Sunda hi suma hi Levi-nid’a 24:8 - Bible azumeina

⁸ Kur bur ma sabat ma lara pî azi ndjar avungôna avogon an Ma didina teteu. Wana ni vun ma djin ma didin ma yam agi Israel-lîna.

Sunda hi suma hi Levi-nid’a 24:8 Kruisverwysings

1 Sunda Hamuleinid’a 23:29

a ndjar avungôna avok Alona, a min afut ta adiged’id’a á he he d’a hawad’a, nala, fangasu ma a lum bei angufina ki woî ma a reyêm kur halîna ki gato ma a yum ki mbulîna. A ngom ahle suma teteng suma a tak ngola hahlenid’a ki fiyaka hahlenid’a woina.

1 Sunda Hamuleinid’a 9:32

B’oziyozi suma ding suma ad’u andjafâ hi Kehat-na ni suma a nga ngom sun nda ndja avungônina, a nga minim kur bur ma sabat ma lara ge pet mi.

2 Sunda Hamuleinid’a 13:11

Ami nga hami he d’a hawa d’a ngala mi Ma didina yorogo ki fladege burâ ki burâ. Ami nga ngalami dubang ma his djivid’ina, ami nga ndjarami avungôna yam tabul ma a tinim iram vama. Fladege ami nga sad’ami agu lalam ma lora woyo, ami nga domi lalam mamba akud’a mi. Ami nga ngomomi vun ma hed’a hi Ma didina Alo maminina. Wani agiya, agi aram mbeyo.

2 Sunda Hamuleinid’a 2:4

Gola! An nga ni min gonga mi Ma didina Alo mana á tinit irat vat á ngal dubang ma his djivid’ina avoromu, á ndjar avungôna avorom teteu, á hahle suma ngat buzu suma ngala yorogo ki fladege burâ ki burâ, kur bur ma sabatna, kur deîd’a hi tilîd’a, kur bur ma vun tilâ hi Ma didina Alo mamina d’igi mi he gat ta didinda mi Israel-lâ na.

Nehemi 10:33

yam avungô ma a tinim iram vama, yam afut ta a hat he d’a hawa d’a burâ ki burîd’a, yam he d’a hawa d’a ngal la a hat kur bur ma sabatna teteud’a, kur bur ma tilâ deîna, kur bur ma luna mi, yam ahle suma a tinizi irazi vazina, yam he d’a hawa d’a ngat buzuna á zlup yam tchod’a hi Israel-lîd’a, yam ahle suma a nga lazi kur gong nga kud’ora hAlo meinina pet mi.

Buzuk ka Abud’a 25:30

Agi tinigi avungô ma a tinim iram vam mi ana avogon yam tabul máma burâ ki burâ.

Ndumba 4:7

A bar baru d’a botlozid’a yam tabul ma a tin avungô ma a tinim iram vama kama, a tin tazana, kopma, anguleina ki gugurei suma vo süm guguzlu d’a a hat he d’a hawad’a kuana kua; a tin avungô ma a nga tinim avogon teteuna kua mi.

1 Samuel 21:7

Kur bur máma tamba sana aduk azungeîna hi Saul-lâ mi nga tchola avok Ma didina. Ni sama Edom-ma a yum ala Dowek; ni sama ngolâ hi suma pol aho’â hi Saul-lîna.