Sunda hi suma hi Levi-nid’a 14:34 - Bible azumeina

³⁴ Fata agi mba mbagiza kur ambas sa Kanan nda an mba ni hagizid’a, le an tin wa huruguka kur gonga kur ambas sa an mba ni hagizid’a ni,

Sunda hi suma hi Levi-nid’a 14:34 Kruisverwysings

Ad’u Tinda 12:7

Ma didina mi nde tam mbei ir Abram, mi dum ala: An mba ni handaga ndata mi grong ngolona. Kayam ndata, Abram mi min yima ngal ahle suma ngat buzuna mi Ma didin ma nde tam mbei irama.

Ad’u Tinda 13:17

Ang tchol akulo, ang tit yam andagad’a, ang wat fiyagat ki bubuwad’u, kayam an mba ni hangziya.

Ad’u Tinda 17:8

Andaga d’a ang kak mbeid’a kata, nala, andaga d’a Kanan-nda pet, ni mi ang kandjavangû, mba d’i mbut ni magid’a ki iragi fafat; an mba ni arî Alo mazina mi.

Buzuk ka Abud’a 15:26

Mi dazi ala: Le agi humugi del an Ma didina Alo magina djivid’a, le agi lagi ahle suma d’ingêrâ avoronu, le agi tinigi humagi yam vun man ma hed’a, le agi ngomogi gat manda pet mi ni, an mba ni tumugi ki tugud’ei d’a an tum ki Ezipte-nid’a tu d’i. Kayam an ni Ma didin ma sud’ugi woina.

Zla d’a d’ogolâ 3:33

Vun ma ged’a hi Ma didinina mi nga yam azina hi suma asa’atnina, wani nga mi b’e vunam yam yima kaka hi suma d’ingêrîna.

Isai 45:7

An le b’od’a, an le nduvunda mi. An le b’leng nga halasa, an le ndaka mi. Ni an Ma didina ba, ni lahle ndazina wan pet mi.

Sunda hi suma hi Levi-nid’a 14:33

Ma didina mi de mi Moise azi ki Aron ala:

Sunda hi suma hi Levi-nid’a 14:55

yam guvur ra ata barunid’a ki huruguk ka ata gongid’a,

Sunda hi suma hi Levi-nid’a 20:24

An dagi ala: Ni agi ba, mba hlagi ambas mazid’a; an mba ni hagiziya. Nambas sa ambira ki mbul ayuma a nga sor kä kuad’a. An ni Ma didina Alo magi ma walagi woi kandjaf suma dingîna.

Sunda hi suma hi Levi-nid’a 23:10

Ang i de mi Israel-lâ ala: Fata agi kalagi kur ambas sa an nga ni hagizid’a, ata yima agi mba dud’ugi awunina, agi kagi yam awu magi ma ne avo’â mi ma ngat buzuna.

Sunda hi suma hi Levi-nid’a 25:2

Ang i de mi Israel-lâ ala: Fata agi kalagi kur ambas sa an nga ni hagizid’a, agi aragi andagad’a ti gumur kä; biza ndata mba d’i mbut ni biza d’a sabat ta agi mba suburun kuad’a.

Amos 3:6

Le adif fa ayîna ti tchi kur azì ma ngolâ ni, suma a ba bei le mandarâ zu? Na ni ndaka ti mba kur azì ma ngolâ bei Ma didina mi wat tchu?

Amos 6:11

Ata yima Ma didina mi he vunina, gong nga ngola mba d’i dris kä ti b’lak keyo, gong nga gora mba d’i to woi mi.

Mise 6:9

Ma didina nga mi de zlad’a mi suma a nga kur azì ma ngolîna. Sama ned’a ni sama ge yam kä ad’u ad’eng mambina. Agi suma ad’u andjafâ hi Juda-nina, agi suma pet suma nga toka kur azì ma ngolîna, agi humugiya.

Zakari 5:4

Ma didin ma ad’engêm kal petna mi dala: An mba ni sunï vun ma ge máma, mba mi kal avo hi ma kul ma lara d’oze avo hi sama lara ma nga mi gun tam ir gurzula ki simiyêna, mba mi kak avo hatam mba mi ngalam ahligiyem mbei kagu ma murgulina kahinad’a woi pet.

Ndumba 32:22

le mi hle wa andagad’a da ni, bugola, agi hulongôgi avo hatagiya, hina wani, zla nga kagi avok Ma didina d’uo mi na, zla nga kagi avok Israel-lâ d’uo mi. Ata yi máma ambas sa avun alum ma Jurdê-na ka hî d’a mba d’i arî magid’a avok Ma didina.

Ndumba 32:32

Ami mba durumi ayîna yam vun ma hed’a hi Ma didinina yam ambas sa Kanan-nda, wani djo mami ma ted’a ni ka hî avun alum ma Jurdê-na.

Ndumba 35:10

Ang i de mi Israel-lâ ala: Ma didina mi dala: Fata agi djagagi alum ma Jurdê-na á kalagi yam ambas sa Kanan-ndid’a,

Gat ta a hat á mbàd’id’a 12:1

Moise mi de kua ala: Wana ni gat ta tetenga ki vun ma hed’a suma agi mba ngomogizi agi lagi sunda kazi kur bur ma agi mba kagagi ki iragi fafat yam ambas sa Ma didina Alona habuyogi ngolona nga mi hagizi agi hlat wanda.

Gat ta a hat á mbàd’id’a 19:1

Moise mi de kua ala: Fata Ma didina Alo magina mi dap andjaf suma mam nga mi hagizi ambas mazid’a woi ata yima agi digizi woina, agi kagagi kur azì mazi ma nglona, agi kagagi avo hatazina mi d’a,

Gat ta a hat á mbàd’id’a 26:1

Moise mi de kua ala: Fata agi kalagi wa kur ambas sa Ma didina Alo magina mi hagizi á tat djonid’a, agi le hlat wa, agi kagagiya wa kat da ni,

Gat ta a hat á mbàd’id’a 27:3

Fata agi djagagi alum ma Jurdê-na á kalagi yam ambas sa ambira ki mbul ayuma a nga sor kä kua d’a Ma didina Alo magina mi hle vunam kat mabuyogi ngolo á hagizid’a, agi b’irigi vun ma hed’a hi gatina ata ahuniyô ndazina.

Gat ta a hat á mbàd’id’a 32:49

Ang i djak akulo yam ahina d’a Abarim-mba, yam ahina d’a Nebo d’a yam ambas sa Mowap pa ngagad’a yam Jeriko d’ara, ang gol ambas sa Kanan nda an nga ni hat mi Israel-lîd’a.

Gat ta a hat á mbàd’id’a 7:15

Ma didina mba mi ngomogi woi abo tugud’ei d’a lara ge pet, mba mi kid’eyêgi iragi ki tugud’ei d’a tcho d’a tchi mat ta agi wad’ï avo Ezipte-d’a d’i, wani mam mba mi tumî ki suma a noyôgina.

Josue 13:1

Josue mi mbut mamara, bizam kal ngola. Ata yi máma Ma didina mi dum ala: Gola! Ang mbut wa mamara, bizang kal wa ngola mi. Ambas sa ar bei hled’a tua d’a ti ngola heî.

1 Samuel 2:6

Ma didina nga mi tchi sana, nga mi mbud’um arid’a, nga mi im azuleyo, nga mi hulongôm akulo mi.