Sunda hi suma hi Levi-nid’a 15:13 - Bible azumeina

¹³ Le sama mbil máma mi mbut tei yed’et kur mbiyo ma djang atama ni, mi ndum burâ kid’iziya yam mbut ta mam mba mi mbut yed’eta, mi mbus baru mama woyo, mi mbus tam mbei aduk mbiyo ma laud’a; mba mi mbut yed’et.

Sunda hi suma hi Levi-nid’a 15:13 Kruisverwysings

Buzuk ka Abud’a 29:35

Ang le ki Aron azi ki groma d’igi an hang vuna na. Ang mba le ni burâ kid’iziya á tinizi kur sunda.

Buzuk ka Abud’a 29:37

Ang mba le burâ kid’iziya á le sun ndata yam yima ngal ahle suma ngat buzuna, ang mba tinim iram vam mi. Yima ngal ahle suma ngat buzuna mba mi ka’î yima a tinim iram vam ma kal teglesâ, vama lara ma doma mba mi mbut ni vama a tinim iram vama mi.

Jeremi 33:8

An mba ni mbud’uzi woi yed’et kur tcho mazi d’a pet ta azi lat avoronda, an mba ni vat hurun ndei yam tcho mazi d’a azi lat avoron a son vunan ndeid’a mi.

Sunda hi suma hi Levi-nid’a 14:10

Kur bur ma klavandina, mi yo gro tumiyô suma bei dakina mbà, timi d’a bizat tu d’a bei dakid’a ki he d’a hawa d’a afut ta a tib’eget ki mbulîd’a kilona zlengâ, ki mbulâ nus lidirâ mi.

Sunda hi suma hi Levi-nid’a 14:8

Sama mbut tam yed’et máma, mi mbus baru mama woyo, mi wel tumuzum mbei pet, mi mbus tam aduk mbina; mba mi mbut yed’et. Bugola, mi ndak á kal kur kangâ, wani mba mi bur kur zlub’u mamba d’uo gak burâ kid’iziya.

Sunda hi suma hi Levi-nid’a 15:28

Le buzu mat ma djangâ ka wa ni, ti ndum burâ kid’iziya. Bugol bur máma mba d’i mbut yed’et.

Sunda hi suma hi Levi-nid’a 15:5

Sama mi do azang mámina, mi mbus baru mama woyo, mi mbus tam mbei aduk mbina, wani mba mi kak ki ndjendjed’a gak fladege.

Sunda hi suma hi Levi-nid’a 8:33

Agi lagi burâ kid’iziya avun zlub’u d’a ngaf tad’a bei buzugugi woi abu ba, gak bur ma a ngagizi kagi a tinigi ki kur sun nda ngat buzunid’a ndak tua, kayam a ngagi ni burâ kid’iziya.

Sunda hi suma hi Levi-nid’a 9:1

Kur bur ma klavandina Moise mi yi Aron azi ki groma zlapa ki suma nglo suma Israel-lâ,

Ndumba 12:14

Ma didina mi de mi Moise ala: Ladjï abut mi tuvot ayôna irat ni mamu ni, mba d’i mbut zulona gak burâ kid’iziya d’uo zu? Ar ang walat tei ki kangâ gak burâ kid’iziya. Bugol tua ba, ang hulongôd’ï kur kangâ.

2 Korente-na 7:1

Agi buniyôn suma od’a, vun ma hle máma pet ni keya. Kayam ndata, ar ei mbud’i tei yed’et, ar ei walei woi ki tcho d’a le d’a lara ge pet kur hliu teya, kur muzugei mi. Ar ei b’ad’ei tei á tini tei irat vat á le mandar Alona kur tit meid’a.

Jacques 4:8

Ar agi hud’ugi go gen Alona, mam mba mi hud’ï gevegi go mi. Agi suma le tchod’a, agi mbuzugi abogi woyo. Agi suma lop ira, ar agi mbuzugi hurugi woi yed’et.