Sunda hi suma hi Levi-nid’a 24:4 - Bible azumeina

⁴ Mi ndjar lalamba akulo yam agu lalam ma a lum ki lora bei zozota ba d’a tala ti ngal avogon an Ma didina burâ ki burâ d’a.

Sunda hi suma hi Levi-nid’a 24:4 Kruisverwysings

1 Amuleina 7:49

Agu ma a tin lalamba kama dogo ni ki lor ra bei zozota ba d’a, vahl abo ma ndjufâ, vahl abo ma gulana avok yima a tinim iram vam ma kal teglesâ; B’o aguna, lalamba ki ma deu ma lora;

1 Sunda Hamuleinid’a 28:15

Mi hum aneka hagu lalamba ma lora ki lalam mam mba lora, zlapa kaneka hagu lalamba ma tetengâ ki lalam mamba mi. Mi hum aneka hagu lalamba ma kawei ma hapma, zlapa kaneka hagu lalamba ma tetengâ ki lalam mba yam sun nda ngad’a kamba.

2 Sunda Hamuleinid’a 29:7

A i gak a duk vun gulumuna hi gong mam mba kud’orina akulo, a tchi lalamba woyo, a nga ngal dubang ma his djivid’ina d’oze a nga he he d’a hawa d’a ngala yam yima a tinim iram vama d’i.

Buzuk ka Abud’a 31:8

tabulâ kahle mama, agu lalam ma a lum ki lor ra kal teglesina kahle mama pet ki yima ngal dubang ma his djivid’ina,

Buzuk ka Abud’a 39:37

A mba kagu lalam mba lor ra kal teglesa ki lalam mam mba a tinit akulo kamba kahle mam suma sunda pet ki mbul lalamba mi.

Jeremi 52:19

Ma ngolâ hi suma a ngom yinina, mi yo ahlena kua, nala, halâ, andru ma vakud’a, anguleina, duguyona, agu lalamba, kopma ki tazana. Ahle ndazina pet a lazi ni ki lora ki kawei ma hapma.

Sunda hi suma hi Levi-nid’a 24:3

Ar Aron mi tinit bugol baru d’a ka ir ra ka ir zanduk ma glangâs ma kur zlub’u d’a ngaf tad’ina tala ti ngal burâ ki burâ avogon an Ma didina d’a, tin ad’ud’a fladege dei gak yorogo. Wana ni gat ta didin nda yam andjavagid’a.

Ndumba 3:31

A hazi sun nda ngom zandu’â hAlonina, tabul ma a tin avungôna kama, agu lalamba, yima ngal dubang ma his djivid’ina, yima ngal ahle suma ngat buzuna, ahle suma a le ki sunda kur yima a tinim iram vama kahle suma a lum ki sunuma ki baru d’a ka ir ra kurut krovod’a kahle suma a le ki sunda kurutna pet mi.

Ndumba 4:9

A yo baru d’a botlozid’a, a zlubut yam agu lalamba ki lalam mamba ki mangas mamba ki anduru ma tchuk butna ki gugur ra vo mbulâ kahle mam suma sunda pet.

Ndumba 8:2

Ang i de mi Aron ala: Ata yima ang ndjar lalam mba kid’iziyad’a akulo yam aguwatna, ar ti b’o woi avok aguwad’u.

Hebre-na 9:2

Kayam a ve zlub’ud’a adjewe. Hurut ma abuna, a yum ala Yima Alona mi tinim iram vama. Kurumu, lalamba ki tabulâ kavungô ma nga tinda avok Alonina a nga kua.

Vama ndum mbeina 1:20

Ang we zla d’a mudurid’a hi tchitchiu d’a kid’iziya d’a ang wat abon ma ndjufâ kagu ma tin lalam mba lora kama kid’iziyad’a. Tchitchiu d’a kid’iziya ti ni malaika suma kid’iziya suma yam Tok ka kid’iziyad’ina; agu ma tin lalamba kam ma kid’iziyana mi ni Tok ka kid’iziyad’a mi.

Vama ndum mbeina 11:4

Suma glangâs suma mbà ndazina, nagu olif ma mbàna ki lalam mba mbàd’a ni suma a nga tchola avok Sala andagad’ina.

Vama ndum mbeina 2:5

An nga ni dangû, ar ang djib’er yam yima ang puk kuana, ang mbut hurung yam tcho manga, ang le sunda d’igi ang lat avok na. Le ang mbut nga hurung yam tcho manga d’uo ni, an nga ni mba ni hle agu ma tin lalam manga woi ata yamu.