Sunda hi suma hi Levi-nid’a 23:6 - Bible azumeina

⁶ Kur bur ma dogo yam vahlâ hi til mámina ni vun til ma a lum kavungô ma bei angufa á kud’uron an Ma didinina. Agi tagi avungô ma a lum bei angufina gak burâ kid’iziya.

Sunda hi suma hi Levi-nid’a 23:6 Kruisverwysings

Buzuk ka Abud’a 12:14

Bur máma mba mi mbut ni bur ma ge humba. Agi mba lagi vun tilâ kur bur máma á suburun an Ma didina. Vun til máma mba mi mbut ni gat magid’a kur atchogoi d’a lara ge pet.

Buzuk ka Abud’a 23:15

Agi ngomogi vun til ma a lum kavungô ma bei angufina, agi lum gak burâ kid’iziya kur til ma Abip-ma d’igi an hagi vuna na. Kayam ni kur til máma ba, agi buzugugï woi avo Ezipte. Ar sa mi mba avoron abom hawa d’i.

Buzuk ka Abud’a 34:18

Agi ngomogi vun til ma a lum kavungô ma bei angufina. Kur burâ kid’iziya, ata yima ngam kur til ma Abip-mina, agi tagi avungô ma bei angufina d’igi an hagi vuna na, kayam ni kur til ma Abip-ma ba, an buzugugï woi kur ambas sa Ezipte-d’a.

Gat ta a hat á mbàd’id’a 16:3

Ata yima agi lagi vun tilîna, agi tagi avungô ma a lum kangufina d’i, wani agi tagi navungô ma a lum bei angufina gak burâ kid’iziya. Navungô ma djib’era, kayam agi buzugugï woi kur ambas sa Ezipte-d’a ni ki b’at tad’a. Agi mba djib’eregi yam bur ma agi buzugugï woi yam ambas sa Ezipte-d’ina burâ ki burâ ata yima agi nga ki iragi yam andagad’ina.

Gat ta a hat á mbàd’id’a 16:8

Agi tagi avungô ma a lum bei angufina gak burâ karagaya kur bur ma kid’iziyana, agi togogi tok ka ngola avok Ma didina Alo magina. Ar agi lagi sun kur bur máma d’i.