Sunda hi suma hi Levi-nid’a 21:7 - Bible azumeina

⁷ Ar azi vatcha d’a gaulang ngi, d’oze d’a mbut tat zulonid’a d’uo mi. Ar azi vatcha d’a a digit teid’a d’i, kayam ma ngat buzuna ni sama yed’etna yam an Alo mama.

Sunda hi suma hi Levi-nid’a 21:7 Kruisverwysings

Ad’u Tinda 38:24

Bugol til ma hindina a mba de mi Juda ala: Akunonga Tamar ti mbut wa gaulangâ. Gola! Ti ge wa wirâ ki gaulang matna. Juda mi dazi ala: Agi it abagei kel ngalat teyo.

Isai 50:1

Ma didina mi dala: Mbaktum mba an dik kasugid’a ti nga ni lara ge? D’oze sama an nde balâ abom ni guzugi ki woina ni nge ge? Gola! Ni yam tchila magid’a ba, an guzugi ki woyo, ni yam tcho magid’a ba, an dik kasugi woi mi.

Ezekiyel 44:22

Sama lara pî adigazi mi vatcha d’a modonod’a d’oze atcha d’a ndjuvut mi digit teid’a d’i, wani ar mi ve ni gor wei d’a Israel la bei ngaf ki mandjufâ d’oze atcha d’a modonod’a hi ma ngat buzunid’a.

Sunda hi suma hi Levi-nid’a 21:8

Agi Israel-lâ agi gologi suma ngat buzuna ni suma yed’etna, kayam a nga he tena mi an Alo magina. A mba ka’î suma yed’etna kagiya, kayam an ni Ma bei tchod’ina, an ni Ma didin ma tinigi iragi vagina.

1 Timote 3:11

Hina mi, aropma a ka’î suma d’engzengâ, suma bei kad’u suma, suma a ve tazi ngingringâ, suma iratna kur ahlena pet mi.