Sunda hi suma hi Levi-nid’a 17:4 - Bible azumeina

⁴ le mi mbam nga avun zlub’u d’a ngaf tad’a á hum he d’a hawad’a avogon an Ma didina ata yima a tinim iram vama d’uo ni, an mba ni ndum buzuna hi va mámina ni yam sa máma. Kayam mi vo ni buzuna woyo, a mba pad’am mbei aduk sum mama.

Sunda hi suma hi Levi-nid’a 17:4 Kruisverwysings

Ad’u Tinda 17:14

Wani sama a ngad’am nga bayâd’a d’uo na, an mba ni pad’am mbei aduk sum mana, kayam mam b’la’î vun ma djin mana.

Sawal la giled’a 32:2

Sama Ma didina mi ndumum nga tcho mamba kam mbuo ma mbut ira nga kurum mbuo mi na, mi le furîd’a.

Buzuk ka Abud’a 12:15

Ma didina mi de kua ala: Agi tagi avungô ma bei angufina burâ kid’iziya. Tin ad’ud’a kur bur ma avo’â, agi aragi angufa avo hatagi d’i, kayam sama lara ma tavungô ma a lum kangufa kur bur ma avo’â gak bur ma kid’iziya mámina, a mba pad’am mbei aduk Israel-lâ.

Buzuk ka Abud’a 12:19

Kur bur ma kid’iziya máma agi aragi angufa avo hatagi d’i. Le nangeina d’oze gor vut ma yam andaga ndatina pî, sama mi tavungô ma a lum kangufina, a mba pad’am mbei aduk Israel-lâ.

Buzuk ka Abud’a 30:33

Sama lara ma yor andjaf mbul ma d’igi mbul máma na na d’oze ma mi vom yam sama nandjaf Aron nduo nina, a mba pad’am mbei aduk sum mama.

Buzuk ka Abud’a 30:38

Sama lara ma yor dubang ma his djivid’a ma d’igi mám na na á hizima, a mba pad’am mbei aduk sum mama.

Isai 66:3

Sama ngat amuhlîna mi tchi ni sana mi, sama mi ngat timina vama ngat buzunina mi tumî azik adina mi, sama mi he he d’a hawad’a afutina mi vo ni buzuwa kozongâ woi mi, sama ngal dubang ma his djivid’a á ge humbina, mi kud’orî fileina mi. Sum ndazina pet ni suma tazi nga d’i lazi djivid’a kur lovot mazid’ina, ni suma tazi nga d’i lazi djivid’a kur sun mazi d’a ndjendje ndatina mi.

Ezekiyel 20:40

Kayam Israel-lâ pet a mba kud’uron yam ahina man nda a tinit irat vat ta fiyak ka aduk Israel-lîd’a. Ni kua ba, an mba ni vagi atanu, an mba ni dagi ala: Agi handï ahle magi suma agi tinizi irazi vazina, nala, he magi d’a hawad’a kahle suma djivi suma kalâ.

Sunda hi suma hi Levi-nid’a 1:3

Le he d’a hawa mam mba ngala ni d’uwar ma ngolâ ni, ar mi he ni va mandjuf ma bei daka ba na, ar mi humî avun zlub’u d’a ngaf tad’a tala an Ma didina ni vum abomu d’a.

Sunda hi suma hi Levi-nid’a 17:10

Le ma Israel-lâ d’oze angei ma nga kaka adigagina, mi te buzuna hi vama lara ni, an mba ni mbut iran ni kak djangûna ki sama te buzu mámina, a mba pad’am mbei aduk sum mama.

Sunda hi suma hi Levi-nid’a 17:14

Arid’a hahlenid’a pet ni kur buzuwaziya. Ni kayam ndata ba, an de mi Israel-lâ ala: Ar agi tagi buzuna hi va tu d’i, kayam arid’a hahlenid’a pet ni kur buzuwaziya. Sama lara ma mi te buzunina, a mba pad’am mbei aduk sum mama.

Sunda hi suma hi Levi-nid’a 17:3

Le ma Israel-lâ mi ngat amuhlâ d’oze timina d’oze b’ëd’a kur kangâ d’oze bugol kangâ ba,

Sunda hi suma hi Levi-nid’a 17:5

Ni kayambala Israel-lâ a ngat ahle mazi suma ngat buzuna kä woi abagei kel luo a mbazi ni mi ma ngat buzuna avogon an Ma didina, avun zlub’u d’a ngaf tad’a, a hazi mi an Ma didina vama ngat buzu ma zlap darigïd’a d’a.

Sunda hi suma hi Levi-nid’a 17:9

le mi im nga avun zlub’u d’a ngaf tad’a á hum vama ngat buzuna mi an Ma didina d’uo ni, a mba pat sa máma woi aduk sum mama.

Sunda hi suma hi Levi-nid’a 18:29

Kayam suma pet suma a mba le andjaf ndjendje d’a hina d’ina, a mba pad’azi woi aduk sum mazina.

Sunda hi suma hi Levi-nid’a 20:16

Le atchad’a ti hut go gen d’uwarâ, ti zlap ki sed’emu ni, a tchat tei ki d’uwar máma mi. Agi tchazi woyo. Buzuwazi mba mi hulong kaziya.

Sunda hi suma hi Levi-nid’a 20:18

Le sana mi bur katcha d’a buzuna fata ni, a digizi woi aduk sum mazina, kayam azi djak a tchila yam gat ta d’el lovot ta á le tchod’a hina d’id’a.

Sunda hi suma hi Levi-nid’a 20:3

An tan mba ni mbut iran ata sa máma, mba ni pad’am mbei aduk sum mama, kayam mi he goroma malo ma a yum ala Molo’â, mi mbut zlub’u man nda kud’ora ndjendjed’a, mi lazan simiyên Ma bei tchod’ina mi.

Sunda hi suma hi Levi-nid’a 3:2

Ar mi tin abom yam vama mam tchuma, mi i ngad’am avun zlub’u d’a ngaf tad’a; suma ngat buzuna Aron groma a yam buzuna huyok yima ngal ahle suma ngat buzuna, a nguyum mbei d’uhl.

Sunda hi suma hi Levi-nid’a 7:18

Le sana mi mut hliu vama mam hum vama ngat buzu ma zlap darigïd’a kur bur ma hindina ni, he d’a hawa mam ndata, an Alona mba ni vat abom mbi, mba ni ndumut ala sa máma mi he va d’uo mi, kayam ti mbut ni vama ndjendjed’a; sama mi mud’utna, zlad’a nga kamu.

Jean 10:7

Kayam ndata, Jesus mi dazi kua ala: Gagazi, an nga ni dagiya, an ni vun kangâna hi tumiyônina.

Jean 10:9

An ni vun kangâna. Le sama kal ata vun máma ni, mba mi fe suta, mba mi kal kuru, mba mi ndabua, mba mi fe yima te hatna.

Jean 14:6

Jesus mi dum ala: An ni lovota, an ni gagazid’a, an narid’a mi. Sama i gen Abun bei an na nga d’i.

Romê-na 4:6

Ni hina ba, David mi dala: Sama Alona mi ndumum sama d’ingêrâ bei sun mam mba led’ina, mi le furîd’a. Mi dala:

Romê-na 5:13

Avok ka Alona bei he gata mi Moise tua d’a, tchod’a ti nga kur duniyad’a. Wani kid’a gata ti nga d’uo tua d’a, Alona mi ndum nga tchod’a yam sa d’i.

Romê-na 5:20

Wani ata yima gata ti mbana, tchilid’a ti zula. Wani ata yima tchod’a ti zulâ, sumad’a hAlonid’a ti zul ngola kala.

Gat ta a hat á mbàd’id’a 21:8

A de kua ala: Ma didina, ang vat hurung ngei yam mang Israel suma ang tchuguzi akulona, ang ndum matna hi sama bei zlad’a kam máma kazi d’i. Ata yi máma Alona mba mi vat hurum mbei kaziya.