Sunda hi suma hi Levi-nid’a 21:9 - Bible azumeina

⁹ Le ma ngat buzuna goromba ti mbut tat zulona á le gaulangâ ni, ti mbut nabut zulona; a ngalat tei kakud’a.

Sunda hi suma hi Levi-nid’a 21:9 Kruisverwysings

Ad’u Tinda 38:24

Bugol til ma hindina a mba de mi Juda ala: Akunonga Tamar ti mbut wa gaulangâ. Gola! Ti ge wa wirâ ki gaulang matna. Juda mi dazi ala: Agi it abagei kel ngalat teyo.

Buzuk ka Abud’a 31:14

Agi ngomogi bur ma sabatna, kayam mam mba mi arî bur magi ma a tinim iram vama. Sama ngomom nga d’uo na, agi tchum mbeyo; sama lara ma le sunda kur bur mámina, a mba pad’am mbei aduk sum mama.

Isai 33:14

Suma le tchod’a a nga le mandarâ kur Siyon, suma a nga le sun nda ata yat tuo d’ina a nga zlak mi. A nga de tazi ala: Ni nge adigei ba, mi ndak á kak go kaku d’a nga d’i ngal bibiliu ndata ge? Ni nge adigei ba, mi ndak á kak go kaku d’a hîhîk ka didin ndata ge?

Ezekiyel 9:6

Agi tchagi suma woi pet, nala, momorogeina, gro azungeîna, gro arop suma bei a ngaf kandjofâ ba na, kemba karopma mi. Wani agi dogi suma a nga ki vama taka avorozina d’i. Agi tinigi ad’ud’a ni kur yima an tinim iram vama. Azi tin ad’ud’a ni yam suma nglo suma a nga kaka kä avun gong man nda kud’orina.

Sunda hi suma hi Levi-nid’a 19:29

Ar ang tin goronga á le gaulangâ á mbut tat ndjendjed’a tala ambasa ti mbut gaulangâ ti oî ki sun nda ata yat tuo d’a d’i.

Sunda hi suma hi Levi-nid’a 20:14

Le sana mi vatchad’a ki gorota djagu ni, mi tchila ni yam gata. Mam karop ndazina, a ngalazi woi pet, kayam ar andjaf tcho d’a hina d’a ti kak adigagi d’i.

Malatchi 2:3

Gola! An mba ni ngobogi andjavagiya, an mba ni kogi sutna iragiya – sud’o ahle suma agi ngad’andji buzunina; a mba yogi ki sed’em mi.

Gat ta a hat á mbàd’id’a 22:21

ata yi máma a nde ki sed’et tei avun azina habutna, suma hur azinina a durut kahinad’a, a tchat teyo, kayam ti le ni sun nda ata yat tuo d’a aduk Israel-lâ, ti b’lak tat navo habud’u. Hina wani, agi mba d’elegi tcho d’a led’a woi adigagiya.

Wana ni mbaktum mba Paul mi b’irit mi Tit-ta 1:6

Mbeî ma ngol ma gol Toka ni ma bei zlad’a kama, ni ma katchad’a tuna, ni ma groma a he gagazid’ina, ni sama suma bei kal kam yam zla d’a tchod’a d’oze tchilad’a ba na.

Josue 7:15

Sama an Ma didina mba ni gum ad’um mbei ni fahle suma an Ma didina ni d’el kazina avo hatama, a mba ngalam mbei kakud’a kahle mama pet, kayam mi but vun ma djinda hi an Ma didinina woyo, mi le ni tchod’a aduk Israel-lâ mi.

Josue 7:25

Josue mi de mi Akan ala: Ni ang ba, mba ki ndaka kamiya. Ki tchetchemba, Ma didina nga mi mba ki ndaka kang mi. Ata yi máma Israel-lâ a durum kahinad’a, a tchumu, a dur sum mama kahinad’a mi. Azi ngalam ahle mama woi pet mi.

1 Samuel 2:17

Ni hina ba, Eli groma a nga le tcho d’a ngola avok Ma didina, kayam azi nga b’lak he d’a hawa d’a a nga mbamzid’a.

1 Samuel 2:34

Fata grong suma mbàna Hofni azi ki Fines djak a mba bo kur bur ma tunid’a, ang mba we ni vama taka ala zla d’a an data mba d’i ndaga.