Sunda hi suma hi Levi-nid’a 25:10 - Bible azumeina

¹⁰ Biza d’a dok vahla, agi tinit irat vad’u, agi tchagi wala kur ambasa á tchuk suma akulo. Biza ndata mba d’i mbut ni biza d’a ngol la furîd’a. Nge nge pî adigagi mba mi hulong hle va mama, mba mi hulong ad’u adezem mi.

Sunda hi suma hi Levi-nid’a 25:10 Kruisverwysings

Esdras 1:3

Ni nge adigagi ba, ni sa mama ge? Ar Alo mama mi kak ki sed’emu, mi i Jerusalem mba Juda-d’a, mi min gong nga kud’ora mi Ma didina Alona hi Israel ma nga avo Jerusalem-ma.

Sawal la giled’a 146:7

Nga mi ka ir zlad’a hi suma a nga djobozi vunazina, nga mi he tena mi suma meid’a nga d’i tchazina mi. Ma didina mi tchuk suma dangeina akulo,

Buzuk ka Abud’a 20:2

An ni Ma didina Alo mang ma pad’angî woi kur ambas sa Ezipte-d’a ata yima a lang magomba kuana.

Isai 49:9

á de mi suma kur dangeinina ala: Agi buzugugi woyo, á de mi suma a nga kur nduvundina ala: Agi buzugugi woyo mi. Azi mba te hatna avun lovota d’igi tumiyôna na, azi mba te hatna akulo yam yima ndingâ pet mi.

Isai 63:4

Kayam bur ma sä atchugula nga kurun adjeu dei, biza d’a wurak yam sum manid’a ti mba wa.

Jeremi 34:10

Suma nglona ki suma pet suma a ndjak vunazi yam zla ndatina, a ge yazi kä yam vun ma he máma á tchuk magumeina akulo, magoma d’oze magomba tala a d’el sa kä kur magomba d’uo d’angû d’a. A ge yazi kä ad’umu, a tchuguzi akulo.

Jeremi 34:8

Ma didina mi de zlad’a kua mi Jeremi. Wani avok ka bei mam dum zla ndata tua d’a, amulâ Sedekiyas mi djin wa vunam ki suma Jerusalem-ma á tchi wala yam tchuk ka a tchuk suma akulod’a ala:

Ezekiyel 46:17

Wani le amulâ mi habo andaga mamba he d’a hawad’a mazong mama ni, he d’a hawa ndata mba d’i kak abo azong máma gak biza d’a a tchuk suma akulod’a. Ata yi máma he d’a hawa ndata a mba hulongôt mamulâ. Kayam amulâ ni salatna, ni djona hi gromina hol.

Sunda hi suma hi Levi-nid’a 25:11

Biza d’a dok vahl ndata, mba d’i mbut ni biza d’a ngol la furîd’a; agi zumugi awuna kur ri, agi dud’ugi awu ma magor ma deî kur asinenina d’i, agi dud’ugi guguzlu d’a agi tchawat nga abot tei d’uo d’a d’uo mi.

Sunda hi suma hi Levi-nid’a 25:13

Kur biza d’a ngol la furî ndata, ar nge nge pî adigagi mi hulong hle va mama.

Sunda hi suma hi Levi-nid’a 25:41

Kur biza ndata, mba mi nde woi avo hatang ki groma, mba mi hulong ad’u adezem yam andagad’a hi simiyêmba.

Sunda hi suma hi Levi-nid’a 25:54

Le mi mbut nga tam hina d’uo ni, mba mi nde woi ki groma ni kur biza d’a ngol la furîd’a mbeî.

Wana ni Zla d’a Djivi d’a Luc mi b’irita 1:74

á pad’ei woi ad’u ad’enga hi mei suma djangûna, kayam ei lum sunda bei mandarâ ba,

2 Korente-na 3:17

Zla ndata ala Ma didina d’a, ad’ut ala Muzu’â d’a. Ata yima Muzu’â hi Ma didinina nga kuana, but ta akulod’a nga.

Galat-na 4:25

Agar ndata nahina d’a Sinai d’a yam andaga d’a Arabi-d’a. Hle tat ni d’igi azì ma ngol ma Jerusalem ma tchetchem wana na, kayam ndat nga d’i le magomba ki grotna.

Galat-na 5:13

B’oziyona, Alona mi yagi mi pad’agi woi da’, wani ar pat ndata mbut ni vama le sun nda yam minda hi sa magi ma adjeunid’a d’i, wani agi sunugi tagi ki od’a.

1 Pierre 2:16

Agi ni gro vuta, wani agi mbud’ugi gro vut magid’a d’igi baru d’a zlup yam tcho d’a agi lata na d’i, wani agi lagi d’igi azungeîna hAlonina na.