Sunda hi suma hi Levi-nid’a 21:1 - Bible azumeina

¹ Ma didina mi de mi Moise ala: Ang de mi suma ngat buzuna Aron groma ala: Ar ma ngat buzuna mi mbut tam ndjendjed’a ki sama mi mit aduk sum mamina d’i.

Sunda hi suma hi Levi-nid’a 21:1 Kruisverwysings

Ezekiyel 44:25

Ar ma ngat buzuna mi hut go ki matna á mbut ki tam ndjendjed’a d’i. Wani mi mbut tam ndjendjed’a ni ki mad’a abumu, mad’a asumu, mad’a goroma, mad’a goromba, mad’a wiyema d’oze mad’a wiyem mba bei ve mandjufîd’a hol.

Wana ni mbaktumba hi Oze-d’a 5:1

Ma didina mi de kua ala: Agi suma ngat buzuna, agi humugiya, agi suma avok Israel-lîna, agi tinigi humagiya, agi suma avo hamulîna, agi humugiya, kayam sariya d’a ka ndata ni kagiya, kayam agi mbud’ugi ni dau ma yam sum manina avo Mispa, agi mbud’ugi nabei d’a gunda kä yam sum manid’a yam ahina d’a Tabor-ra,

Sunda hi suma hi Levi-nid’a 19:28

Agi zagi tagi yam matna d’i, ar agi tchalagi tagi d’i, kayam an ni Ma didina.

Sunda hi suma hi Levi-nid’a 21:11

Mam mba mi i yam mat ti, mi mbut tam ndjendjed’a yam matna habuma d’oze yam matna hasuma d’uo mi.

Malatchi 2:1

Ma didin ma ad’engêm kal petna mi dala: Wana ni vun ma hed’a mi agi suma ngat buzuna:

Malatchi 2:4

Ma didin ma ad’engêm kal petna mi dala: Ata yi máma agi mba wagi ala ni an ba ni hagi vuna, kayam vun ma djin ma an djinim ki suma hi Levi-nina mi ka’î ma iratna.

Ndumba 19:11

Ma didina mi de kua ala: Sama mi do mad’a sanina, mba mi mbut ndjendjed’a gak burâ kid’iziya.

Ndumba 19:14

Wana ni gat ta dinga: Le sana mi mit kur zlub’u mamba ni, sama kal kurutna d’oze ma nga kaka kä kurutna, mba mi kak ki ndjendjed’a gak burâ kid’iziya.

Ndumba 19:16

Le sana mi i abagei ba, mi do sama a tchuma d’oze ma mi mit kä na d’oze asoga sana d’oze asud’a ni, mba mi kak ki ndjendjed’a gak burâ kid’iziya.

Ndumba 5:2

Ang he vuna mi Israel-lâ a dik sama lara ma libina nde atama d’oze sama hle mbilîna d’oze sama mbut tam ndjendjed’a ki vama matnina woi kur kangâ.

Ndumba 6:6

Ata yima mi nga kur sun ndatina, ar mi do mad’a sana d’i.