Sunda hi suma hi Levi-nid’a 26:22 - Bible azumeina

²² An mba ni sunï amburei suma ayîna a mba vigigi grogina, a mba vigigi d’uwar magina; agi mba feyêgiya, lovot magid’a mba d’i se asuna.

Sunda hi suma hi Levi-nid’a 26:22 Kruisverwysings

2 Amuleina 17:25

Wani ad’u tinda hi kak mazid’id’a azi le nga mandara Ma didina d’i. Kayam ndata, Ma didina mi sunï azlona taziya, mi vik suma dingâ ablaud’a adigaziya.

2 Amuleina 2:24

Mi mbut iram mi goloziya, mi gazi vuna ki simiyê Ma didina. Ata yi máma amburei suma arop suma a yazi ala ursâ-na mbà, a buzugï aduk agud’a, a mba vik gugureina dok fid’i yam mbà adigaziya, a kizagazi woi mbambak.

2 Sunda Hamuleinid’a 15:5

Kur atchogoi ndata, b’leng nga halasa ti nga yam suma á id’a á hulongîd’a d’i. Kayam tcha d’a tatad’a ti nga aduk suma a nga kaka yam ambasina pet.

Isai 24:6

Kayam ndata, andagad’a ti b’lak kei abo vun ma ged’a hAlonina. Suma a nga kaka kurutna a hlaneka hi tcho mazid’id’a kaziya. Kayam ndata, a dap peyo, a arî akid’eid’a ngiyeû go.

Isai 33:8

Lovota hurut ni hawa kikid’ik, sa nga mi kal kurut ti. Ma te yamba kad’engina mi but vun ma djinda woyo, mi gol suma glangâsâ is, nga mi he ngol mi sa tu d’i.

Jeremi 15:3

Ma didina mi dala: An mba ná ngobozi kahlena fid’i: A mba tchazi avun ayîna ki mbigeu d’a fiyaka, adureina a mba tanaziya, aluwei suma akulona kamburei suma abageina a mba kizagazi á b’lagazi woyo.

Jeremi 42:2

a de mi ma djok vun Alona Jeremi ala: Ar ang hum tchen mami d’a hud’a. Ang tchen Ma didina Alo mangâ yam djivid’a hi ami suma aramina pet. Kayam avok ami nablaud’a, wani ki tchetchemba, ami arami nakid’eid’a d’igi ang we ki irang ini na.

Hor ma tchina 1:4

Lovot ta i Siyon-nda nga d’i yor tat d’igi sana na, kayam suma a nga mba á le vun tilâ kua d’uo d’a. Vun agrek matna pet mi b’lak keyo, mat suma ngat buzuna a nga zam taziya, yugunei matna a mbut wa hohoud’a, ndat tata ti nga kur hat hur ma ngolâ mi.

Ezekiyel 14:15

Le an ni tchuk amburei suma ayîna kur ambas ndata, a ngui kurut a dap suma woyo, le ti mbut djona d’oze sa nga mi kal kua d’uo abo amburei suma kurutna,

Ezekiyel 14:21

Salad’a Ma didina mi de kua ala: Ladjï an sunï ngop man nda fid’id’a, nala, ayî ma durâ ki baktarad’a kamburei suma ayîna ki tugud’ei d’a tcho d’a tchi matna á ngop Jerusalem, á tchi suma woi ki d’uwarâ ni,

Ezekiyel 33:28

An mba ni b’lak ambasa woyo, an mba ni mbud’ut hur fulâ. Ad’eng mat ta sum matna a subur tazi kata, mba d’i dap peyo. Ahinad’a hi Israel-lîd’a mba d’i arî djona, sa mba mi kal kua d’uo d’a.

Ezekiyel 5:17

An mba ni sunugï baktarad’a kamburei suma ayîna, a mba dabagi grogina woyo. Tugud’ei d’a tcho d’a tchi matna ki murud’umba kayî ma durâ a mba mba kagiya. Ni an Ma didina ba, nga ni dagiya.

Sunda hi suma hi Levi-nid’a 26:6

An mba ni mba ki b’lenga halasa kagiya; agi mba burugi sena bei va mbud’ugi mandarâ ba. An mba ni dap amburei suma ayîna woi kur ambas magid’a; sa mba mi mba á dur ayîna kur ambas magid’a d’i.

Mise 3:12

Ni kayam agi ba, a mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Zakari 7:14

An ni ndjoyôzi woi aduk andjaf suma ding suma azi wazi nga d’uo na. Ambas mazid’a ti b’lak kei blogoziya. Sama mi nde woi kua mi hulong mi kal kuana nga d’i, ambas sa djivid’a, azi mbud’ut djona.

Gat ta a hat á mbàd’id’a 32:24

Azi mba it abo meid’a, tazi mba d’i kumuruziya, tugud’ei d’a tchod’a mba d’i mba kaziya; an mba ni sunï amburei suma ayîna ki guguyo suma ayîna atazi mi.

Suma ka sariyad’a 5:6

Kur atchogoid’a hi Samgar Anat goromid’a, kur atchogoid’a hi Jayel-la, suma tita a ar lovot ta nglod’a woyo, suma a nga titna a tit ni kur lovot ta gurei d’a gunda.