Sunda hi suma hi Levi-nid’a 19:5 - Bible azumeina

⁵ Le agi mba hagi he d’a hawa d’a ngat buzu d’a zlap darigïd’a mi an Ma didina ni, agi hat ni ki lovod’od’u, kayam an Ma didina ni vat abogiya.

Sunda hi suma hi Levi-nid’a 19:5 Kruisverwysings

2 Sunda Hamuleinid’a 31:2

Ezekiyas mi tin suma ngat buzuna ki suma hi Levi-na ad’u adezezi ad’u adezeziya, nge nge pî, kur sun mamba, suma ngat buzuna ki suma hi Levi-na, á he he d’a hawa d’a ngala ki d’a ngat buzu d’a zlap darigïd’a, á le sunda, á le mersi, á gile Ma didina, á suburum avun agre’â hi kang mamina mi.

Buzuk ka Abud’a 24:5

Mi sun gro azungeî suma Israel-lâ á hahle suma ngat buzu suma ngala mi Ma didina, á ngad’am amuzleina ahle suma ngat buzu suma zlap darigïd’a mi.

Ezekiyel 46:12

Le amulâ mi min han he d’a hawa d’a kur min mambid’a, le ni he d’a hawa d’a ngala d’oze ni he d’a hawa d’a zlap darigïd’a ni, a malamî vun agrek ma abo ma yorogona hatrang nga krovod’ina. Mam he he d’a hawa mamba d’igi nga mi hat kur bur ma sabatna na. Bugola, mi nde woi abua. Ata yi máma a duk vun agre’â blogomu.

Ezekiyel 46:2

Amulâ mba mi kalï hur atrang nga abud’a, mba mi kal kur gong nga avun agre’îd’a, mba mi tchol go ki vun agre’â ata yima suma ngat buzuna a nga he he d’a hawa mam mba ngala ki he d’a hawa mam mba ngat buzu d’a zlap darigïd’a tua na. Mba mi grif kä yam yi máma. Bugola, mba mi hulong avo. A mba duk vun gonga ni fladege mbeî.

Sunda hi suma hi Levi-nid’a 1:3

Le he d’a hawa mam mba ngala ni d’uwar ma ngolâ ni, ar mi he ni va mandjuf ma bei daka ba na, ar mi humî avun zlub’u d’a ngaf tad’a tala an Ma didina ni vum abomu d’a.

Sunda hi suma hi Levi-nid’a 19:4

Ar agi mbud’ugi iragi ata alo ma hawa ya’â d’i, agi yorogi kaweina alona d’uo mi, kayam an ni Ma didina Alo magina.

Sunda hi suma hi Levi-nid’a 19:6

Vama agi ngad’am máma agi mud’umî kur bur ma agi ngad’am kurâ ki bur ma avina mi. Ad’um mba ar gak i kur bur ma hindinid’a, agi ngalat tei kakud’a.

Sunda hi suma hi Levi-nid’a 22:19

mi he ni va mam mandjuf ma bei daka ba na, aduk amuzleina, d’oze aduk tumiyôna, d’oze aduk b’ogeina, kayambala an ni vum abomu d’a.

Sunda hi suma hi Levi-nid’a 22:21

Le sana mi he d’uwar mam ma nglona, d’oze ma gureina vama ngat buzu ma zlap darigïd’a, le ná ndak vun vun ma hle ma mam hluma, d’oze le ni he d’a hawa d’a kur min mambid’a ni, mi he ni vama bei daka ma bei vama tcho atam ba na, kayambala an ni vum abomu d’a.

Sunda hi suma hi Levi-nid’a 22:23

Ang ndak á he amuhlâ d’oze gor timi ma abom ma dingâ fiyaka kal ndramina, d’oze ma abom kid’ak gid’engina vama ngat buzu ma kur min mangina, wani mi ndak nga á ndak vun vun ma hle ma ang hluma d’i.

Sunda hi suma hi Levi-nid’a 22:29

Le agi hagi vama ngat buzu ma le mersid’a mi an Ma didina ni, agi handji ni ki lovod’ot kayambala an vat abogiya d’a.

Sunda hi suma hi Levi-nid’a 7:16

Le sana mi he he d’a hawad’a yam vunam ma mi hluma, d’oze mi he ni he d’a hawa d’a kur min mambid’a ni, mi mut hliu máma ni kur bur ma mam hum kuana. Le mi ar akulo ni, mi mud’um avin yorogo.

Sunda hi suma hi Levi-nid’a 7:18

Le sana mi mut hliu vama mam hum vama ngat buzu ma zlap darigïd’a kur bur ma hindina ni, he d’a hawa mam ndata, an Alona mba ni vat abom mbi, mba ni ndumut ala sa máma mi he va d’uo mi, kayam ti mbut ni vama ndjendjed’a; sama mi mud’utna, zlad’a nga kamu.