Sunda hi suma hi Levi-nid’a 19:30 - Bible azumeina

³⁰ Agi ngomogi bur man ma sabat ma tuk tad’a, agi ringîgi mandara zlub’u man nda kud’ora mi, kayam an ni Ma didina.

Sunda hi suma hi Levi-nid’a 19:30 Kruisverwysings

2 Sunda Hamuleinid’a 33:7

Mi tin filei ma mam tched’ema kur gong nga kud’ora hAlona d’a mam de mi David azi ki goroma Salomon kat ala: Ni kur gong nga kur Jerusalem mba an manat aduk andjafâ hi Israel-lâ peta ba, simiyên mba mi kak kua gak didinu d’a.

2 Sunda Hamuleinid’a 36:14

Suma nglo suma avok suma ngat buzuna kablaud’a a nga le sun nda tcho d’a ata yat tuo d’a kam kua kam kua, a nga tit yam sun nda ndjendje d’a lara ge pet ta andjaf suma dingâ a nga lata, a mbut gong nga kud’ora hi Ma didina d’a mi tinit irat vat avo Jerusalem-mba ndjendjed’a mi.

Sawal la giled’a 89:7

Ma didina, ma kur akulod’a ma mi nga tam ki sed’engâ nga d’i, alo ma hle tam d’igi ang na na nga d’uo mi.

Buzuk ka Abud’a 20:8

Ar ang djib’er yam bur ma sabatna, ang tinim iram vam yam anu.

Ma tchi wala 5:1

Ar ang le zazak á de zlad’a, d’oze ang he hurung á de zlad’a ablaud’a avok Alona d’i. Kayam Alona mi sä nakulo, angî ka hî yam andagad’a. Kayam ndata, ang zul zla d’a ded’a ablaud’a d’i.

Ezekiyel 9:6

Agi tchagi suma woi pet, nala, momorogeina, gro azungeîna, gro arop suma bei a ngaf kandjofâ ba na, kemba karopma mi. Wani agi dogi suma a nga ki vama taka avorozina d’i. Agi tinigi ad’ud’a ni kur yima an tinim iram vama. Azi tin ad’ud’a ni yam suma nglo suma a nga kaka kä avun gong man nda kud’orina.

Sunda hi suma hi Levi-nid’a 10:3

Ata yi máma Moise mi de mi Aron ala: Wana ni zla d’a Ma didina mi data: Suma a mba go ki sed’en á lan sundina, mbeî a tak kak man nda yed’eta woi abua, mbeî a suburun avok suma pet mi. Wani Aron mi kak ki vunam ma du’â.

Sunda hi suma hi Levi-nid’a 15:31

Agi walagi Israel-lâ woi ki ndjendje mazid’a, tala azi mbut yi man ma kak ma adigazina ndjendjed’a mbut ba, a bo d’a d’i.

Sunda hi suma hi Levi-nid’a 16:2

Ma didina mi de mi Moise ala: Ang i de mi wiyengâ Aron, ar mi kal ata yima a tinim iram vam ma kal tegles ma nga bugol baru d’a ka ira ma nga avok yima we hohou ma nga akulo yam zandu’îna teteu tala mi mit tuo d’a. Kayam an mba ni nde woi kur d’ugula yam yima we hohou ma nga akulo yam zandu’îna.

Sunda hi suma hi Levi-nid’a 19:3

Ar nge nge pî adigagi mi hu abum kasumu, mi ngom bur man ma sabat ma tuk tad’a mi, kayam an ni Ma didina Alo magina.

Sunda hi suma hi Levi-nid’a 26:2

Agi ngomogi bur man ma sabat ma tuk tad’a, agi lagi mandara zlub’u man nda kud’ora, kayam an ni Ma didina Alo magina.

Matiye 21:13

Mi dazi ala: A b’ir kur mbaktumba hAlonid’a ala: Alona mi dala: A mba yi gong manda ala Gong nga tchen Alona, wani agi mbud’ut domina hi suma kulina.

2 Korente-na 6:16

Na ni gong nga kud’ora hAlonid’a ti zlap darigïd’a ki gong nga tuwal fileina zu? Kayam ei tei ni gong nga kud’ora hAlo ma arinid’a, d’igi Alona tamba mi de na ala: An mba ni kak aduk sum mana, an mba ni tit adigazi mi. An mba ni ka’î Alo mazina, azi mba ka’î sum mana mi.

1 Pierre 4:17

Kayam yina mba wa da á tin ad’u ka sariyad’a yam suma hAlonina. Le a tin ad’ud’a ni yam eya ni, dabid’a hi suma a he nga gagazid’a yam Zla d’a Djivid’a hAlonid’a d’uo na a mba le ni nana ge?