Sunda hi suma hi Levi-nid’a 26:26 - Bible azumeina

²⁶ Ata yima an mba ni d’el avungô maginina, aropma dogo a mba gavungôna kur für ma tuna, a mba ngagizi ni ngä; agi mba tumu, wani mba mi hobogi d’i.

Sunda hi suma hi Levi-nid’a 26:26 Kruisverwysings

2 Amuleina 6:25

Wani meid’a nde kur azina ngola. Suma mba á durîna a ngui azina teweler gak yam korona baba a guzut ni ir bege d’a hapa dok klavandi, sud’o gugud’a kur angot ta ngad’a tu ni ir bege d’a hapa vahl mi.

Sawal la giled’a 105:16

Alona mi ar baktarad’a ti nde yam andagad’a, mi d’el vun ahle mazi suma tena pet.

Isai 3:1

Gola! Salad’a Ma didin ma ad’engêm kal petna, nga mi hlad’eng nga Jerusalem-mba ki d’a Juda-d’a woyo, nga mi hlad’eng nga azi fe ki tenid’a, d’oze d’a azi fe ki mbinid’a woi mi.

Isai 5:10

A mba zum palum guguzlud’a hindi, wani vud’ut mba d’i em lidirâ dok vahl hluo ko; a mba zar gemena kä kilona kis, wani mba mi dut ni kilona dogo wü d’a.

Isai 9:19

A nga hurum ahlena abo ma ndjufâ, wani meid’a nga d’i arazi d’i, a nga hurum ahlena abo ma gulana, wani a nga hop pi. Nge nge pî nga mi mut ni hliwim mam tamba.

Isai 9:20

Andjafâ hi Manase-na nga mi mut andjafâ hi Efraim-ma, andjafâ hi Efraim-ma nga ni mut andjafâ hi Manase-na, azi djak a ndjak vunazi yam andjafâ hi Juda-na mi. Hina pet pî, Ma didina hurum mi b’leng nga d’i, abom mi ar nga zid’a akulo kamzi.

Jeremi 14:12

Le a d’el tazi bei te tena pî, an mba ni hum tchi mazi ma hohoud’a d’i. Le a han he d’a hawa d’a ngala ki he d’a hawa d’a afuta pî, an mba ni vat abozi d’i. Kayam an min dabazi woi kayî ma durâ ki baktarad’a ki tugud’ei d’a tcho d’a tchi matna mi.

Ezekiyel 14:13

Ang gor sana, le suma kur ambasa a le tchod’a avoronu, le a he tazi á le sun nda batranga, le an zi abon kazi akulo, le an yo te mazina woyo, le an sun baktarad’a kaziya, le an tchi suma woi ki d’uwarâ adigaziya,

Ezekiyel 4:10

Te ma ang mba tuma, a mba nga mi nga ki vama ngad’a burâ ki burâ, ang mba tumî hina gak kur yima a ngama hina pet mi.

Ezekiyel 4:16

Mi dan kua ala: Ang gor sana, an nga ni yo tena hi suma Jerusalem-ma woyo. A mba ngazi tena ni nga, a mba ngazi mbina ni nga, a mba tche mbina ni ki ngad’a ki hohoud’a.

Ezekiyel 4:17

Tena ki mbina a mba kid’agaziya. Zulona mba mi laziya. Nge nge pî mba mi mbut hohoud’a, a mba dap pei yam tcho mazid’a.

Ezekiyel 5:16

An mba ni lagi ndaka ki baktarad’a á dabagi woyo. Mba d’i tagi tagi ni d’igi yeû d’a zala na. An mba ni yogi te ma agi ngomoma woyo, an mba ni ar meid’a ti tchagiya.

Wana ni mbaktumba hi Oze-d’a 4:10

Azi mba te, wani azi mba hop pi, azi mba le gaulangâ, wani azi mba zul li, kayam azi noyôn an Ma didina woi á le gaulangâ.

Sunda hi suma hi Levi-nid’a 26:27

Le an lagi ahle ndazina hina pet ba, agi humun nga d’i, agi tchologi ad’enga ki sed’enu ni,

Mise 6:14

Agi mba tagi avuna, wani agi mba hobogi d’i, agi mba tchigi meid’a, agi mba tinigi ahlena á ngomba, wani agi mba wazi zlazi d’a ngomba d’i. Ahle suma agi mba ngomozina, an mba ni ar suma durâ a yoziya.

Wana ni mbaktumba hi Aze-d’a 1:6

Agi nga zumugi ngola, wani agi nga dud’ugi akid’eid’a; agi nga tagiya, wani agi nga hobogi d’i; agi nga tchagiya, wani nga vagi laud’a d’i; agi nga tchugugi baruna atagiya, wani tagi nga d’i ve d’ut ti. Sama le sunda nga mi ve bege mamba, wani nga d’i ndagam mbi.