Sunda hi suma hi Levi-nid’a 23:41 - Bible azumeina

⁴¹ Agi lagi vun til máma avogon an Ma didina kur biza d’a lara ge pet burâ kid’iziya kid’iziya. Wana ni gat ta didin nda kagi kur atchogoi d’a lara ge peta: Agi lagizi ni kur til ma kid’iziyana.

Sunda hi suma hi Levi-nid’a 23:41 Kruisverwysings

Nehemi 8:18

A nga ndum kur gata hAlonid’a burâ ki burâ, a tin ad’ud’a ei kur bur ma avo’â dei gak kur bur ma dabid’a. A lü vun tilâ gak burâ kid’iziya, bur ma klavandina a tok tok ka ngola d’igi Gata ti de na.

Sunda hi suma hi Levi-nid’a 23:14

Agi tagi avungôna d’oze yam awu ma haûd’a d’oze awu ma awilina d’i, gak bur ma agi mban ki he d’a hawa d’a ngala mi an Alo maginina tua. Gat ndata ti arî gat ta didinda yam andjavagi ata yima agi mba kagagi kuana.

Sunda hi suma hi Levi-nid’a 23:40

Kur bur ma avok máma agi yogi vud’agu ma djivina kabo amulongeîna kabo agu ma d’ufa kabo da’ara mi. Agi lagi furîd’a avogon an Ma didina gak burâ kid’iziya.

Sunda hi suma hi Levi-nid’a 23:42

Agi gro vut ta Israel-la pet, agi kagagi kur zlub’ud’a gak burâ kid’iziya,

Ndumba 29:12

Ma didina mi de kua ala: Kur bur ma dogo yam vahlâ hi til ma kid’iziyanina, agi togogi tok ka a tinit irat vata, agi lagi sun nda kaud’a kur ri. Agi lagi vun tilâ á suburun an Ma didina gak burâ kid’iziya.