Sunda hi suma hi Levi-nid’a 22:15 - Bible azumeina

¹⁵ Ar suma ngat buzuna a mbut ahle suma Israel-lâ a pad’azi aduk he d’a hawa d’a a tinit irat vat á handji mi an Ma didinid’a ndjendjed’a d’i.

Sunda hi suma hi Levi-nid’a 22:15 Kruisverwysings

Buzuk ka Abud’a 28:43

Aron azi ki groma a tchugum ad’uzi ata yima a mba kal kur zlub’u d’a ngaf tad’ina, d’oze ata yima azi nga i ata yima ngal ahle suma ngat buzuna á le sun nda ngat buzuna ata yima kud’orina. Hina wani, azi mba le tchod’a d’i, a mba bo d’uo mi. Gat ndata arî gat ta didinda yam Aron azi kandjavam ma mba mi mba blogoma mi.

Ezekiyel 22:26

Mat suma ngat buzuna a nga tchila yam gat manda, a nga mbut yi man ma an tinim iram vama ndjendjed’a, a nga wal ir vama an tinim iram vama woi ki vama ndjendjed’a d’i, a nga wal ir vama ndjendjed’a woi ki vama yed’etna d’i, a nga djib’er yam bur man ma sabatna d’uo mi. Kayam ndata, a mbud’un ndjendjed’a adigaziya.

Sunda hi suma hi Levi-nid’a 19:8

Sama tuma mba mi hlaneka hi tcho mambid’a kamu, kayam mi golî vama a hum mi an Ma didinina is. Sama hina na a mba pad’am mbei aduk sum mama.

Sunda hi suma hi Levi-nid’a 22:16

Le a tat nga ata lovod’ot tuo ni, a tin ni tcho d’a dinga yam Israel-lâ. A hulong he vama dingâ á min zla mazid’a, kayam an ni Ma didin ma ni mbut he d’a hawa ndata vama an tinim iram vama.

Sunda hi suma hi Levi-nid’a 22:9

Ar azi ngom vun man ma hed’a, ar azi mbud’um ndjendjed’a á hlaneka hi tcho mazid’id’a kazi ba, a bo d’i, kayam an ni Ma didin ma ni tinizi irazi vazina.

Ndumba 18:32

Hina wani, agi mba lagi tchod’a ata yima agi pad’agi ahle suma djivi suma kalâ d’i, agi mba mbud’ugi he d’a hawa d’a a tinit irat vat ta Israel-lâ a handjid’a ndjendjed’a d’i, agi mba bogi d’uo mi.