Sunda hi suma hi Levi-nid’a 2:9 - Bible azumeina

⁹ mi pat ahle suma nda’â d’igi ahle suma ge humba na, mi ngalazi yam yima ngal ahle suma ngat buzuna. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 2:9 Kruisverwysings

Buzuk ka Abud’a 29:18

Ar ang ngalam mbei yam yima ngal ahle suma ngat buzuna ki zla tam pet. Wana ni vama ngat buzu ma ngala mi an Ma didina; ni vama his ma afufuîna avoronu.

Isai 53:10

Ma didina tam lum djivid’a á tom ki ndaka. Bugol la mi he tam vama ngat buzuna yam tchod’id’a, mba mi we andjavamu, burum mba mi i avogovogo, mba mi i ki minda hi Ma didinid’a avogovok mi.

Sunda hi suma hi Levi-nid’a 1:9

Ar ma ngat buzuna tu mi mbus aruwatna kasema woi ki mbina, mi ngalazi woi yam yima ngal ahle suma ngat buzuna pet. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 2:16

Ar ma ngat buzuna mi yo awu ma a lud’uma zlapa ki dubang ma his djivid’ina nde, mi ngalazi yam yima ngal ahle suma ngat buzuna d’igi vama ge humba na. Wana ni he d’a hawa d’a ngal la avogon an Ma didinid’a.

Sunda hi suma hi Levi-nid’a 2:2

mi it mi suma ngat buzuna Aron groma. Ar ma ngat buzuna adigazi tu mi yo afut ta adiged’i d’a a vo mbulâ kat zlapa ki dubang ma his djivid’ina hur abom tu, mi ngalat tei yam yima ngal ahle suma ngat buzuna d’igi vama ge humba na. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 2:8

Ang i ki he d’a hawa d’a ang minit kahle ndazinid’a mi an Ma didina, ang hat mi ma ngat buzuna. Ma ngat buzu máma mi tchugut kä go ki yam yima ngal ahle suma ngat buzuna,

Sunda hi suma hi Levi-nid’a 24:7

Ang vo dubang ma his djivid’a ma d’igila hirwilingâ yam djirdi d’a lara ge. Dubang máma mi mbut ni vama ge humba d’igi he d’a hawa d’a ngala na avogon an Ma didina.

Sunda hi suma hi Levi-nid’a 4:31

Mi yo mbul amuhl máma woi yam vama ngat buzuna pet, d’igi a yo mbul amuhl ma a hum vama ngat buzu ma zlap darigïd’ina na mi, mi ngalam mbei yam yima ngal ahle suma ngat buzuna. Wana ni vama his ma afufuî ma avogon an Ma didinina. Mi le ki sa máma ni hina dedege á zlup yam tcho mamba. Hina wani, an Alona mba ni vat hurun ndei yam tcho d’a mi lata.

Sunda hi suma hi Levi-nid’a 5:12

Mi mbat mi ma ngat buzuna. Ma ngat buzu máma mi yot hur abom ma tuna d’igi vama ge humba na, mi i ngalat tei akulo yam yima ngal ahle suma ngat buzuna zlapa ki he d’a hawa d’a ngal la dinga avogon an Ma didina, kayam ni he d’a hawa d’a a hat á zlup yam tchod’id’a.

Sunda hi suma hi Levi-nid’a 6:15

Ma ngat buzu ma aduk Aron groma ma a mba vom mbulâ kam á vrak blangâma mba mi hat ni hina. Ti arî gat ta didinda avogon an Ma didina; mi ngalat tei pet.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Zakari 13:9

An mba ni tchuk suma kur abo ma hindi mámina akua, an mba ni yorozi d’igi a yor kawei ma hapma na, an mba ni kuguzi d’igi a kuk lora na, a mba tchenenu, an mba ni humuzi mi. An mba ni dala: Sum ndazina a ni sum mana; azi mba dala: Ma didina nAlo meina mi.

Ndumba 5:26

mi yo he d’a hawa d’a ge hum ndata hur abom tu, mi ngalat tei yam yima ngal ahle suma ngat buzu máma. Bugola, mi he mbina matcha ndata á tched’a.

Romê-na 12:1

B’oziyona, d’igi Alona mi tagei we hohou mamba na, an nga ni tchenegiya, agi hagi tagi mAlona d’igi vama ngat buzu ma ari ma agi tinim iram vam á lAlona tam djivid’ina na. Wana ni kud’or magi d’a gagazid’a avok Alona.

Romê-na 15:16

á mbud’un ma sunda hi Jesus Christ-sâ yam andjaf suma dingîd’a. Ata yima an nga ni tchi wal Zla d’a Djivid’a hAlonid’ina, an ni d’igi ma ngat buzuna na kayam andjaf suma dingâ a mbut vama ngat buzu ma lAlona tam djivid’ina, kayam azi ni suma Muzuk ma bei tchod’a ba na mi tinizi irazi vazina.

Efes-sâ 5:2

Ar agi tid’igi kur od’a d’igi Christ mi le kei na mi. Mi he tam mbei kei d’igi vama he ma ngat buzu ma his ma afufuî ma lAlona tam djivid’ina na.

Filip-ma 2:17

Wani le a ngad’an yam sunda hi he gagazi magid’a d’igi vama ngat buzuna na pî, an nga ki furîd’a, an mba ni le furîd’a zlapa ki sed’egi mi.

Filip-ma 4:18

Kayam an fe he d’a hawa magi d’a agi sunundji abo Epafrodit-ta pet ndaganu. An nga kahle suma ndagana pet da’. He d’a hawa magid’a ni his ma afufuîna, ni vama ngat buzu ma djivi ma Alona tam mbi lum djivid’a kama.