Sunda hi suma hi Levi-nid’a 23:8 - Bible azumeina

⁸ Agi hagi ahle suma ngat buzu suma ngala mi an Ma didina gak burâ kid’iziya. Kur bur ma kid’iziya máma agi togogi tok ka a tinit irat vata á kud’uronu. Agi lagi sun nda kaud’a kur ri.

Sunda hi suma hi Levi-nid’a 23:8 Kruisverwysings

Buzuk ka Abud’a 12:16

Kur bur ma avo’â agi mba togogi tok ka a tinit irat vata, kur bur ma kid’iziyana agi mba togogi tok ka ding nga a tinit irat vata mi. Ar sa tu pî mi le sun kur bur máma d’i, ar nge nge pî mi le ni te mama hol.

Buzuk ka Abud’a 13:6

Agi mba tagi avungô ma bei angufina gak burâ kid’iziya. Dabid’a hi bur ma kid’iziya máma agi mba lagi vun til ma he ngola mi Ma didina.

Ezekiyel 45:23

Kur bur ma kid’iziya ma a le vun til máma kurâ pet, mam he amuzleina kid’iziya ki gamlâna kid’iziya suma bei daka ba na he d’a hawa d’a ngat buzu d’a ngala, mi he mbekmberena tu he d’a hawa d’a ngat buzuna yam tchod’a mi.

Sunda hi suma hi Levi-nid’a 23:7

Kur bur ma avo’â agi mba togogi tok ka a tinit irat vata á kud’uronu. Ar agi lagi sun nda kaud’a kur bur máma d’i.

Sunda hi suma hi Levi-nid’a 23:9

Ma didina mi de mi Moise kua ala:

Ndumba 28:18

Kur bur ma avok máma agi togogi tok ka a tinit irat vata á kud’uron an Ma didina, agi lagi sun nda kaud’a kur ri.

Ndumba 28:25

Kur bur ma kid’iziyana agi togogi tok ka a tinit irat vata á kud’uron an Ma didina, agi lagi sun nda kaud’a kur ri.

Ndumba 28:26

Ma didina mi de kua ala: Kur bur ma Pantekot-na ata yima agi mbagi kawu magi ma navo’îna, agi mba togogi tok ka a tinit irat vata á kud’uron an Ma didina, agi mba lagi sun nda kaud’a kur ri.

Gat ta a hat á mbàd’id’a 16:8

Agi tagi avungô ma a lum bei angufina gak burâ karagaya kur bur ma kid’iziyana, agi togogi tok ka ngola avok Ma didina Alo magina. Ar agi lagi sun kur bur máma d’i.