Sunda hi suma hi Levi-nid’a 23:10 - Bible azumeina

¹⁰ Ang i de mi Israel-lâ ala: Fata agi kalagi kur ambas sa an nga ni hagizid’a, ata yima agi mba dud’ugi awunina, agi kagi yam awu magi ma ne avo’â mi ma ngat buzuna.

Sunda hi suma hi Levi-nid’a 23:10 Kruisverwysings

Buzuk ka Abud’a 22:29

Agi lagi lilinga á han awu magina ki vud’agu magi ma ne avo’â d’i. Agi handï grogi suma a vut avo’â.

Buzuk ka Abud’a 23:16

Agi ngomogi vun til ma yam awu ma ne avok kur asine maginina, kahle suma agi mba zaragizi kur asine maginina mi. Agi ngomogi vun til ma dut awuna kur dabid’a hi bizad’a ata yima agi togogi awu ma kur asinena avo petna.

Buzuk ka Abud’a 23:19

Agi mbagi kahle magi suma a ne avo’â mi an Ma didina Alo magina. Ar agi yagi gor ahuna kambira hasumba d’i.

Buzuk ka Abud’a 34:22

Agi lagi vun til ma Pantekot-na ata yima agi nga vagi yam awu ma avo’â hi vun til ma duta ata vun dabid’a hi bizad’ina.

Buzuk ka Abud’a 34:26

Agi mbagi kahle suma a ne avok kur asinegina kur gonga hi an Ma didina Alo maginid’a, ar agi yagi gor ahuna kambira hasumba d’i.

Ezekiyel 44:30

Vud’agu ma ne avo’â kahle suma a handjina pet ni mazina. Avungô ma agi mba ilim avo’â, agi mba humî mi suma ngat buzuna. Hina wani, an mba ni b’e vunan yam aziyagiya.

Sunda hi suma hi Levi-nid’a 14:34

Fata agi mba mbagiza kur ambas sa Kanan nda an mba ni hagizid’a, le an tin wa huruguka kur gonga kur ambas sa an mba ni hagizid’a ni,

Sunda hi suma hi Levi-nid’a 23:11

Ma ngat buzu máma mi gas yam awu máma akulo avogon an Ma didina, kayam an vum abogiya. Mi gazam akulo ni bugol bur ma sabatna.

Sunda hi suma hi Levi-nid’a 23:17

Agi tchologï avo hatagi kavungô ma a lum kafut ta adiged’id’ina ir kilona hindi ma a yum kangufina abogi mbà mbà á gazam akulo. Wana nahle suma avo’â hi an Ma didinina.

Sunda hi suma hi Levi-nid’a 23:9

Ma didina mi de mi Moise kua ala:

Ndumba 15:2

Ang i de mi Israel-lâ ala: Ma didina mi dala: Fata agi kalagi kur ambas sa an nga ni hagizi á kakid’a,

Ndumba 28:26

Ma didina mi de kua ala: Kur bur ma Pantekot-na ata yima agi mbagi kawu magi ma navo’îna, agi mba togogi tok ka a tinit irat vata á kud’uron an Ma didina, agi mba lagi sun nda kaud’a kur ri.

Romê-na 11:16

Le avungô ma avo’â a tinim iram vam mAlona ni, ad’um mba ara ni mama mi. Le sidei aguna a tinim iram vam mAlona ni, abomî mama mi.

Gat ta a hat á mbàd’id’a 16:9

Moise mi de kua ala: Agi mba ndumugi dimasa ndundum kid’iziya, agi tinigi ad’ud’a ndumba ni kur bur ma agi mba tinigi ad’ud’a á ze geme maginina.

Jacques 1:18

Kur min mamba mi hei arid’a yam zla mam mba gagazid’a, kayam ei mbud’i suma avo’â hahle suma mam lazina pet.

Josue 3:15

Yima suma a fet awuna kuana ni yima alum ma Jurdê-na nga mi kus seina. Kid’a suma ngat buzu suma a nga zi zandu’â a mba avun alum ma Jurdê-na a nik asezi aduk mbinid’a,

Vama ndum mbeina 14:4

Azi ni suma a mbut nga tazi ndjendjed’a karopma d’uo na, ni suma a ngom tazi ped’etna, ni suma a nga tit ad’u Gor timina ata yima lara ge pet ma mam nga mi i kuana, ni suma a guzuzi aduk suma, a hazi mAlona azi ki Gor timina avok kikidjina.

Wana ni mbaktum mba a b’irit yam Rut-ta 1:22

Ni na ba, Naomi ti tcholï yam ambas sa Mowap-pa kakunota Rut ta gor ra Mowap-pa. Kid’a azi mba Betelehem-mba, suma a nga fet nawu orsâ.