Sunda hi suma hi Levi-nid’a 18:24 - Bible azumeina

²⁴ Ar agi mbud’ugi tagi ndjendjed’a kahle ndazina d’i, kayam ni kahle ndazina ba, andjaf suma an nga ni digizi woi avorogina, a mbut ki tazi ndjendjed’a.

Sunda hi suma hi Levi-nid’a 18:24 Kruisverwysings

Ad’u Tinda 15:16

Kur atchogoi d’a fid’id’a azi a mba hulongî ka hî, kayam tcho d’a suma Amor-râ a lata nga bei ndak tua tala an mba ni digizi woyo d’a.

1 Amuleina 9:7

an mba ni digigi agi Israel-lâ woi kur ambas sa an hagizid’a, an mba ni ge gong nga an tinit irat vat á kud’uron kuad’a woi dei ki sed’en mi. Ata yi máma Israel-lâ a mba mbut ni vama sanda ki vama lasa aduk suma pet mi.

2 Sunda Hamuleinid’a 33:2

Mi le sun nda tchod’a avok Ma didina, mi tit ni yam sun nda ndjendje d’a lara ge pet ta andjaf suma Ma didina mi digizi woi adjeu avok yam andagad’a á ar yina mi Israel-lîna a lata.

Esdras 9:1

Bugol ahle ndazina, suma nglona a mba geven a dan ala: Israel-lâ, suma ngat buzuna ki suma hi Levi-na a wal nga kandjaf suma ding suma kur ambas sa wanda ki ndjendje mazi d’a a nga lata d’i, nala, ndjendjed’a hi suma Kanan-nid’a, hi suma Het-nid’a, hi suma Peris-sîd’a, hi suma Jebus-sîd’a, hi suma Amon-nid’a, hi suma Mowap-mid’a, hi suma Ezipte-nid’a ki d’a hi suma Amor-rîd’a mi.

Sawal la giled’a 106:39

Azi mbut ni suma ndjendjed’a ki sun mazi d’a led’a, azi mbut ni suma gaulangâ ki sun mazi ndata mi.

Jeremi 44:4

An sunugï azungeî man suma djok vuna pet burâ ki burâ á dagi ala: Ar agi lagi ahle suma ndjendje suma an noyôzina d’i.

Ezekiyel 36:17

Ang gor sana, kid’a Israel-lâ a nga kaka yam andaga mazid’id’a, a mbud’ut ndjendjed’a ki tit mazid’a ki sun mazi d’a led’a. Tit mazi d’a avoronda ni ndjendjed’a d’igi atcha d’a fe buzunid’a na.

Sunda hi suma hi Levi-nid’a 18:3

Ar agi lagi ahle suma suma yam ambas sa Ezipte d’a agi kagagï kata a lazina d’i, d’oze agi lagi ahle suma suma yam ambas sa Kanan nda an nga ni igi kua wanda a nga lazina d’i. Agi tid’igi yam gat mazid’a d’uo mi.

Sunda hi suma hi Levi-nid’a 18:30

Agi tid’igi yam vun man ma hed’a, agi lagi sun nda ndjendje d’a a lat avorogi kuad’a d’i, agi mbud’ugi tagi ndjendjed’a ki sed’et tuo mi, kayam an ni Ma didina Alo magina.

Ndumba 35:34

Ar agi mbud’ugi ambas sa agi mba kagagi kua d’a an mba ni kak adigagid’a ndjendjed’a d’i, kayam an ni Ma didin ma nga kaka adigagina.

1 Korente-na 3:17

Le sana mi b’lak gong ndata woyo ni, Alona mba mi b’lagam mbei mi, kayam gong ndata ni vama Alona mi tinim iram vama. Agi tagid’a ni gong mam ndata mi.

Gat ta a hat á mbàd’id’a 12:31

Ar agi kud’urogi Ma didina Alo magina d’igi azi nga kud’or alo mazina na d’i, kayam sun nda azi nga lat malo mazinid’a pet, ni sun nda ndjendje d’a Ma didina tam nga d’i lum djivi kat tuo d’a, kayam andjaf sum ndazina a nga ngal grozi suma andjofâ ki grozi suma aropma á he ngola malo mazina.

Gat ta a hat á mbàd’id’a 18:12

Kayam suma lahle suma hina na ni suma ndjendjed’a avok Ma didina. Ni kayam ahle suma ndjendje suma hina na ba, Ma didina Alo magina nga mi dik andjaf sum ndazina woi avorogi wana.

Gat ta a hat á mbàd’id’a 9:4

Fata Ma didina Alo magina mi digiziya woi avorogi da ni, ar agi dagi kurugi ala: Ni yam d’ingêr mamid’a ba, Ma didina mi kalami kur ambas ndata wa na d’i! Ni kayam asa’ata handjaf sum ndazinid’a ba, Ma didina mba mi digizi woi avorogi ni na.

Gat ta a hat á mbàd’id’a 9:5

Nga ni kayam d’ingêr magid’a ki hur magi ma tuna ba, agi mba hlagi ambas mazid’a d’i, wani ni kayam asa’ata handjaf sum ndazinid’a ba, Ma didina Alo magina mba mi digizi woi avorogi ni na, ná ndak vun vun ma hle ma mi hlum mabuyogi ngolo, Abraham, Isak ki Jakob-ma.

Suma ka sariyad’a 20:10

Ei yoi suma aduk andjaf Israel ma lara pî suma dogo aduk suma kisâ, suma kis aduk suma dubuna, suma dubu aduk suma dudubud’a dogona mi. A i halï tena mi suma. Kur hulong mazid’a, ei mba i tagei va mi suma a nga Gibeya-d’a hi Benjamin-ndina yam sun nda tchod’a a lat aduk Israel-lîd’a.

Suma ka sariyad’a 20:5

Suma Gibeya-na a mba atanu, kandjeged’a a ngui azì ma an nga kuana, a tin huruzi ná tchan anu. Wani a le murud’umba kamanda, ti mid’a.

Suma ka sariyad’a 20:6

An hlaman nda gora, an pawat hliwit teyo, an sunum yam andaga d’a a hat djona mi Israel-lâ pet. Kayam azi le ni sun nda tchi matna ki sun nda tchod’a aduk Israel-lâ.