Sunda hi suma hi Levi-nid’a 19:7 - Bible azumeina

⁷ Le a mud’um kur bur ma hindina ni, ni vama ndjendjed’a avogon an Alona; he d’a hawa ndata, an nga ni vat abogi d’i.

Sunda hi suma hi Levi-nid’a 19:7 Kruisverwysings

Isai 1:13

Ar agi mbagi ki he magi d’a hawa d’a hawa yaka d’i. Andosâ hi dubang magi ma his djivid’ina ni vama ndjendjed’a iranu. Ar agi mbagi kahle magi suma ngat buzuna kur bur ma deîd’a hi tilîna d’oze kur bur ma sabatna d’oze kur bur ma vun til ma teteng ma a ngama d’i. Kayam an nga ni min kud’or ra zlapa ki mat ma tchid’id’a d’i.

Isai 65:4

Ni suma a nga kaka aduk asud’a suma a nga bur angra ahuniyônina. Ni suma a nga mut kozongâ, suma a nga yi te ma ndjendjed’a kur duguyo mazinina mi.

Isai 66:3

Sama ngat amuhlîna mi tchi ni sana mi, sama mi ngat timina vama ngat buzunina mi tumî azik adina mi, sama mi he he d’a hawad’a afutina mi vo ni buzuwa kozongâ woi mi, sama ngal dubang ma his djivid’a á ge humbina, mi kud’orî fileina mi. Sum ndazina pet ni suma tazi nga d’i lazi djivid’a kur lovot mazid’ina, ni suma tazi nga d’i lazi djivid’a kur sun mazi d’a ndjendje ndatina mi.

Jeremi 16:18

Avok ahle ndazina an mba ni wuragazi yan mbà yam tchila mazid’a ki tcho mazid’a, kayam azi mbut ambas manda ndjendjed’a ki har ra ahle mazi suma ndjendjed’a, a oî ambas sa ala ni djo mana d’a kahle mazi suma ndjendjed’a mi.

Sunda hi suma hi Levi-nid’a 19:6

Vama agi ngad’am máma agi mud’umî kur bur ma agi ngad’am kurâ ki bur ma avina mi. Ad’um mba ar gak i kur bur ma hindinid’a, agi ngalat tei kakud’a.

Sunda hi suma hi Levi-nid’a 19:8

Sama tuma mba mi hlaneka hi tcho mambid’a kamu, kayam mi golî vama a hum mi an Ma didinina is. Sama hina na a mba pad’am mbei aduk sum mama.

Sunda hi suma hi Levi-nid’a 22:23

Ang ndak á he amuhlâ d’oze gor timi ma abom ma dingâ fiyaka kal ndramina, d’oze ma abom kid’ak gid’engina vama ngat buzu ma kur min mangina, wani mi ndak nga á ndak vun vun ma hle ma ang hluma d’i.

Sunda hi suma hi Levi-nid’a 22:25

Agi vagi vama ngat buzu ma hina na abo angeina á handji á ted’a mi an Alo magina d’i. Kayam azi nahle suma yazi ma dingâ kad’ina, nahle suma daka mi, an nga ni vazi abogi d’i.