi vunazina pet a mba, a nga lazi ndak ka kal kazid’a.

Hor ma tchina 1:6

Gor weid’a Siyon, subur mata dap pei da’. Mat suma nglona a mbut ni d’igi gayang ma nga mi fe yima te hatna d’uo ma ad’engêm mba djangâ nga avok sama nduwanda d’uo na na.

Hor ma tchina 4:19

Suma a nga djobei vuneina, afefed’ezi kal b’aruna. A nga digï akulo yam ahuniyôna, a nga buri kä abagei hur fulâ.

Ezekiyel 21:12

Le a djobong ala ni kayam me ba ang zam tang na ge ni, ang hulong dazi ala: Zla d’a tchod’a nga d’i mba, hur suma pet mba mi ka mbina, abo suma pet mba mi mbut amangeîd’a, muzu’â hi sumina pet mba mi b’leng titiling, guguf suma pet mba mi zlak kekebe. Gola! Zla ndata nga d’i djïya, ti mba wa da’. An Salad’a Ma didina ni de na.

Ezekiyel 21:15

A gurut ná tchi suma, a heget ná wiled’a. Na ni ei mba le furîd’a zu? Ti totogod’a hi goronid’a gol agu ma lara ge pet is.

Ezekiyel 21:7

Ang gor sana, ang mbut irang yam Jerusalem, ang tchi wala mi yima a tinim iram vama, ang djok vuna mandagad’a hi Israel-lîd’a.

Wana ni mbaktumba hi Oze-d’a 8:3

Israel-lâ a ar djivid’a woyo. Kayam ndata, ma djangûna mba mi digiziya!

Sunda hi suma hi Levi-nid’a 26:17

An mba ni mbut iran kak djangûna ki sed’egiya. Agi mba tchugugi susub’ok abo magi suma djangûna; suma a noyôgina a mba te kagiya; agi mba tinigi tagi ringâ avorozi bei azi digigi ba.

Sunda hi suma hi Levi-nid’a 26:35

Ata yima lara ma ndat mba d’i ar djonina, mba d’i tuk tat yam biza mat ta sabat ta tuk tad’a ti fat nga d’uo ata yima agi nga kaka katna.

Gat ta a hat á mbàd’id’a 1:44

Ata yi máma suma Amor suma a nga kaka yam ahina ndatina a buzuk atagiya, a durugi yam ahina d’a Seir-ra, a digigi d’igi ayuma mi dik suma na gak a tchugugi sä Horma.

Josue 5:1

Amulei suma Amor-râ pet suma sä kaka abo alum ma Jurdê-na woi abo ma fladegenina kamulei suma Kanan-na pet suma a nga kaka avun alum ma ngol ma Mediterane-na, a hum ala Ma didina mi so alum ma Jurdê-na woi avok Israel-lâ gak a djak keyo d’a. Huruzi ka mbina avok Israel-lâ, ad’engêzi d’a tchol avorozid’a nga d’uo d’a.

Josue 7:5

Suma Aï-na a tchi suma adigazi ni go ki dok hindi yam karagaya. A tinizï dika ei avun azì ma ngolâ dei mba Sebarim, a tchazi ata yima azi nga b’at sulugota kä na. Ata yi máma suma pet tazi tchuk susub’ok, huruzi ka mbina mi.

1 Samuel 17:24

Kid’a Israel-lâ ki zla tazi pet a we Goliyat-ta, a dadak kazigaziya, kayam azi nga lum mandaram heî.