Sunda hi suma hi Levi-nid’a 19:26 - Bible azumeina

²⁶ Agi tagi va ki buzuwam mbi, agi tuwalagi fileina d’i, agi djobogi fileina d’uo mi.

Sunda hi suma hi Levi-nid’a 19:26 Kruisverwysings

Ad’u Tinda 44:5

Ni kayam me ba, agi kulugï kopma hi salana ma tche mbina ma nga mi we kahle suma a nga mbana ge? Agi lagi ni sun nda tchod’a.

Ad’u Tinda 9:4

Agi mud’ugi vama nga ki buzuwam kuruma d’i, kayam arid’a ni kur buzuna.

2 Amuleina 17:17

Azi ngal grozi suma andjofâ ki grozi suma aropma woi kad’ud’a d’igi vama ngat buzu ma ngala na, azi ve kumana, a djop fileina, a he tazi á le sun nda tchod’a avok Ma didina á zalam hurumu.

2 Amuleina 21:6

Mi he goroma vama ngat buzu ma ngala, mi vandjaf kumana teteng, mi nga mi djop fileina, mi tin suma a djop ki suma azulei suma a nga de zlad’a yam vama nga mbana mi, mi le sun da tchod’a ngola avok Ma didina á zalam hurumu.

2 Sunda Hamuleinid’a 33:6

Mi he groma vama ngat buzu ma ngala kur hor ra Hinom-mba. Mi vandjaf kumana teteng, mi nga mi djop fileina, mi tin suma a nga djop ki suma azuleinina ki suma a nga de zlad’a yam vama nga mbana mi, mi le sun nda tchod’a ngola avok Ma didina á zalam hurumu.

Buzuk ka Abud’a 7:11

Wani Faron mi yï suma ned’a ki suma mbuta ki suma kuma suma Ezipte-na. A lahle mazi suma mbuta mi.

Buzuk ka Abud’a 8:7

Greneûna mba mi buzuk kei avo hatangû, avo hazungeî mangâ ki sum mangâ mi. Mba mi arî kur alum ma Nil-lâ hol.

Jeremi 10:2

Ma didina mi dala: Ar agi tid’igi bugol andjaf suma dingâ d’i, ar agi lagi mandarâ abo ahle suma simat suma a tcholï akulona d’igi andjaf suma dingâ a nga le mandarâ abozi hina d’i.

Daniel 2:10

Azi hulong dum ala: Amulâ, sama yam andagad’a ka hî ma mi ndak á de vama ang dum wa na nga d’i. Amul ma ding ma ngolâ d’oze amul ma ad’eng ma mi djop andjaf vama hina na ata suma mbuta ata suma a djop ki tchitchiud’ina ata suma a djop ki suma azuleinina nga d’uo mi.

Sunda hi suma hi Levi-nid’a 19:25

Kur biza d’a vahla, agi tazi vud’uziya, agi tchagazi mi, kayam an ni Ma didina Alo magina.

Sunda hi suma hi Levi-nid’a 3:17

Kayam ndata, ata yima lara ma agi mba kagagi kuana, agi mba tagi mbul loze buzuna d’uo mi. Zla ndata ti arî gat ta didinda yam andjavagi pet.

Sunda hi suma hi Levi-nid’a 7:26

Ata yima lara ma agi mba kagagi kuana, agi tagi buzuwa aleina d’oze hi d’uwarîna d’i.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Sunda hi suma a sunuzinid’a 15:20

Wani ei b’irizi mbaktumba ala azi tahle suma a ngad’azi á tuwal fileinina d’i, a le mizeuna d’i, a te vama guluta d’oze buzuna d’uo mi.

Gat ta a hat á mbàd’id’a 12:16

Wani agi tagi buzuna d’i, agi vom kä woi yam andagad’a d’igi mbina na.

Gat ta a hat á mbàd’id’a 12:23

Wani agi gologi tagi djiviya, agi tagi buzuna d’i, kayam buzuna ni arid’a hi vana. Ar agi tagi buzu mala arid’a hi vana ni kuana zlapa ki hliuna d’i.

Gat ta a hat á mbàd’id’a 15:23

Wani agi tagi buzuna d’i, agi vom kä woi andaga d’igi mbina na.

1 Samuel 14:32

a nde yo ahlena hi Filistê-nina, a yo aho’â, amuzleina ki grozina, a ngad’azi ata yi máma, a mud’uzi ki buzuwaziya.

1 Samuel 14:33

Suma a de mi Saul ala: Suma a le wa tchod’a avok Ma didina, kayam a nga mut ahlena ki buzuwaziya. Amulâ Saul mi er ad’um akulo ala: Agi ni suma mbut ira! Agi ligid’anï ahina d’a ngola ka hî atogo.

1 Samuel 15:23

So vuna ni tcho d’a ngola d’igi ang djop mi fileina na; yam mba ad’enga ni tcho d’a ngola d’igi ang tuwalî fileina na mi. Kayamba ang ge vun Ma didina woi d’a, Ma didina nga mi gang ngei mi; ang mba kak amula yam sum mama d’uo d’a.