Sunda hi suma hi Levi-nid’a 2:4 - Bible azumeina

⁴ Le ang min he he d’a hawa d’a afut ta a ilit kur fürîd’a ni, ang he ni fangasu ma a lum ki mbulâ bei angufina, d’oze woî ma a yamam mbulâ kam bei lum kangufina mi.

Sunda hi suma hi Levi-nid’a 2:4 Kruisverwysings

Sawal la giled’a 22:14

Azi mal vunazi atan d’igi azlo ma mi ve vana bugol mi oîna na.

Buzuk ka Abud’a 12:8

Kur andjege ndata, agi sorogi hliu máma, agi mud’um kavungô ma lum bei angufina kasu ma aglarâ mi.

Buzuk ka Abud’a 16:31

Israel-lâ a yi te máma ala Manna. Mi hle tamî d’igi ir vud’agu koriyandrena na, mi ni hapa. Adjib’et mamba ni d’igi woî ma a lum ki mbul ayumina na.

Buzuk ka Abud’a 29:2

kavungô ma bei angufina ki woî ma bei anguf ma tib’egem ki mbulîna ki fangasu ma a lum ki mbulîna, ang lazi ni kafut ta adiged’id’a hi gemenid’a.

Isai 42:1

Ma didina mi dala: Wana nazong man ma an nga ni ndjunuma, ni ma an manam ma tan ndi lan djivid’a heî kama. An hum Muzuk mana á tak sariya d’a gagazid’a woi mandjaf suma mi.

Isai 61:1

Muzu’â hi Salad’a Ma didinina mi nga kaka kanu, kayam Ma didina mi von mbulâ kan mi tinin iran van ná tchi wal zla d’a djivid’a mi suma hohoud’a. Mi sunun ná b’leng hur suma huruzi mi b’la’â, á tchi wala mi suma a yozi magombina á tchuguzi akulo, á tchi wala mi suma a nga kur dangeinina á tchuguzi akulo mi,

Ezekiyel 46:20

Mi dan ala: Wana ni yima suma ngat buzuna a mba yi hliwa ahle suma a mba hazi he d’a hawa d’a yam tchod’id’a, d’oze suma a mba hazi he d’a hawa d’a tetenga kuana. Hina wani, a mba i ki hliwa ahle ndazina hur atranga abu á mbut suma hawana suma a tinizi irazi vazina d’i.

Sunda hi suma hi Levi-nid’a 1:11

Ar mi ngad’amî abo ma norâ hi yima ngal ahle suma ngat buzunina avogon an Ma didina. Suma ngat buzuna Aron groma a go buzuna, a yamam huyok yima ngal ahle suma ngat buzuna.

Sunda hi suma hi Levi-nid’a 10:12

Moise mi de mi Aron azi ki grom suma a arâ Elazar azi ki Itamar ala: Agi yogi he d’a hawa d’a ngal la avok Ma didinid’a ad’ut ta ara, agi tagizi bei angufa go ki yima ngal ahle suma ngat buzuna, kayam ni vama a tinim iram vam ma kal teglesâ.

Sunda hi suma hi Levi-nid’a 6:17

Ma didina mi de mi Moise ala:

Sunda hi suma hi Levi-nid’a 7:12

Le sana mi he he d’a hawa d’a le mersid’a ni, mi hat ni ki vama ngat buzu ma le mersid’a ki fangasu ma bei angufa ma a lum ki mbulîna ki woî ma a yamam mbulâ kama, zlapa kafut ta adiged’i d’a a lat woî ma a tib’egem ki mbulîna mi.

Ndumba 6:15

Mi mba kavungô ma a lum bei angufina kayad’a tu, fangasu ma a lum kafut ta adiged’i d’a a tib’eget ki mbulîd’a, kak ma a lum bei anguf ma a yamam mbulâ kama, ki he d’a hawa mazi d’a afuta zlapa ki he d’a hawa mazi d’a süm guguzlud’a mi.

Matiye 26:38

Ata yi máma, mi dazi ala: Hurun b’lak kakazeî á matna; agi kagagi ka hî ki ndjola zlapa ki sed’enu.

Jean 12:27

Jesus mi dala: Ki tchetchemba, vunadigan ndi pat fek, an mba ni de nana ge? An mba ni dala: Abunu, ang sud’un ndei ata ler ra wanda zu? Hawa, ni kayam ndata ba, an mba á fe ndaka kur ler ra wanda.

Jean 3:34

Mam ma Alona sunumïna, mi de ni zlad’a hAlonid’a, kayam Alona nga mi hum Muzuk mama ni bei ngad’a.

Hebre-na 7:26

Jesus ni Ma ngol ma ngat buzu ma ndak memet keina, ni Ma d’ingêrâ, ni Ma bei zlad’a kama, ni Ma bei le tchod’a ba na. Alona mi walam mbei ki suma le tchod’a, mi hlum sä kur akulod’a gevemu.

1 Pierre 2:1

Agi aragi ngangata ki zla d’a kad’a ki mbut ira ki yungôra ki zla d’a de d’a asa’ata pet teyo.

1 Pierre 2:22

Mam le nga tchod’a d’uo, a hum nga zla d’a kad’a avunam mbuo mi.