Sunda hi suma hi Levi-nid’a 23:34 - Bible azumeina

³⁴ Ang i de mi Israel-lâ ala: Kur bur ma dogo yam vahlâ hi til ma kid’iziya máma, agi lagi vun til ma zlub’ud’a á suburun an Ma didina gak burâ kid’iziya.

Sunda hi suma hi Levi-nid’a 23:34 Kruisverwysings

1 Amuleina 12:32

Jerobowam mi le vun tilâ kur bur ma dogo yam vahlâ hi til ma klavandina d’igi vun til ma a lum avo Juda-na na. Mam tamba mi hahle suma ngat buzuna yam yima ngal ahle suma ngat buzuna. Wana ni vama a lum avo Betel-lâ, a hahle suma ngat buzuna mamuzlei suma a yorozina. Mi tin suma ngat buzu suma ding suma mam manazina ata yima nding ma mam minima.

1 Amuleina 8:2

Israel-lâ pet a tok gen amulâ Salomon á le vun tilâ hi til ma Etanim-ma, nala, til ma kid’iziyana.

1 Amuleina 8:65

Ata yi máma amulâ Salomon mi le vun tilâ hi Zlub’ud’ina zlapa ki Israel suma ablau suma mimiyâk suma a nga tokina. Azi ni suma a tcholï abo ma Hamat-na ki suma a tcholï avun toliyon nda Ezipte-d’ina mi. A le vun til máma avok Ma didina burâ kid’iziya. Bugola, a le vun tilâ kua gak burâ kid’iziya d’ei.

Esdras 3:4

A nga le vun til ma zlub’ud’a d’igi a b’ir kur gata hAlonid’a na, a nga he he d’a hawa d’a ngala burâ ki burâ ndak yam ndum mba Alona mi ngazizi burâ ki burîd’a.

Nehemi 8:14

Azi fe b’ira kä kur Gat ta Ma didina mi hat mi Moise-sa ala: Israel-lâ a ka’î kur zlub’ud’a ba, a lü vun til ma zlub’ud’a kur til ma kid’iziyana,

Buzuk ka Abud’a 23:16

Agi ngomogi vun til ma yam awu ma ne avok kur asine maginina, kahle suma agi mba zaragizi kur asine maginina mi. Agi ngomogi vun til ma dut awuna kur dabid’a hi bizad’a ata yima agi togogi awu ma kur asinena avo petna.

Buzuk ka Abud’a 34:22

Agi lagi vun til ma Pantekot-na ata yima agi nga vagi yam awu ma avo’â hi vun til ma duta ata vun dabid’a hi bizad’ina.

Ezekiyel 45:25

Kur vun til ma kur bur ma dogo yam vahlâ hi til ma kid’iziyanina, amulâ mi hahlena d’igi mi hazi kur bur ma Pa’â gak burâ kid’iziya na, mi he he d’a hawa d’a yam tchod’id’a ki he d’a hawa d’a ngala hina dedege zlapa ki gemena ki mbulâ mi.

Sunda hi suma hi Levi-nid’a 23:33

Ma didina mi de mi Moise kua ala:

Sunda hi suma hi Levi-nid’a 23:42

Agi gro vut ta Israel-la pet, agi kagagi kur zlub’ud’a gak burâ kid’iziya,

Sunda hi suma hi Levi-nid’a 23:43

kayam andjavagi ma bugolâ mi wala ata yima an buzugugï woi yam ambas sa Ezipte-d’ina, ni kagagi ni kur zlub’ud’a. An ni Ma didina Alo magina.

Ndumba 29:12

Ma didina mi de kua ala: Kur bur ma dogo yam vahlâ hi til ma kid’iziyanina, agi togogi tok ka a tinit irat vata, agi lagi sun nda kaud’a kur ri. Agi lagi vun tilâ á suburun an Ma didina gak burâ kid’iziya.

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Jean 7:2

Ata yi máma, vun til ma zlub’ud’a hi Juif-fîna mi ar go.

Gat ta a hat á mbàd’id’a 16:16

Kur bizad’a tu andjuvei magina pet a i avok Ma didina Alo magina yazi hindi ata yima mam mba mi manam á le vun til ma a lum kavungô ma a lum bei angufina, á le vun til ma Pantekot-na, á le vun til ma zlub’ud’a mi. Ar sa mi i avok Ma didina Alo magina abom hawa d’i.

Gat ta a hat á mbàd’id’a 31:10

Moise mi hazi vuna ala: Kur dabid’a hi biza d’a kid’iziyad’a d’a lara ge ni biza d’a a hulong ahle suma a dengêzina akulo mi simiyêzid’a, ni kur bur ma vun til ma zlub’ud’a,

Hebre-na 11:13

Azi pet a bo ni kur he gagazid’a. Azi nga bei fahle suma Alona mi hlazi vunam kazina, wani azi nga golozi sä woi hina dei ki furîd’a. Azi nga dala azi ni suma tita d’igi angoyogeina na kur duniyad’a ka hî.

Hebre-na 11:9

Ni yam he gagazid’a ba, mi kak yam andaga d’a Alona mi hlum vunam kata d’igi angeina na. Mi kak kur zlub’ud’a. Bugola, Isak azi ki Jakob a kak kur zlub’ud’a mi; ni suma zlapa ki sed’em tu yam vun ma hled’a hAlonina.