Sunda hi suma hi Levi-nid’a 14:3 - Bible azumeina

³ Ma ngat buzu máma mi nde woi abu kur kangâ. Le mi wala ma libi máma mi tchil wa kur tugud’ei mam mba libina ni,

Sunda hi suma hi Levi-nid’a 14:3 Kruisverwysings

2 Amuleina 5:14

Kayam ndata, Näman mi i kur alum ma Jurdê-na, mi hlup kä aduk mbina hluhlup yam kid’iziya d’igi Elise mi dum na. Mi yak kei yuyung, babagam mbut d’igi gogor ma gorâ na.

2 Amuleina 5:3

Bur tu ti de mi salata ala: Ladjï salana mi i ta’î tam mi ma djok vun Alona ma nga kur azì ma Samari-na ni, mam mba mi yagam libi mama woi atogo hina zak.

Wana ni mbaktumba hi Job-pa 5:18

Alona ni ma le sana ndaka, mi hulong mi sud’uma; ni ma ka sana mbilâ, mi hulong tchilim abom melâ mi.

Buzuk ka Abud’a 15:26

Mi dazi ala: Le agi humugi del an Ma didina Alo magina djivid’a, le agi lagi ahle suma d’ingêrâ avoronu, le agi tinigi humagi yam vun man ma hed’a, le agi ngomogi gat manda pet mi ni, an mba ni tumugi ki tugud’ei d’a an tum ki Ezipte-nid’a tu d’i. Kayam an ni Ma didin ma sud’ugi woina.

Sunda hi suma hi Levi-nid’a 13:2

Le sana tam mbi mbrudjuk koze d’ud’ub’od’a buzuk atam mboze tam mbi ndal hapa, le ni mbilâ hi libinina ni, agi im mi ma ngat buzuna Aron, d’oze mi sa tu aduk grom suma ngat buzuna.

Sunda hi suma hi Levi-nid’a 13:46

Kid’a tugud’ei libina nga atam tatâ tua d’a, mba mi ka’î ndjendjed’a, kayam mam mi sama ndjendjed’a. Mba mi ka’î vam tu. Zlub’u mamba a mba vat sä ni woi bugol kangâ.

Sunda hi suma hi Levi-nid’a 14:48

Le ma ngat buzu ma hulong kur gong ndatina, mi we tugud’ei ndata ti i nga avok kuo bugol la a gulud’uta ni, mi de woi kat ala: Gong ndata ti ni yed’et, huruguk mata ti dap pei da.

Matiye 10:8

Agi sud’ugi suma tugud’eid’a, agi tchologi suma matna akulo, agi sud’ugi suma libina, agi digigi muzuk ma tchona woi kur suma. Agi vagi ni hawa, agi hagi mi suma ni hawa mi.

Matiye 11:5

Suma duka a nga we, suma dileîd’a a nga tid’a, suma libina a nga yak keyo, suma ngela a nga huma, an nga ni tchol suma matna akulo, an nga ni tchi wal Zla d’a Djivid’a mi suma hohoud’a mi.

Wana ni Zla d’a Djivi d’a Luc mi b’irita 4:27

Suma libina ablaud’a a nga yam andaga d’a Israel-la kur atchogoid’a hi ma djok vun Alona Elise-d’a, wani mi yak nga libina hi sa woi tu adigazi d’i, ni hi Näman ma Siri-na hol.

Wana ni Zla d’a Djivi d’a Luc mi b’irita 7:22

Jesus mi hulong dazi ala: Agi i dagi mi Jean vama agi wagizina ki vama agi humugizina mi. Suma duka a nga we, suma dileîd’a a nga tid’a, suma libina a nga yak keyo, suma ngela a nga huma, an nga ni tchol suma matna akulo, an nga ni tchi wal Zla d’a Djivid’a mi suma houd’a mi.