Sunda hi suma hi Levi-nid’a 22:9 - Bible azumeina

⁹ Ar azi ngom vun man ma hed’a, ar azi mbud’um ndjendjed’a á hlaneka hi tcho mazid’id’a kazi ba, a bo d’i, kayam an ni Ma didin ma ni tinizi irazi vazina.

Sunda hi suma hi Levi-nid’a 22:9 Kruisverwysings

Buzuk ka Abud’a 28:43

Aron azi ki groma a tchugum ad’uzi ata yima a mba kal kur zlub’u d’a ngaf tad’ina, d’oze ata yima azi nga i ata yima ngal ahle suma ngat buzuna á le sun nda ngat buzuna ata yima kud’orina. Hina wani, azi mba le tchod’a d’i, a mba bo d’uo mi. Gat ndata arî gat ta didinda yam Aron azi kandjavam ma mba mi mba blogoma mi.

Sunda hi suma hi Levi-nid’a 16:13

Mi tchugum yam akud’a avogon an Ma didina, kayam andozom mi d’us mi kulup yam yima we hohou ma akulo yam zanduk ma glangâsîna. Hina wani, mam mba mi mit ti.

Sunda hi suma hi Levi-nid’a 16:2

Ma didina mi de mi Moise ala: Ang i de mi wiyengâ Aron, ar mi kal ata yima a tinim iram vam ma kal tegles ma nga bugol baru d’a ka ira ma nga avok yima we hohou ma nga akulo yam zandu’îna teteu tala mi mit tuo d’a. Kayam an mba ni nde woi kur d’ugula yam yima we hohou ma nga akulo yam zandu’îna.

Sunda hi suma hi Levi-nid’a 18:30

Agi tid’igi yam vun man ma hed’a, agi lagi sun nda ndjendje d’a a lat avorogi kuad’a d’i, agi mbud’ugi tagi ndjendjed’a ki sed’et tuo mi, kayam an ni Ma didina Alo magina.

Sunda hi suma hi Levi-nid’a 22:16

Le a tat nga ata lovod’ot tuo ni, a tin ni tcho d’a dinga yam Israel-lâ. A hulong he vama dingâ á min zla mazid’a, kayam an ni Ma didin ma ni mbut he d’a hawa ndata vama an tinim iram vama.

Ndumba 18:22

Ar Israel suma ding a tchila atat a hle tchod’a kazi ba, a bo d’i.

Ndumba 18:32

Hina wani, agi mba lagi tchod’a ata yima agi pad’agi ahle suma djivi suma kalâ d’i, agi mba mbud’ugi he d’a hawa d’a a tinit irat vat ta Israel-lâ a handjid’a ndjendjed’a d’i, agi mba bogi d’uo mi.

Matiye 23:17

Agi suma lilid’a suma duka, vama ngol ma kalâ ni ma lara, lora, d’oze gong nga kud’ora hAlonid’a d’a tin lor ra a tinit irat vat mAlona kuad’a zu?

Gat ta a hat á mbàd’id’a 11:1

Moise mi de kua ala: Agi lagi yam Ma didina Alo magina, agi tid’igi kur lovot mamba burâ ki burâ yam zla mamba, yam gat mamba, yam vun mam ma hed’a mi.