Sunda hi suma hi Levi-nid’a 26:3 - Bible azumeina

³ Le agi nga tid’igi yam gat manda, le agi ngomogi vun man ma hed’a, le agi nga lagi sunda kam mi ni,

Sunda hi suma hi Levi-nid’a 26:3 Kruisverwysings

Nehemi 1:9

Le agi hulongôgi gevenu, le agi ngomogi vun ma he mana, le agi tid’igi kam mi ni, le a digigi gak igi navun dabid’a handagad’id’a pî, an mba ni togogï ata yima an manam á tin simiyên kuana.

Buzuk ka Abud’a 23:25

Agi kud’urogi ni an Ma didina Alo magina tu. Hina wani, an mba ni b’e vunan yam te magina, yam mbiyo magi ma tched’a mi. An mba ni ar tugud’eid’a ti lagi d’i.

Isai 1:19

Le agi gagi yagi kä agi humun vunanu ni, agi mba tagi vut ahle suma djivi suma yam ambasina.

Isai 30:23

Ma didina mba mi sagi alona yam awu ma agi mba zaram kä na. Awu ma andagad’a mba d’i wulugizina mba mi mbut ni te ma djivi ma d’or sumina. Kur bur máma agi pologi d’uwar magina ata yima te hat ma vivid’i’â mi.

Jeremi 11:4

Ni vun ma djin ma an djinim kabuyogi ngolo ata yima an buzuguzï woi kur ambas sa Ezipte-d’a d’igi für ma kaweina na na, an dazi ala: Agi humugi vama an hagi vuna kama, agi tid’igi yam vama an hagi vuna kama mi. Hina wani, agi mba mbud’ugi sum mana, an mba ni arî Alo magina mi.

Sunda hi suma hi Levi-nid’a 19:25

Kur biza d’a vahla, agi tazi vud’uziya, agi tchagazi mi, kayam an ni Ma didina Alo magina.

Zakari 8:12

An mba ni mba ki b’leng nga halasa yam andagad’a, guguzlud’a mba d’i vud’a, andagad’a mba d’i wul awuna, akulod’a mba d’i salona ngola, an mba ni le djivi ndata mi man suma a mba arâ.

Malatchi 3:10

An min ala agi mbeyegi ki dima pet kur gong nga ngom ahlena, kayam tena mi kak kur gong man nda kud’ora. Agi kugun an Ma didin ma ad’engên kal petna hina gi, agi mba wagiya, le an malagi nga ir mbiyo ma akulona d’uo, le an hagi nga ahle suma djivina ngola kal kagi d’uo ni, agi mba wagi ko.

Gat ta a hat á mbàd’id’a 7:12

Wani ata yima agi humugi vun mam ma hed’ina, le agi ngomomu, le agi nga tid’igi kam mi ni, Ma didina Alo magina mba mi ngom vun mam ma djinda ki djivi mam mba mi hle vunam kat mabuyogi ngolod’a ki sed’egi mi.

Vama ndum mbeina 22:14

Suma a nga mbus baru mazid’a a mba le furîd’a. Ni azi ba, mba fe lovota á te vud’agu ma he arid’ina, a mba kal ata vun azì ma ngol máma krovo mi.