Sunda hi suma hi Levi-nid’a 19:15 - Bible azumeina

¹⁵ Agi kagi sariyad’a bei gagazid’a kur sariya magi d’a kad’a d’i. Ang we hohowa ma houd’a ata yima ka sariyad’a d’i, ang ndjun sama ngola ata yima ka sariyad’a d’uo mi, wani ang ka ni sariya d’a d’ingêra mi ndrangâ.

Sunda hi suma hi Levi-nid’a 19:15 Kruisverwysings

Wana ni mbaktumba hi Job-pa 13:8

Agi min ndjunugi ad’u Alona zu? Agi min vragagi blangâm zu?

Wana ni mbaktumba hi Job-pa 32:21

An nga ni man sa yam iram go d’i, an nga ni lop sa iram mbuo mi.

Wana ni mbaktumba hi Job-pa 34:19

Alona nga mi man sana yam ngol mamba d’i, nga mi wal ir sama ndjondjoîna ki sama houd’a d’uo mi, kayam azi djak ni sun nda mam lat kabomba.

Sawal la giled’a 82:2

Mi dazi ala: Agi mba kagi sariyad’a bei d’ingêra á djik suma asa’atna akulo hina gagak mindja ge? Tchol ndjö

Buzuk ka Abud’a 18:21

Ang man suma nda’â aduk suma a le mandara Alonina suma gagazi suma a nga ve bege d’a mbut ira abo suma d’uo na. Ang tinizi suma ka sariyad’a yam suma dudubuna, yam suma kikisâ, yam suma dok vahl dok vahlâ, yam suma dodogona mi.

Zla d’a d’ogolâ 18:5

Nga djivid’a á ndjak vunang ki sama asa’atna á b’lak sariyad’a hi sama d’ingêrîd’a woi d’i.

Zla d’a d’ogolâ 24:23

Wana ni zla d’a tcholï ata suma ned’id’a: Nga djivid’a á ka ir suma ata yima ka sariyad’a d’i.

Zla d’a d’ogolâ 31:9

Ang ngo vunang á ka sariya d’a d’ingêra á ndjun suma hohoud’a ki suma kid’aka mi.

Sunda hi suma hi Levi-nid’a 19:35

Ar agi lagi ira kur sariya d’a kad’a d’oze kur yima nga ahlena d’oze aneka ngad’a hi va d’oze kur ahle suma a ngazi ki lidirîna d’i.

Jean 7:24

Ar agi kagi sariyad’a yam vama agi wagizi ki iragi hawa go na d’i, wani ar agi kagi ni sariya d’a d’ingêra.

Sunda hi suma a sunuzinid’a 23:3

Kayam ndata, Paul mi dum ala: Alona mba mi tumungû, ang ma d’igi gulumun ma a gulud’um hapina na na. Ang kak á kan sariyad’a ata minda hi gatid’a, wani ni kayam me ba, ang tchila kat ang he vuna á tonu ge?

Gat ta a hat á mbàd’id’a 1:17

Ar agi wagi hohowa sa kur sariya d’a kad’a d’i, agi humugi gogorâ d’igi ma ngolâ na, ar agi lagi mandara sa tu d’i, kayam Alona ni ma ka sariyad’a. Ata yima agi fagi sariya d’a ad’engina, agi mbeyendji avoronu, an humut ki sed’egiya.

Gat ta a hat á mbàd’id’a 10:17

Kayam Ma didina Alo magina nAlo ma yam alona petna, ni Sala d’a yam suliyod’a peta, nAlo ma ngolâ, ni ma ad’eng ma kal papana, ni ma nga mi pat sana yam iram go d’uo na, ni ma nga mi ve he d’a hawa d’a mbut ira abo sa d’uo na,

Gat ta a hat á mbàd’id’a 16:19

Ar agi b’lagagi sariya d’a d’ingêra d’i, ar agi managi sana yam iram go d’i. Ar agi vagi he d’a hawa d’a mbut ira abo sa d’i, kayam he d’a hawa d’a mbut ira nga d’i duk ir suma ned’a woi á b’lak zlad’a hi suma d’ingêrîd’a.

Gat ta a hat á mbàd’id’a 27:19

Sama nga mi ka sariyad’a hangeina ki d’a hi ma hokuyod’a ki d’a hatcha d’a modonod’a ata yat tuo na, Ma didina mi gum vuna! Ablau suma petna a hulong ded’a ala: Amin!