Sunda hi suma hi Levi-nid’a 2:2 - Bible azumeina

² mi it mi suma ngat buzuna Aron groma. Ar ma ngat buzuna adigazi tu mi yo afut ta adiged’i d’a a vo mbulâ kat zlapa ki dubang ma his djivid’ina hur abom tu, mi ngalat tei yam yima ngal ahle suma ngat buzuna d’igi vama ge humba na. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 2:2 Kruisverwysings

Nehemi 13:14

An tchen Alona ala: Alo mana, ang djib’er kan yam ahlena pet suma an lazina, ang mar yam sun nda an lat yam gong nga kud’ora hi ang Alo manid’a d’i, yam ahle suma ndak á ngombina d’uo mi.

Nehemi 13:22

An he vuna mi suma hi Levi-na ala a mbut tazi yed’et, a i ngom vun azina, a tin bur ma sabatna iram vamu. An tchen Alona kua ala: Alo mana, ang djib’er kanu; kayam we hohou manga, ang ngomonu.

Buzuk ka Abud’a 30:16

Le ang ve wa bege ndata aboziya ni, ang le ki sunda hi zlub’u d’a ngaf tad’id’a. Mba d’i arî vama ge humba yam Israel-lâ avoron an Ma didina á wurak kaziya.

Isai 66:3

Sama ngat amuhlîna mi tchi ni sana mi, sama mi ngat timina vama ngat buzunina mi tumî azik adina mi, sama mi he he d’a hawad’a afutina mi vo ni buzuwa kozongâ woi mi, sama ngal dubang ma his djivid’a á ge humbina, mi kud’orî fileina mi. Sum ndazina pet ni suma tazi nga d’i lazi djivid’a kur lovot mazid’ina, ni suma tazi nga d’i lazi djivid’a kur sun mazi d’a ndjendje ndatina mi.

Sunda hi suma hi Levi-nid’a 1:13

Ar sa máma mi mbus aruwatna kasema woi ki mbina, mi yozi pet. Ar ma ngat buzuna mi ngalazi woi yam yima ngal ahle suma ngat buzuna. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 1:17

Ar mi wak gugu ndata aduk bei ngad’at gigingât tei ba, ar mi ngalat tei yam yima ngal ahle suma ngat buzuna yam agu ma a vum akud’ina. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 1:9

Ar ma ngat buzuna tu mi mbus aruwatna kasema woi ki mbina, mi ngalazi woi yam yima ngal ahle suma ngat buzuna pet. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 2:16

Ar ma ngat buzuna mi yo awu ma a lud’uma zlapa ki dubang ma his djivid’ina nde, mi ngalazi yam yima ngal ahle suma ngat buzuna d’igi vama ge humba na. Wana ni he d’a hawa d’a ngal la avogon an Ma didinid’a.

Sunda hi suma hi Levi-nid’a 2:9

mi pat ahle suma nda’â d’igi ahle suma ge humba na, mi ngalazi yam yima ngal ahle suma ngat buzuna. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 24:7

Ang vo dubang ma his djivid’a ma d’igila hirwilingâ yam djirdi d’a lara ge. Dubang máma mi mbut ni vama ge humba d’igi he d’a hawa d’a ngala na avogon an Ma didina.

Sunda hi suma hi Levi-nid’a 4:31

Mi yo mbul amuhl máma woi yam vama ngat buzuna pet, d’igi a yo mbul amuhl ma a hum vama ngat buzu ma zlap darigïd’ina na mi, mi ngalam mbei yam yima ngal ahle suma ngat buzuna. Wana ni vama his ma afufuî ma avogon an Ma didinina. Mi le ki sa máma ni hina dedege á zlup yam tcho mamba. Hina wani, an Alona mba ni vat hurun ndei yam tcho d’a mi lata.

Sunda hi suma hi Levi-nid’a 5:11

Le mi nga ki va á gus gugu bed’egera mbà d’oze gugu d’a avo d’a gureid’a mbà d’uo ni, mi hafut ta adiged’id’a kilona fid’i á zlup yam tcho mam mba mi lata, mi vo mbulâ kat tuo, mi vo dubang ma his djivid’ina kat tuo mi, kayam ni he d’a hawa d’a a hat á zlup yam tchod’id’a.

Sunda hi suma hi Levi-nid’a 5:12

Mi mbat mi ma ngat buzuna. Ma ngat buzu máma mi yot hur abom ma tuna d’igi vama ge humba na, mi i ngalat tei akulo yam yima ngal ahle suma ngat buzuna zlapa ki he d’a hawa d’a ngal la dinga avogon an Ma didina, kayam ni he d’a hawa d’a a hat á zlup yam tchod’id’a.

Sunda hi suma hi Levi-nid’a 6:15

Ma ngat buzu ma aduk Aron groma ma a mba vom mbulâ kam á vrak blangâma mba mi hat ni hina. Ti arî gat ta didinda avogon an Ma didina; mi ngalat tei pet.

Ndumba 5:18

Mi tchol atcha ndata akulo avogon an Ma didina, mi fogot baru ma katna woyo, mi hat he d’a hawa d’a ge humba abod’u, nala, he d’a hawa d’a yam djib’er ra mbàmbàd’id’a. Mi ve mbiyo ma aglar ma a gun ki tangâ abomu.

Ndumba 5:26

mi yo he d’a hawa d’a ge hum ndata hur abom tu, mi ngalat tei yam yima ngal ahle suma ngat buzu máma. Bugola, mi he mbina matcha ndata á tched’a.

Sunda hi suma a sunuzinid’a 10:4

Kornei mi so iram gola atamu, mandara tchum su. Mi dum ala: Salana, a ni me ge? Malaikana mi dum ala: Alona mi hum tchen manga ki ndjun nda ang nga ndjun suma hohoud’id’a, mi djib’er kangû.