Sunda hi suma hi Levi-nid’a 26:35 - Bible azumeina

³⁵ Ata yima lara ma ndat mba d’i ar djonina, mba d’i tuk tat yam biza mat ta sabat ta tuk tad’a ti fat nga d’uo ata yima agi nga kaka katna.

Sunda hi suma hi Levi-nid’a 26:35 Kruisverwysings

Jeremi 34:17

Ni kayam ndata ba, Ma didina mi de kua ala: Agi humun nga vunan á tchi wala ala ar nge nge pî mi ge wiyema d’oze mi ge ndrama akulo d’a d’i. Gola! An Ma didina an nga ni tchi wala kagi á tchugugi ayî ma durâ ki tugud’ei d’a tcho d’a tchi matna ki baktarad’a akulo kagiya. An mba ni mbud’ugi vama atchapma ir suma a nga kur leu d’a yam andagad’ina pet.

Sunda hi suma hi Levi-nid’a 25:2

Ang i de mi Israel-lâ ala: Fata agi kalagi kur ambas sa an nga ni hagizid’a, agi aragi andagad’a ti gumur kä; biza ndata mba d’i mbut ni biza d’a sabat ta agi mba suburun kuad’a.

Sunda hi suma hi Levi-nid’a 26:34

Ata yi máma ambasa mba d’i mbut awilid’a yam biza mat ta sabat ta tuk tad’a ata yima lara ma ndat mba d’i ar djonina, ata yima agi sä kur ambasa hi magi suma djangûnid’ina. Ata yi máma ambasa mba d’i tuk tad’u, ti mba d’i mbut awilid’a yam biza mat ta sabat ta tuk tad’a.

Sunda hi suma hi Levi-nid’a 26:36

An mba ni mbut suma ar adigagi suma a mba kak yam ambasa hi mazi suma djangûnina mandarâ kagilam. Ni simet ma mba mi sir hum agunina go ba, mba mi digiziya. Azi mba ringî d’igi suma a ring avok ayî ma durîna na, a mba puk kä bei sa mi digizi ba mi.

Romê-na 8:22

Kayam ei wei ala ki tchetchemba, ahle suma Alona mi lazina pet a nga zam taziya, a nga fe ndaka d’igi atcha d’a nga d’i fe ndaka á vutid’a na.