Sunda hi suma hi Levi-nid’a 26:32 - Bible azumeina

³² An tanda mba ni b’lak ambas magid’a woyo; magi suma djangû suma a mba kak kurâ, a mba le atchap kad’u.

Sunda hi suma hi Levi-nid’a 26:32 Kruisverwysings

1 Amuleina 9:8

Fata suma a kal gen gong nga ngol la ndandal ndatid’a, a mba le atchap, a mba le mandarâ, a mba djop tazi ala: Ni kayam me ba, Ma didina mi le zla ndata kambas ndata ki gong nga kud’or ndata na ge?

Isai 24:1

Gola! Ma didina mba mi b’lak andagad’a woyo, mba d’i mbut djona, mba mi tchat tata, mba mi ndjoî suma a nga kaka katna woi vivreng.

Isai 5:6

An mba ni arat ti b’lak keyo, sa mba mi tchawat abot tei d’i, sa mba mi lat barat tuo mi. Kekerezeuna kaweid’a a mba deî adigad’u. An mba ni he vuna mi d’ugula ar ti salona kat ti.

Isai 5:9

Wana ni vama Ma didin ma ad’engêm kal petna mi ndandji woina: Gagazi, azì ma ablau máma mba mi b’lak keyo, azì ma nglo ma djif máma, a mba fe sama kak kurum mbuo mi.

Isai 6:11

Ata yi máma an djobom ala: Salad’a, ni mindja ba, ang mba ar ahle ndazina ge? Mi hulong dan ala: Gak azì ma ngolâ mi b’lak kei kakazeî bei fe sa kurum ba, azina mi ar hawa kolohong, ambasa ti mbut ni hur fulâ mbeî.

Isai 64:10

Gong mami d’a kud’or ra a tinit irat vat ta subur ra abuyomi ngolo a gileng kuad’a, ti mbut wa vama a ngalam kakud’ina, ahle suma ami lami kazi heîna a b’lak wa woi mi.

Jeremi 12:11

A mbut ambasa djona, ti mbut hohoud’a, a nga yor tazi avoronu. Ambasa pet ti mbut djona, kayam sama djib’er kat tu pî nga d’i.

Jeremi 18:16

A mbut ambas mazid’a vama suma a le atchap kama, vama las ma gak didina. Suma a nga kal kurâ pet a nga le atchap kad’u, a nga kidjik yazi mi.

Jeremi 19:8

An mba ni mbut azì ma ngol máma vama suma a le atchap kama ki vama lasa. Suma a mba kal kuana pet a mba le atchap kamu, a mba san yam b’lak ka nga kur azì mámid’a.

Jeremi 25:11

Ambas ndata ki zla tat pet mba d’i mbut ni djona, suma a mba le atchap kad’u, andjaf sum ndazina a mba le sunda mamul ma Babilon-na gak bizad’a dok kid’iziya.

Jeremi 25:18

An tin ad’ud’a á hed’a navo Jerusalem, kur azì ma nglo ma Juda-na, mamulei mazina ki mazi suma nglona á mbut vama b’laka, vama atchapma, vama sanda ki vama ge vuna d’igi a nga le ini na.

Jeremi 25:38

Ma didina mi ar yam ma kaka woi d’igi azlona mi ar domi mama woi na, ambasa ti mbut djona, ti b’lak kei abo ayî ma durâ, abo ayî mam ma bibiliuna.

Jeremi 33:10

Ma didina mi de kua ala: Agi suma Juda-na, agi nga dugud’ogi ded’a ala ambas magid’a ti b’lak wa woyo, sa d’oze d’uwar mi nga kua d’i. Gagazi, azì ma nglo ma Juda-na ki ir palum mba Jerusalem-mba a mbut wa hur fulâ ini, sa nga kua d’oze d’uwar mi nga kua d’uo mi. Wani a mba hum

Jeremi 44:2

An Ma didin ma ad’engên kal petna, Alona hi Israel-lîna, nga ni dagiya: Agi wagi ndak ka teteng nga an mbat yam Jerusalem kazì ma nglo ma Juda-nid’a pet. Gola! Ki tchetchemba, azì máma mi mbut ini ni djona, sa nga kaka kua d’uo d’a.

Jeremi 44:22

Ma didina mi ndak á ve tam yam asa’at ta agi lata ki sun nda ndjendje d’a agi lata d’uo mi. Ni kayam ndata ba, ambas magid’a ti mbut vama b’laka, vama atchapma, vama a golom isâ bei fe sama kaka kurâ gak ini wana.

Jeremi 9:11

Ma didina mi dala: An mba ni mbut Jerusalem djona, an mba ni mbud’ut domina hi hânina, an mba ni mbut azì ma nglo ma Juda-na hur ful ma sa nga mi kak kua d’uo na.

Hor ma tchina 4:12

Amulei suma yam andagad’ina ki suma a nga kaka yam andagad’ina pet, a he nga gagazid’a ala ma djangûna d’oze ma huneîd’a mba mi kal avun agre’â hi Jerusalem-ma d’i.

Hor ma tchina 5:18

Ni kayamba ahina d’a Siyon-nda ti ar djonid’a, ni kayamba arauna nga mi tit kuruta mi.

Ezekiyel 5:15

Fata an ni kak sariyad’a kak kayî mana ki hur man ma zal ma gugulu’îd’a, ndak mba d’i mbut ni vama ngula ki vama lasa ki vama tak ma mandarâ ir andjaf suma a nguyu’â. Ni an Ma didina ba, ni de na.

Daniel 9:18

Alo mana, ang tin humang ang huma, ang mal irang ngeyo, ang gol b’lak mamid’a ki b’laka hazì ma ngol ma simiyêng nga mi yi kuana, nga ni yam sun mami d’a d’ingêra ba, ami nga tcheneng tchen nda hu d’a wanda d’i. Ni yam we hohou mang nga ngola hol.

Daniel 9:2

an Daniel ni gol kur mbaktum mba a tinit irat vata. Ata yi máma an wäd’u zla d’a Ma didina mi dat mi mam ma djok vuna Jeremi ala: Jerusalem mba d’i ar djona gak bizad’a dok kid’iziya d’a.

Habakuk 3:17

Le tuluma mi b’o d’uo, le guguzlud’a ki olifâ a vut tuo, le asinena mi wul awuna d’uo, le aho’â kamuzleina a nga kur kangâna d’uo,

Wana ni Zla d’a Djivi d’a Luc mi b’irita 21:20

Jesus mi had’azi kua ala: Wani fata agi wagi ades azigarâ mi ngui wa Jerusalem-mu ni, agi wagi ala b’lak mata mba wa go.

Gat ta a hat á mbàd’id’a 28:37

Agi mba mbud’ugi ni vama atchapma, vama lasa ki vama sanda aduk andjaf suma Ma didina mba mi igi adigazina.