Sunda hi suma hi Levi-nid’a 20:8 - Bible azumeina

⁸ Ma didina mi de mi Moise kua ala: Agi ngomogi vun man ma hed’a, agi lagi sunda kam mi, kayam an ni Ma didin ma tinigi iragi vagina.

Sunda hi suma hi Levi-nid’a 20:8 Kruisverwysings

Buzuk ka Abud’a 31:13

Ang de mi Israel-lâ ala: Alona mi dala: Agi aragi bei ngom bur man ma sabatna d’i, kayam mam mba mi arî vama taka adigagi ki an kur atchogoi magid’a pet. Ni kayam ndata ba, agi mba wagi ala ni an Ma didina ba, ni managi ni tinigi iragi vagiya.

Ezekiyel 20:12

An hazi bur man ma sabatna d’igi vama taka na adigazi ki anu, kayam azi wala an ni Ma didin ma ni tinizi irazi vazina.

Ezekiyel 37:28

Fata gong man nda kud’ora ti kak aduk Israel-lâ gak didinda, andjaf suma dingâ a mba wala an ni Ma didin ma ni tin Israel-lâ irazi vazina.

Sunda hi suma hi Levi-nid’a 19:19

Ar agi tid’igi yam gat manda. Ang tchuk andjaf d’uwar ma tetengâ ata yima tuna á zlap ki tazi d’i, ang zar andjaf awu ma tetengâ kur asine ma tuna d’i, ang tchuk baru d’a a tchilit kandjaf baru d’a tetenga atang ngi.

Sunda hi suma hi Levi-nid’a 19:37

Agi ngomogi gat manda ki vun man ma he ma tetengâ pet, agi lagi sunda kazi mi, kayam an ni Ma didina.

Sunda hi suma hi Levi-nid’a 20:26

Agi kagagi ni man suma yed’etna, kayam an Ma didina ni Ma bei tchod’ina. An walagi kandjaf suma dingâ ni kayambala agi kagagi ni sum mana d’a.

Sunda hi suma hi Levi-nid’a 21:8

Agi Israel-lâ agi gologi suma ngat buzuna ni suma yed’etna, kayam a nga he tena mi an Alo magina. A mba ka’î suma yed’etna kagiya, kayam an ni Ma bei tchod’ina, an ni Ma didin ma tinigi iragi vagina.

Sunda hi suma hi Levi-nid’a 22:32

Ar agi mbud’un simiyên Ma bei tchod’ina ndjendjed’a d’i, kayam an ka’î Ma bei tchod’a ba na adigagi agi Israel-lâ, kayam an ni Ma didin ma tinigi iragi vagi

Matiye 12:50

Kayam sama lara pî ma nga mi le minda hAbun ma sä akulonina, mi ni wiyena ki wiyenda, nasun mi.

Matiye 23:17

Agi suma lilid’a suma duka, vama ngol ma kalâ ni ma lara, lora, d’oze gong nga kud’ora hAlonid’a d’a tin lor ra a tinit irat vat mAlona kuad’a zu?

Matiye 5:19

Kayam ndata, sama lara ge ma tchila yam vun ma he ma ngiyeû ma aduk ma wanina, nga mi hat ki suma dingâ mi ni, a mba mbud’um gogorâ kur leu d’a akulod’a. Wani sama ngom vun ma he máma, mi hat suma dingâ mi ni, a mba mbud’um ma ngolâ kur leu d’a akulod’a.

Matiye 7:24

Jesus mi had’azi kua ala: Kayam ndata, sama lara ma hum zla man nda an data ma le sunda katna, mi hle tamî d’igi sama ne ma mi min aziyam yam ahinad’ina na.

Jean 13:17

Le agi wagi ahle ndazina, le agi lagi sunda kazi mi ni, agi lagi furîd’a.

1 Korente-na 1:30

Wani Alona mi zlabagi wa tu ki Jesus Christ, mi mbut Christ ne meid’a mi. Ni yam Christ ba, ei mbud’i suma d’ingêrâ avok Alona, mi mbud’i suma hAlonina, mi pad’ei woi mi.

1 Tasaloni’â 5:23

Ar Alo ma b’leng nga halasa mi tinigi iragi vagi mi mam tamba memet. Mi ngomogi muzugagi ki tagi ki hliwigi pet bei zlad’a kagi ba fat ta mbad’a hi Saleina Jesus Christ-sa.

2 Tasaloni’â 2:13

B’oziyomi suma Salad’a mi le kagi heîna, ami nga lami mersi mAlona teteu kagiya. Agi ni suma Alona mi managi avok dei á fe suta yam ad’enga hi Muzuk mam ma mbud’ugi sum mama yam gagazi d’a agi hatina.

Jacques 1:22

Wani agi lagi sunda yam zlad’a hAlona d’a a dagizid’a, ar agi lobogi tagi á humba hawa go d’i.

Vama ndum mbeina 22:14

Suma a nga mbus baru mazid’a a mba le furîd’a. Ni azi ba, mba fe lovota á te vud’agu ma he arid’ina, a mba kal ata vun azì ma ngol máma krovo mi.