Sunda hi suma hi Levi-nid’a 20:17 - Bible azumeina

¹⁷ Le sana mi ve wiyem mba abum gorombid’a d’oze wiyem mba asum gorotid’a atchad’a ni, azi le ni vama ndjendjed’a. A mba digizi woi aduk sum mazina. Mi mba mi hlaneka hi tcho mambid’a kayam mi ve ni wiyemba.

Sunda hi suma hi Levi-nid’a 20:17 Kruisverwysings

Ad’u Tinda 20:12

Wani ndat ni wiyenda gagazi; nabun goromba, nga ni wiyen nda asunda d’i; ni kayam ndata ba, an vad’u.

2 Samuel 13:12

Tamar ti dum ala: Wiyena, nga na d’i! Ang lan zla d’a zulo d’a na d’a atan ndi. A nga lahle suma hina na aduk Israel-lâ d’i. Ang le zla d’a lili d’a hina d’a d’i.

Buzuk ka Abud’a 30:33

Sama lara ma yor andjaf mbul ma d’igi mbul máma na na d’oze ma mi vom yam sama nandjaf Aron nduo nina, a mba pad’am mbei aduk sum mama.

Ezekiyel 22:11

Nge nge pî nga mi le sun nda ndjendjed’a katchad’a hi ndramid’a kurungû, nge nge pî nga mi le sun nda ndjendje d’a ata yat tuo d’a kakunom mba goroma amambid’a kurungû, nge nge pî nga mi b’lak wiyem mba abum gorombid’a kurungû.

Sunda hi suma hi Levi-nid’a 18:9

Ar ang bur ki wiyeng nga abunga d’oze wiyeng nga asung nga a vud’ut kä avod’a d’oze d’a a vud’ud’ï woi yam andagad’a dingid’a d’uo mi.

Sunda hi suma hi Levi-nid’a 20:16

Le atchad’a ti hut go gen d’uwarâ, ti zlap ki sed’emu ni, a tchat tei ki d’uwar máma mi. Agi tchazi woyo. Buzuwazi mba mi hulong kaziya.

Ndumba 5:31

A mba we ndjuvut ala zla nga kam mbi. Wani atcha ndata mba d’i zi aneka hi tcho matid’a kad’u.

Gat ta a hat á mbàd’id’a 27:22

Sama mi bur ki wiyem mba abumba d’oze wiyem mba asumbina, Ma didina mi gum vuna! Ablau suma petna a hulong ded’a ala: Amin!