Sunda hi suma hi Levi-nid’a 16:20 - Bible azumeina

²⁰ Le mi mbut wa yima a tinim iram vam ma kal teglesâ yed’et ki zlub’u d’a ngaf tad’a ki yima ngal ahle suma ngat buzuna da ni, a mbam mbekmbere ma arâ.

Sunda hi suma hi Levi-nid’a 16:20 Kruisverwysings

Ezekiyel 45:20

Kur bur ma kid’iziyana hi til ma avo’îna, agi lagi d’igi agi lagi kur bur ma avo’â yam suma a le tchod’a bei min mazid’a bei wed’a ba na na mi. Hina wani, agi mba mbud’ugi gong man nda kud’ora yed’et.

Sunda hi suma hi Levi-nid’a 16:16

Ni hina ba, mba mi mbut yima a tinim iram vam ma kal teglesâ yed’et yam ndjendjed’a hi Israel-lîd’a ki murud’um mazid’a ki tcho mazi d’a azi lata pet, mba mi le hina yam zlub’u d’a ngaf ta d’a nga adigazi azi suma ndjendjed’id’a.

Sunda hi suma hi Levi-nid’a 16:19

Mi yamam ki tchitchid’am ata yima ngal ahle suma ngat buzuna yayam yam kid’iziya, mi mbud’um yed’et, mi tinim iram vam yam ndjendjed’a hi Israel-lîd’a.

Sunda hi suma hi Levi-nid’a 16:21

Mi tin abom ki zla tam djak yam mbekmbere máma, mi de woi yam tchilad’a hi Israel-lîd’a ki murud’um mazid’a ki tcho mazid’a pet, mi tinizi yam mbekmberena. Bugola, mi hum abo sama a manam yam sun ndatina, mi i ki sed’em mi gum sä woi abagei hur fulâ.

Sunda hi suma hi Levi-nid’a 8:15

Moise mi ngad’amu, mi go buzuna, mi yamam akulo ki tchitchid’am tu keng yima ngal ahle suma ngat buzuna, mi nguyum mbei d’uhl á tinim iram vamu. Bugola, mi vo buzuna kä ata kawei ma kä ad’u yima ngal ahle suma ngat buzunina á tinim iram vam á le sun nda zlup yam tchod’id’a kua.

Romê-na 4:25

Alona mi hum mbei á tchid’a yam tcho meid’a, wani mi tcholom akulo aduk suma matna á mbud’i suma d’ingêrâ avoromu.

Romê-na 8:34

Sama ndak á ka sariyad’a kazina ni nge ge? Sa nga d’i, kayam Jesus Christ mi mid’a, kal pet mi tchol akulo aduk suma matna, mi nga kaka ata Alona bigam mba ndjufa, nga mi tchen Alona kei mi.

2 Korente-na 5:19

Ni yam Christ ba, Alona mi zlap suma pet darigïd’a ki mam tamba, nga mi djib’er yam tchila mazid’a d’i. Kayam ndata, mi hami sun nda zlap suma darigïd’a ki mamba á ded’a.

Kolos-sâ 1:20

Ni kayam ndata ba, Alona mba ki b’leng nga halasa yam buzuna hi Gorom ma djang ngei ata agu ma b’alina. Kayam ndata, Alona mi zlap ahlena pet darigïd’a ki mamu, nala, ahle suma yam andagad’ina kahle suma sä akulona mi.

Hebre-na 7:25

Kayam ndata, mi ndak memet á sut suma a nga mba gen Alona ki simiyêma gak didin, kayam mam nga karid’a teteu á tchen Alona kaziya.

Vama ndum mbeina 1:18

An ma arina, an ma mit adjeuna, wani ki tchetchemba an nga karid’a gak didin. An nga kad’enga yam matna, an nga kad’enga yam yima zuleina mi.