Sunda hi suma hi Levi-nid’a 2:1 - Bible azumeina

¹ Ma didina mi de kua ala: Le sana mi he he d’a hawa d’a afuta mi an Ma didina ni, ar mi he ni afut ta adiged’id’a, mi vo mbulâ kat zlapa ki dubang ma his djivid’ina,

Sunda hi suma hi Levi-nid’a 2:1 Kruisverwysings

Buzuk ka Abud’a 29:2

kavungô ma bei angufina ki woî ma bei anguf ma tib’egem ki mbulîna ki fangasu ma a lum ki mbulîna, ang lazi ni kafut ta adiged’id’a hi gemenid’a.

Isai 43:23

Agi han nga gro tumiyô magina he d’a hawa d’a ngala d’i, agi suburun nga kahle magi suma ngat buzuna d’i. An lagi nga kad’enga á han he d’a hawad’a d’i, an kawagi nga á han andosâ hi dubang magi ma his djivid’ina d’uo mi.

Isai 66:20

Ma didina mi dala: A mba mba ki b’oziyogi suma sä woi aduk sumina yam akulumeina, kur pusâ, kur pus ma a zlubum yama, yam korona, yam djambala mi. A mba mbazi yam ahina d’a a tinit irat vata avo Jerusalem d’igi Israel-lâ a nga mba ki he d’a hawa mazi d’a afuta kur dugiyo suma a tinizi irazi vazina kur gong manda na.

Ezekiyel 46:20

Mi dan ala: Wana ni yima suma ngat buzuna a mba yi hliwa ahle suma a mba hazi he d’a hawa d’a yam tchod’id’a, d’oze suma a mba hazi he d’a hawa d’a tetenga kuana. Hina wani, a mba i ki hliwa ahle ndazina hur atranga abu á mbut suma hawana suma a tinizi irazi vazina d’i.

Joel 1:9

A mbeï nga ki he d’a hawa d’a afuta ki he d’a hawa d’a süm guguzlud’a kur gong nga kud’ora hi Ma didinid’a d’i. Ni kayam ndata ba, suma ngat buzu suma a nga le sunda mi Ma didinina a nga tchiya.

Joel 2:14

Dam mba mi ar ngop mam ndata woyo, mba mi lagi djivid’a. Ata yi máma agi mba mbagi ki he d’a hawa d’a afuta ki d’a süm guguzlud’a mi.

Sunda hi suma hi Levi-nid’a 14:10

Kur bur ma klavandina, mi yo gro tumiyô suma bei dakina mbà, timi d’a bizat tu d’a bei dakid’a ki he d’a hawa d’a afut ta a tib’eget ki mbulîd’a kilona zlengâ, ki mbulâ nus lidirâ mi.

Sunda hi suma hi Levi-nid’a 24:7

Ang vo dubang ma his djivid’a ma d’igila hirwilingâ yam djirdi d’a lara ge. Dubang máma mi mbut ni vama ge humba d’igi he d’a hawa d’a ngala na avogon an Ma didina.

Sunda hi suma hi Levi-nid’a 5:11

Le mi nga ki va á gus gugu bed’egera mbà d’oze gugu d’a avo d’a gureid’a mbà d’uo ni, mi hafut ta adiged’id’a kilona fid’i á zlup yam tcho mam mba mi lata, mi vo mbulâ kat tuo, mi vo dubang ma his djivid’ina kat tuo mi, kayam ni he d’a hawa d’a a hat á zlup yam tchod’id’a.

Sunda hi suma hi Levi-nid’a 6:7

Ma didina mi de kua ala: Wana ni gat ta yam he d’a hawad’a hafutid’a: Ar Aron groma a hat mi an Ma didina ni azi avok yima ngal ahle suma ngat buzuna.

Sunda hi suma hi Levi-nid’a 9:17

Mi he he d’a hawa d’a afuta hur abom tu, mi ngalat akulo yam yima ngal ahle suma ngat buzuna zlapa ki he d’a hawa d’a ding nga ngal la a hat yorogod’a.

Sunda hi suma hi Levi-nid’a 9:4

agi vagï amuhlâ ki gamlâna á hazi vama ngat buzu ma zlap darigïd’a mi Ma didina zlapa ki he d’a hawa d’a afut ta a tib’eget ki mbulîd’a, kayam Ma didina nga mi nde tam mbei iragi ini.

Malatchi 1:11

Ma didin ma ad’engêm kal petna mi dala: Deîd’a hafatid’a gak nik mata, simiyên nga mi yï aduk andjaf suma, a nga ngalan dubang ma his djivid’ina á suburun simiyênu, a nga mban ahle suma ngat buzu suma nda’â mi, kayam simiyên nga mi yï aduk andjaf suma.

Ndumba 18:9

Ahle suma a tinizi irazi vazi suma a nga handji suma a nga ngalazi kakud’a d’uo suma a mba arî mangîna ba wana: He mazi d’a hawa d’a afuta pet, ahle mazi suma ngat buzu suma zlup yam tchod’ina kahle mazi suma ngat buzu suma yam tchilad’ina. Ahle suma a tinizi irazi vazi ndazina pet a mba arî mi ang ki grongâ.

Ndumba 28:5

Ata yi máma ang mba kafut ta adiged’id’a kilona tu ki nusa, mbul ma d’igila hirwilingâ nus lidirâ mi.

Ndumba 29:18

zlapa ki he d’a hawa d’a afuta ki süm guguzlud’a yam amuzleina, yam gamlâna, yam gro tumiyôna, ngad’a yam ndum mazid’a d’igi an he vuna kazi na.

Ndumba 8:8

A vamuhl ma azongâ zlapa ki he d’a hawa d’a afut ta adiged’i d’a a tib’eget ki mbulîd’a. Ang tanga vamuhl ma azong ma dingâ kua ngad’a yam vama ngat buzu ma zlup yam tchod’a.

Jean 6:35

Jesus mi dazi ala: An ni te ma harid’a mi sumina. Sama mi mba gevena, meid’a mba d’i tchum mbi. Sama he gagazid’a kana, vunam mba mi so d’uo mi.

1 Jean 2:20

Agi tagiya, agi vagi Muzuk ma bei tchod’a ma Christ mi vom kagi d’igi a vo mbulâ na. Kayam ndata, agi pet wagi gagazid’a.

1 Jean 2:27

Christ mi vo Muzuk máma kagiya. D’igi Muzu’â nga kaka kurugi na, kid’ak magi d’ala sama dingâ mi had’agiya d’a ti nga d’i. Muzuk mama nga mi had’agi yam ahlena pet, ni zla d’a irat ta bei ka zla d’a ba d’a. Kayam ndata, agi gagi yagi kä ad’u hata hi Muzuk mamid’a, agi kagagi zlapa tu ki Christ mi.

Jude 1:20

Wani agi buniyôn suma od’a, agi wulugi tagi akulo kur he gagazi magi d’a kal papa d’a tinigi iragi vagi mAlonid’a, agi tchenegi Alona kad’enga hi Muzuk mam ma bei tchod’a ba na mi.

Vama ndum mbeina 8:3

Malaika ma dingâ mi mba, mi tchol nga ata yima ngal dubang ma his djivid’ina. Mi nga kangal la lora abomu. A hum dubang ma his djivid’ina ngola, kayam mi hum zlapa ki tchenda hi suma hAlonid’a pet ata yima ngal dubang ma his djivid’a ma lor ma nga avok zlam mba amulina.