Sunda hi suma hi Levi-nid’a 18:19 - Bible azumeina

¹⁹ Ar ang bur katchad’a ata yima buzuna fat mi mbud’ut ndjendjed’ina d’i.

Sunda hi suma hi Levi-nid’a 18:19 Kruisverwysings

2 Samuel 11:4

David mi sun suma á yad’iya. Avok yid’a ti mbus wa tat tei yed’et. Ti mba gevemu, mi bur ki sed’ed’u. Bugola, ti hulong avo hatad’u.

Ezekiyel 18:6

Sama hina na nga mi tahle suma a hazi mi fileina akulo yam ahuniyônina d’i, nga mi tin iram yam fileina hi Israel-lîna d’i, nga mi lop vun atchad’a hi ndram ma azinid’a d’i, nga mi hut go gen atchad’a ata yima buzuna mi fatna d’i,

Ezekiyel 22:10

Suma a nga bur karopma habuyozinina a nga kurungû, suma a nga bur karopma ata yima buzuna mi fazina a nga kurung mi.

Sunda hi suma hi Levi-nid’a 12:2

Ang i de mi Israel-lâ ala: Le atchad’a ti ve wirâ ti vut gor mandjufâ ni, ti mba d’i mbut ndjendjed’a gak burâ kid’iziya d’igi ti mbut ndjendjed’a kur bur ma buzuna mi fatna na.

Sunda hi suma hi Levi-nid’a 15:19

Le atchad’a buzuna fat nga mi djang atad’u ni, ti mba d’i kak ki ndjendjed’a gak burâ kid’iziya. Sama lara ma mi dotna, mba mi kak kur ndjendjed’a gak fladege.

Sunda hi suma hi Levi-nid’a 15:24

Le sana mi bur ki sed’et ba, buzu matna mi do atamu ni, mba mi mbut ndjendjed’a gak burâ kid’iziya; azang ma lara ma ndat bur kama, mba mi mbut ndjendjed’a mi.

Sunda hi suma hi Levi-nid’a 18:18

Ar ang ve amanga wiyeta ata yima amanga nga ki irat tua na d’i, kayam ti tchol ki huneîd’a d’i.

Sunda hi suma hi Levi-nid’a 20:18

Le sana mi bur katcha d’a buzuna fata ni, a digizi woi aduk sum mazina, kayam azi djak a tchila yam gat ta d’el lovot ta á le tchod’a hina d’id’a.