Sunda hi suma hi Levi-nid’a 19:12 - Bible azumeina

¹² Agi gunugi tagi ir gurzula ki simiyên ndala agi lazan simiyên an Alo mangîna d’uo d’a, kayam an ni Ma didina.

Sunda hi suma hi Levi-nid’a 19:12 Kruisverwysings

Sawal la giled’a 15:4

Ni sama nga mi noî sama Alona mi golom isâ woina, wani mi suburî suma a nga le mandara Alonina. Vama mam gun tam kama, le mba ni vama tchona kam pî, nga mi tin vunam kam mbi.

Buzuk ka Abud’a 20:7

Ar ang yi simiyê an Ma didina Alo mangâ kä hawa d’ad’ar ri, kayam an mba ni ar sama mi yan simiyên kä hawa d’ad’arâ bei ngopa d’i.

Isai 48:1

Agi suma hi Jakob suma nga yagi tagi ki simiyê Israel-lîna, agi suma buzugugi ad’u andjafâ hi Juda-nina, agi suma nga gunugi tagi ki simiyê Ma didinina, agi suma nga tchenegi Alona hi Israel-lâ bei gagazid’a bei d’ingêra ba na, agi humugiya.

Jeremi 34:16

Wani agi hulong bud’ugi vun magi ma djinda kä woyo, agi lazan simiyênu, agi nge nge pî mi hulong yo magumei suma andjofâ ki suma arop suma agi tchuguzi akulona, agi hulong nga oromozi kad’enga á mbut magumei magi suma andjofâ ki magumei suma aropma kua.

Jeremi 4:2

Le agi gunugi tagi ki gagazid’a ki d’ingêra ki d’engzenga ala: Ma didina ni ma bei matna ni, ata yi máma andjaf suma dingâ a mba dan ala an b’e vunan kaziya, a mba subur tazi kan mi.

Jeremi 5:2

Jeremi mi dala: Le a nga dala: Ami gunumi tami ki simiyê Ma didin ma bei matna ba na pî, ni gun ta d’a ir gurzulid’a hawa na.

Jeremi 7:9

Ni me na ge? Agi nga kulugiya, agi nga tchagi matna, agi nga lagi mizeuna, agi nga gunugi tagi ir gurzula, agi nga hagi dubang ma his djivid’ina mi Bäl, agi nga zlabagi kalo ma ding ma agi wum nga d’uo na.

Sunda hi suma hi Levi-nid’a 18:21

Ar ang he gorongâ vama ngat buzuna malo ma a yum ala Molo’â á kud’urom á b’lak an Alo mangâ simiyên ndi, kayam an ni Ma didina.

Sunda hi suma hi Levi-nid’a 20:3

An tan mba ni mbut iran ata sa máma, mba ni pad’am mbei aduk sum mama, kayam mi he goroma malo ma a yum ala Molo’â, mi mbut zlub’u man nda kud’ora ndjendjed’a, mi lazan simiyên Ma bei tchod’ina mi.

Sunda hi suma hi Levi-nid’a 24:11

Ma abumî ma Ezipte-nina mi las simiyê Alona, mi ngulum mi. A mbamî mi Moise. Asum a yat ala Selomit ni Dibri ma ad’u andjafâ hi Dan-nina goromba.

Sunda hi suma hi Levi-nid’a 6:3

Ma ngat buzuna mi tchuk baru mam mba ngola atamu, mi tchuk kalsongâ ad’um mi, mi yo bubud’aku d’a a ngal he d’a hawa d’a ngal la yam yima ngal ahle suma ngat buzunid’a, mi tchugum kä gen yima ngal ahle suma ngat buzuna go.

Zakari 5:3

Mi dan kua ala: Mbaktum ndata ni vun ma ge ma mba mi ndja abom mbei yam andagad’a petna. A b’ir kurut ala a mba dik suma kula woi kur ambasa, a mba dik suma a gun tazi ir gurzulina woi mi.

Zakari 5:4

Ma didin ma ad’engêm kal petna mi dala: An mba ni sunï vun ma ge máma, mba mi kal avo hi ma kul ma lara d’oze avo hi sama lara ma nga mi gun tam ir gurzula ki simiyêna, mba mi kak avo hatam mba mi ngalam ahligiyem mbei kagu ma murgulina kahinad’a woi pet.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Gat ta a hat á mbàd’id’a 5:11

Ar ang yi simiyên an Ma didina Alo mangâ kä hawa d’ad’ar ri, kayam an mba ni ar sama yan simiyên kä hawa d’ad’arâ bei ngopa d’i.

Jacques 5:12

B’oziyona, kal pet, ar agi gunugi tagi kakulod’a d’oze kandagad’a d’oze ki vama ding ngi. Wani ar agi dagi ni ala Â! ni Â, Hawa! ni Hawa mi, kayam agi kalagi kur sariyad’a hAlonid’a d’i.