Sunda hi suma hi Levi-nid’a 26:30 - Bible azumeina

³⁰ An mba ni b’lagagi yi magi ma nding ma fileina woyo, an mba ni to filei magi ma afata woyo, an mba tchugugi mad’agi akulo kamu, an mba ni gologi d’igi vama ndjendjed’a na mi.

Sunda hi suma hi Levi-nid’a 26:30 Kruisverwysings

Ad’u Tinda 19:13

kayam Ma didina mi sunumï kayam ami i b’lagam mbeyo. Ami b’lagam mi, kayam käl la suma a kal kam avok Ma didinid’a ti kal ngola heî.

1 Amuleina 13:2

Mi de zlad’a hi Ma didinid’a mi yima ngal ahle suma ngat buzuna ala: Ang yima ngal ahle suma ngat buzuna, ang yima ngal ahle suma ngat buzuna, ang hum zla d’a de d’a Ma didina mi data. Mi dala: Gor mandjufâ mba mi vut aduk suma hi David-na, a mba yum ala Josiyas. Mam mba mi ngal suma ngat buzu suma a tinizi ata yima nding mámina woyo! A mba ngal asok suma kang mi!

1 Amuleina 13:32

Kayam zla d’a ndeï avun Ma didina d’a mam dat yam yima ngal ahle suma ngat buzu ma Betel-lâ ki gongîyo suma ata yima nding suma a nga kur azì ma nglo ma Samari-nid’a, gagazi, mba d’i le hina!

2 Amuleina 23:16

Ata yi máma Josiyas mi pret iram blogom mi we asud’a yam yima ndingâ akulo, mi ge sunda a yoï asok suma kur zul ndatina, a ngalam yam yima ngal ahle suma ngat buzu máma á mbud’um ndjendjed’a d’igi ma djok vuna hi Ma didinina mi de woi avok na.

2 Amuleina 23:20

Mi ngat suma ngat buzu suma a nga le sunda yam yima nding ma teteng mámina, mi ngalazi akulo yam yima ngal ahle suma ngat buzu ma teteng máma, mi ngal asok suma dingâ yam yi máma mi. Bugola, mi hulong avo Jerusalem.

2 Amuleina 23:8

Bugola, Josiyas mi yï suma ngat buzuna pet suma kur azì ma ngol ma Juda-nina, mi to yima nding ma azi nga ngal dubang ma his djivid’ina kama woyo, tinï ad’ud’a avo Geba dei gak mba Berseba. Mi to yima nding ma avun agrek ma tetengâ ki ma avun agre’â hi Josue ma ngol ma hur azina ma nga avun agrek ma kala abo ma gulanina woi mi.

2 Sunda Hamuleinid’a 23:17

Ata yi máma ablaud’a pet ti tchuk kur gong nga kud’ora halo ma a yum ala Bäl-lâ, a pleyêt teyo, a to yima teteng ma ngal ahle suma ngat buzuna ki filei mazi ma teteng ma nga tchola kuana woyo. A tchi Matan ma ngat buzuna hi Bäl-lâ kä woi avok yima ngal ahle suma ngat buzu tetengâ mi.

2 Sunda Hamuleinid’a 31:1

Kid’a abozi mi dap le vun tilîd’a, Israel-lâ pet suma a nga ata yi mámina, a i kur azì ma Juda-na, a i to ahina d’a nga tchola gongzonga woi pet, a to gonga halo d’a a yat ala Asera-d’a woi pet, a pleî yima nding ma a tuwal fileina kuana woi pet ki yi mam ma ngal ahle suma ngat buzuna pet. A le hina kur andaga d’a Juda-d’a pet, kur andaga d’a Benjamin-nda ki d’a Efraim-mba ki d’a Manase-d’a. Bugola, nge nge pî, mi i avo hatam kur aziyamu.

Sawal la giled’a 106:40

Ma didina hurun zal yam sum mama, mi gol sumala ni djo mama na is.

Sawal la giled’a 89:38

Mba d’i ka’î d’igi til ma nga mi le glangâs ma iratna sä kur akulod’ina na. Tchol ndjö

Isai 27:9

Ni hina ba, a mba zlup yam tchod’a hi suma hi Jakob-mid’a. Wani ni vut ta bugol la a zlubuzi yam tcho mazid’id’a: A mba to ahina d’a a min ki yima ngal ahle suma ngat buzuna mi fileina tetenga kä woi d’igi a lut ahinad’a a mbud’ut afuta na, a mba tin vama tcheta teteng malo d’a a yat ala Asera-d’a ki filei afata teteng bugol luo d’a.

Jeremi 14:19

Suma Juda-na a dala: Ma didina, ang arami ni ami suma Juda-na woi ki irang fafat tchu? Ang golî Siyon is su? Ni kayam me ba, ang tomiya, ang nga tchilimi mbilimi d’uo ge? Ami tinimi hurumi ni yam halasa, wani vama djivi nga d’uo; ami djubumi ni suta, gol wani, ni tchina.

Jeremi 16:18

Avok ahle ndazina an mba ni wuragazi yan mbà yam tchila mazid’a ki tcho mazid’a, kayam azi mbut ambas manda ndjendjed’a ki har ra ahle mazi suma ndjendjed’a, a oî ambas sa ala ni djo mana d’a kahle mazi suma ndjendjed’a mi.

Ezekiyel 16:39

An mba ni hak aboziya. Azi mba pleyêk azì mak ma gaulangâ ki yi mak ma ndingâ woyo, azi mba fogok baru ma’â woyo, azi mba yok ahle mak suma djifâ, a mba arak gandilad’a kezigineû mi.

Ezekiyel 43:7

Ma didina mi dan ala: Ang gor sana, ang gol yima wana. Zlam man nda amula ti ni ka hî, an mba ni tchuk asen ni kua, an mba ni kak ka hî aduk Israel-lâ ki iran fafat mi. Israel-lâ kamulei mazina a mba mbud’un simiyên Ma bei tchod’a ba na ndjendjed’a ki sun mazi d’a batranga ki filei mazina ki tos sa a tos mad’a amulei mazina ka hî d’a d’uo mi.

Ezekiyel 6:13

Azi mba wala an ni Ma didina ni fata mad’azi mba mi tchuk kä aduk filei mazi ma tetengâ gen yi mazi ma ngal ahle suma ngat buzu ma tetengâ, yam yi mazi ma nding ma lara, yam ahuniyô suma fuyogei suma lara, ad’u agu ma lara ma angusâ, ad’u agu sen ma d’uf ma lara ma guguluîna, ata yima azi ngal dubang ma his djivid’ina mi filei mazina kuana pet.

Wana ni mbaktumba hi Oze-d’a 10:2

Azi mbut suma hur ma mbàmbàna, a mba zi tcho mazid’a kaziya. Ma didina mba mi b’lagazi yi mazi ma ngal ahle suma ngat buzu ma tetengâ kä woyo, mba mi b’lagazi ahle mazi suma azi tinizi á ge humbina woi mi.

Sunda hi suma hi Levi-nid’a 20:23

Andjaf suma an nga ni digizi woi avorogi wana, agi tid’igi yam gat mazid’a d’i, kayam ni yam sun nda tcho d’a hina d’a ba, an mbud’uzi huyogon wana.

Sunda hi suma hi Levi-nid’a 26:11

An mba ni min yi man ma kaka adigagiya, an mba ni gologi d’igi vama ndjendjed’a na d’i.

Sunda hi suma hi Levi-nid’a 26:15

le agi nga tchilagi tid’igi kam pet tuo, le agi gologi gata d’igi vama ndjendjed’a na, le agi bud’ugi vun man ma djinda woyo ni,

Amos 6:8

Salad’a Ma didina mi gun tam ki mam tamba ala: An Ma didina Alo ma ad’engên kal petna, an gol subur tad’a hi suma hi Jakob-mid’a ni vama ndjendjed’a, an noî azì mazi ma amula woi mi. Kayam ndata, an mba ni hazì mam ma ngolâ abo mazi suma djangûna kahle suma kuruma pet mi.

Amos 7:9

An mba ni b’lak yima ndingâ handjafâ hi Isa’â woyo, an mba ni b’lak gongîyo suma kud’ora hi Israel-lîna woyo, an mba ni ngop suma hi Jerobowam-ma kayî ma durâ mi.

Gat ta a hat á mbàd’id’a 32:19

Ata yima Ma didina mi we grom suma andjofâ ki grom suma aropma a nga lazama, mi noyôzi woi mi.