Sunda hi suma hi Levi-nid’a 16:13 - Bible azumeina

¹³ Mi tchugum yam akud’a avogon an Ma didina, kayam andozom mi d’us mi kulup yam yima we hohou ma akulo yam zanduk ma glangâsîna. Hina wani, mam mba mi mit ti.

Sunda hi suma hi Levi-nid’a 16:13 Kruisverwysings

Buzuk ka Abud’a 25:21

Agi tchugugi ahina d’a bebed’e d’a tchet ta mbà d’a an mba ni hagizi d’a an b’ir vun man ma hed’a kuad’a kä kur zanduk máma, agi tinigi zandu’â vunam ma duka akulo yam zandu’â mi.

Buzuk ka Abud’a 28:43

Aron azi ki groma a tchugum ad’uzi ata yima a mba kal kur zlub’u d’a ngaf tad’ina, d’oze ata yima azi nga i ata yima ngal ahle suma ngat buzuna á le sun nda ngat buzuna ata yima kud’orina. Hina wani, azi mba le tchod’a d’i, a mba bo d’uo mi. Gat ndata arî gat ta didinda yam Aron azi kandjavam ma mba mi mba blogoma mi.

Buzuk ka Abud’a 30:1

Ma didina mi de mi Moise kua ala: Agi minigi yima ngal dubang ma his djivid’ina kagu kasiyana.

Sunda hi suma hi Levi-nid’a 22:9

Ar azi ngom vun man ma hed’a, ar azi mbud’um ndjendjed’a á hlaneka hi tcho mazid’id’a kazi ba, a bo d’i, kayam an ni Ma didin ma ni tinizi irazi vazina.

Ndumba 16:18

Kore ki sum mama a hum zla ndata. Nge nge pî mi hle va mam ma yo akud’a mi tchuk gordjona kuru, mi tchuk dubang ma his djivid’ina kad’u, a mba tchol avun zlub’u d’a ngaf tad’a. Moise azi ki Aron a mba mi.

Ndumba 16:46

Moise mi de mi Aron ala: Ang hle vama yo aku mang ma kaweina, ang tchuk aku d’a nga yam yima ngal ahle suma ngat buzunid’a kuru, ang tchuk dubang ma his djivid’ina kad’u, ang i gen ablaud’a atogo zak á zlubut yam tcho mata, kayam Ma didina hurum zal wa, tugud’ei d’a tcho d’a tchi matna ti tin wa ad’ud’a da’!

Ndumba 16:7

Ndjivin agi tchugugi gordjona kuru, agi vogi dubang ma his djivid’ina kua avok Ma didina. Ei mba weya, ni nge ba, Ma didina mi manam ge? Ni nge ba, ni ma mi tinim iram vama ge? Agi suma hi Levi-na, agi kalagi ir zlad’a woi heî!

Ndumba 4:15

Le Aron azi ki groma a dap wa zlup yam ahle suma a tinizi irazi vazina kahle suma a le ki sunda ata yima a tinim iram vama da ni, ata yima agi igina, suma hi Kehat-na a mba, a yo ahle ndazina. Wani a do ahle suma a tinizi irazi vazina tala azi bö d’a d’i. Wana ni sun nda a hat mi suma hi Kehat-na kur zlub’u d’a ngaf tad’id’a.

Ndumba 4:20

Ar azi kal a gol ahle suma a tinizi irazi vazi suma a nga d’ud’uzina gol ba, a bo d’a d’i.

Gat ta a hat á mbàd’id’a 33:10

Ni azi ba, a nga hat vun mang ma hed’a mi suma hi Jakob-ma, a nga hat gat manga mi Israel-lâ, a nga he dubang ma his djivid’ina kahle suma ngat buzu suma ngala yam yi mang ma ngal ahle suma ngat buzuna mi.

Hebre-na 7:25

Kayam ndata, mi ndak memet á sut suma a nga mba gen Alona ki simiyêma gak didin, kayam mam nga karid’a teteu á tchen Alona kaziya.

Hebre-na 9:24

Kayam Christ mi kal nga nata yima a tinim iram vam mAlona ma suma a lum kabozi ma hle tam ki ma gagazinina d’i. Wani mi kalî kur akulod’a tata á tak tam mbei avok Alona ki tchetchemba keya.