Sunda hi suma hi Levi-nid’a 24:14 - Bible azumeina

¹⁴ Ang nde ki ma lazan simiyên máma woi kur kangâ. Suma a hum ngul ndata ki humazina a tin abozi kamu, ablau suma pet a durum kahinad’a, a tchumu.

Sunda hi suma hi Levi-nid’a 24:14 Kruisverwysings

1 Amuleina 21:10

Agi tchologi suma asa’atna mbà avoromu, a tchugum zlad’a kam ala: Ang ngul Alona, ang ngul amulâ mi! Bugola, agi im mbei kel azina, agi durum kahinad’a baba, mi mid’a.

Sunda hi suma hi Levi-nid’a 13:46

Kid’a tugud’ei libina nga atam tatâ tua d’a, mba mi ka’î ndjendjed’a, kayam mam mi sama ndjendjed’a. Mba mi ka’î vam tu. Zlub’u mamba a mba vat sä ni woi bugol kangâ.

Sunda hi suma hi Levi-nid’a 20:2

Ang i de mi Israel-lâ ala: Sama lara ma aduk Israel-lîna, d’oze le nangei ma nga kaka adigagina, le mi he goroma malo ma a yum ala Molo’â ni, mi ndak á tchid’a. Ar suma a nga kaka yam ambasina, a durum kahinad’a, a tchum mbeyo.

Sunda hi suma hi Levi-nid’a 20:27

Le mandjufâ d’oze atchad’a a nga djop ki suma azuleina d’oze a djop yam vama nga mbana ni, agi duruzi kahinad’a, agi tchazi woyo. Buzuwazi mba mi hulong kaziya.

Sunda hi suma hi Levi-nid’a 24:13

Ma didina mi de mi Moise ala:

Jean 8:59

Kayam ndata, azi yo ahuniyôna á durumu, wani Jesus mi ngei tamu, mi nde woi kur gong nga kud’ora hAlonid’a.

Gat ta a hat á mbàd’id’a 17:5

ata yi máma agi mbagi ki sa máma, atchad’a d’oze mandjuf ma mi le sun nda tcho ndatina woi abu avun azina, agi durum kahinad’a gak agi tchum mbeyo.

Gat ta a hat á mbàd’id’a 17:7

Suma glangâsâ a yo abozi akulo avok kikidji á tchumî aziya, ablau d’a peta ti yo abot ni bugolo. Hina wani, agi mba d’elegi tcho d’a led’a woi adigagiya.

Gat ta a hat á mbàd’id’a 21:21

Ata yi máma suma kur azì mam ma ngolîna pet a durum kahinad’a, a tchum mbeyo. Hina wani, agi mba d’elegi tcho d’a led’a woi adigagi kayambala Israel-lîna pet a huma, a le mandarâ d’a.

Gat ta a hat á mbàd’id’a 22:21

ata yi máma a nde ki sed’et tei avun azina habutna, suma hur azinina a durut kahinad’a, a tchat teyo, kayam ti le ni sun nda ata yat tuo d’a aduk Israel-lâ, ti b’lak tat navo habud’u. Hina wani, agi mba d’elegi tcho d’a led’a woi adigagiya.

Josue 7:25

Josue mi de mi Akan ala: Ni ang ba, mba ki ndaka kamiya. Ki tchetchemba, Ma didina nga mi mba ki ndaka kang mi. Ata yi máma Israel-lâ a durum kahinad’a, a tchumu, a dur sum mama kahinad’a mi. Azi ngalam ahle mama woi pet mi.