Sunda hi suma hi Levi-nid’a 18:25 - Bible azumeina

²⁵ Ambas ndata ti mbut ndjendjed’a. Ni kayam ndata ba, an ngobot yam tcho mata; ti noî sum matna woyo.

Sunda hi suma hi Levi-nid’a 18:25 Kruisverwysings

1 Amuleina 21:26

Mam lahle suma ndjendjed’a, mi kud’or fileina d’igi suma Amor suma Ma didina mi digizi woi á ar yina mi Israel-lîna na.

Esdras 9:11

Kayam ami noyômi vun mang ma he ma ang hamizï avun azungeî mang suma djok vunina woyo, ang dala: Ambas sa agi i kalagi kurut á mbut magid’id’a nambas sa mbut ndjendjed’a abo tchod’a hi suma a nga kurutnid’a. A oyôt tei kahle mazi suma ndjendje suma azi nga lazina tchetchep mi.

Sawal la giled’a 106:38

Azi vo buzuwa suma bei zlad’a kazi ba na woyo, nala, buzuwa grozi suma andjofâ ki suma arop suma azi nga hazi woi vama ngat buzuna mi filei ma Kanan-nina. Ambasa ti mbut ndjendjed’a ki suma azi tchazina.

Sawal la giled’a 89:32

le a tchila yam gat manda, le a ngom nga vun man ma hed’a d’uo mi ni,

Isai 24:5

Andagad’a ti mbut ndjendjed’a abo suma a nga kaka katna, kayam azi tchila yam gata, a miret vun ma hed’a kä kaseziya, a but vun ma djin ma didin ma a djinim kAlonina woi mi.

Isai 26:21

Kayam Ma didina mi nde woi ata yam ma kaka á ngop suma yam andagad’ina yam tcho mazid’a. Andagad’a mba d’i ar yam buzuna hi suma a tchazina woi pid’agi, mba d’i ngei suma a tchazina kä d’uo d’a.

Jeremi 14:10

Ma didina mi hulong de yam sum ndazina ala: Azi ni suma tcha tatana, azi ni suma a nga ve tazi hina kei d’uo na. An Ma didina tan nga d’i lan djivi kazi d’i, an djib’er yam tchila mazid’a, an mba ni ngobozi yam tcho mazid’a mi.

Jeremi 16:18

Avok ahle ndazina an mba ni wuragazi yan mbà yam tchila mazid’a ki tcho mazid’a, kayam azi mbut ambas manda ndjendjed’a ki har ra ahle mazi suma ndjendjed’a, a oî ambas sa ala ni djo mana d’a kahle mazi suma ndjendjed’a mi.

Jeremi 2:7

An mbagi kur ambas sa tub’ad’a tala agi tagi ahle suma djivi suma kurutna d’a, wani agi mbagiya, agi mbud’un ambas manda ambas sa ndjendjed’a, agi mbud’ugi ambas man nda an tat djonid’a vama ndjendje ma kalâ.

Jeremi 23:2

Kayam ndata, an Ma didina Alona hi Israel-lîna, nga ni de mi suma a nga pol sum manina ala: Agi ndjoyôgi tumiyô mana woyo, agi arazi á vit teyo, agi tinigi nga humagi kazi d’i. Gola! An nga ni mba á ngobogi yam sun nda asa’at ta agi lata! An Ma didina ni de na!

Jeremi 5:29

Ma didina mi dala: An mba ni ngop yam ahle ndazina d’uo zu? An mba ni hlatchugula kandjaf ma hina na d’uo zu?

Jeremi 5:9

Ma didina mi de kua ala: An mba ni ngop yam ahle suma hina na d’uo zu? An mba ni sä atchugula kandjaf ma hina na d’uo zu?

Jeremi 9:9

An mba ni mba á ngobozi yam zla ndata d’uo zu? An mba ni sä atchugula kandjaf ma hina na mi d’uo zu? An Ma didina ni de na.

Wana ni mbaktumba hi Oze-d’a 2:13

An mba ni d’elet furî mata kur vun til matna, kur vun til mat ma ti luwum kur bur ma tilâ mi deî awilina, kur bur mat ma sabatna, kur vun til mat ma lara ge pet ma a ngama mi.

Wana ni mbaktumba hi Oze-d’a 8:13

Azi nga ngat ahle suma azi nga handjina, a nga mud’uzi hliwiziya. Wani an Ma didina tan nga d’i lan djivid’a kazi d’i, an nga ni djib’er yam tcho mazid’a, an mba ni mba, ni ngobozi yam tcho mazid’a mi. Azi mba hulong Ezipte.

Wana ni mbaktumba hi Oze-d’a 9:9

Agi tub’agagi tagi ki tchod’a d’igi agi lagi adjeu avo Gibeya na, wani Ma didina nga mi djib’er yam tcho magid’a, mba mi ngobogi yam tchila magid’a.

Sunda hi suma hi Levi-nid’a 18:26

Ar agi tid’igi yam gat manda ki vun man ma hed’a, ar agi d’oze angei ma nga kaka adigagina sa mi lahle suma ndjendje ndazina tu d’i.

Sunda hi suma hi Levi-nid’a 18:28

Ar agi lagi ahle ndazina tala ambas ndata ti noyôgi woi yam ndjendje magid’a d’igi ti noî suma a kak avorogi katna na d’uo d’a.

Romê-na 8:22

Kayam ei wei ala ki tchetchemba, ahle suma Alona mi lazina pet a nga zam taziya, a nga fe ndaka d’igi atcha d’a nga d’i fe ndaka á vutid’a na.

Gat ta a hat á mbàd’id’a 18:12

Kayam suma lahle suma hina na ni suma ndjendjed’a avok Ma didina. Ni kayam ahle suma ndjendje suma hina na ba, Ma didina Alo magina nga mi dik andjaf sum ndazina woi avorogi wana.

Gat ta a hat á mbàd’id’a 21:23

agi aram mad’am mi bur akulo ata aguna d’i, agi tozomî kur bur máma baba, kayam sama a gabam akulo ata agunina ni sama Alona mi gum vunina. Agi mbud’ugi ambas sa Ma didina Alo magina mba mi hagizi á te kata ndjendjed’a d’i.

Gat ta a hat á mbàd’id’a 9:5

Nga ni kayam d’ingêr magid’a ki hur magi ma tuna ba, agi mba hlagi ambas mazid’a d’i, wani ni kayam asa’ata handjaf sum ndazinid’a ba, Ma didina Alo magina mba mi digizi woi avorogi ni na, ná ndak vun vun ma hle ma mi hlum mabuyogi ngolo, Abraham, Isak ki Jakob-ma.