Sunda hi suma hi Levi-nid’a 24:6 - Bible azumeina

⁶ Ang ndjaram djirdid’a mbà, djirdi d’a lara pî ang tin avungôna kua karagaya karagaya. Ang tinim yam tabul ma lor ma bei zozota ba na avogon an Ma didina.

Sunda hi suma hi Levi-nid’a 24:6 Kruisverwysings

1 Amuleina 7:48

Wana nahle suma lor suma Salomon mi lazi kua yam gong nga kud’ora hi Ma didinid’ina: Yima ngal dubang ma his djivid’a ma mi lum ki lorina; Tabul ma a tin avungô ma a tinim iram vam mAlona kam ma mi lum ki lorina;

2 Sunda Hamuleinid’a 13:11

Ami nga hami he d’a hawa d’a ngala mi Ma didina yorogo ki fladege burâ ki burâ. Ami nga ngalami dubang ma his djivid’ina, ami nga ndjarami avungôna yam tabul ma a tinim iram vama. Fladege ami nga sad’ami agu lalam ma lora woyo, ami nga domi lalam mamba akud’a mi. Ami nga ngomomi vun ma hed’a hi Ma didina Alo maminina. Wani agiya, agi aram mbeyo.

2 Sunda Hamuleinid’a 4:19

Wana nahle suma lor suma Salomon mi lazi kua yam gong nga kud’ora hAlonid’ina: Yima ngal dubang ma his djivid’a ma mi lum ki lorina; Tabul ma a tin avungô ma a tinim iram vam mAlona kam ma mi lum ki lorina;

Nehemi 10:33

yam avungô ma a tinim iram vama, yam afut ta a hat he d’a hawa d’a burâ ki burîd’a, yam he d’a hawa d’a ngal la a hat kur bur ma sabatna teteud’a, kur bur ma tilâ deîna, kur bur ma luna mi, yam ahle suma a tinizi irazi vazina, yam he d’a hawa d’a ngat buzuna á zlup yam tchod’a hi Israel-lîd’a, yam ahle suma a nga lazi kur gong nga kud’ora hAlo meinina pet mi.

Nehemi 10:34

Ami tinimi gata kami kua ala ami suma ngat buzuna, suma hi Levi-na kablau suma, ami lami togina ngad’a yam andjavami á mba kagu ma a hum he d’a hawad’a bizad’a ki bizad’a kur gong nga kud’ora hAlonid’a kur bur ma a ngama, á ngal ki he d’a hawa d’a ngat buzuna yam yima ngal ahle suma ngat buzuna hi Ma didina Alo meinina d’igi a b’ir kur Gata na.

Buzuk ka Abud’a 25:30

Agi tinigi avungô ma a tinim iram vam mi ana avogon yam tabul máma burâ ki burâ.

Buzuk ka Abud’a 39:36

A mba ki tabulâ kahle mam suma sunda kavungô ma a tinim iram vama mi.

Ezekiyel 41:22

vama ngal dubang ma his djivid’a ma a lum kagunina na. Fiyagam mba akulod’a ni metred’a tu ki nusa, bubuwamî metred’a tu mi, kengêma kad’um mba ged’a pet ni kaguna. A minim abom ma fid’ina ni kagu ma bebed’ena mi. Sa máma mi dan ala: Va máma ni tabul ma a tinim iram vam avok Ma didinina.

1 Korente-na 14:40

Wani ar agi lagi ahlena pet ata lovod’oziya, nata yazi mi.

Hebre-na 9:2

Kayam a ve zlub’ud’a adjewe. Hurut ma abuna, a yum ala Yima Alona mi tinim iram vama. Kurumu, lalamba ki tabulâ kavungô ma nga tinda avok Alonina a nga kua.