Sunda hi suma hi Levi-nid’a 14:14 - Bible azumeina

¹⁴ Ma ngat buzu máma mi gul buzuna hi vama a ngad’am yam tchilad’ina mi dom ata sama mbut tam yed’etna humam mba abom mba ndjufa vunat ma lelegema, ata tchitchid’am mba modo d’a abom mba ndjufid’a, ki tchitchid’am mba modo d’a asem ma ndjufîd’a mi.

Sunda hi suma hi Levi-nid’a 14:14 Kruisverwysings

Buzuk ka Abud’a 29:20

Ang ngat gamlâ máma, ang gom buzuwamu, ang dom ata Aron azi ki groma vun humazi d’a ndjufa, ata tchitchid’azi d’a abozi d’a modo d’a ndjufa, ki tchitchid’azi d’a asezi d’a modo d’a ndjufa mi, ang yam buzuna ad’um mba ara abu huyok yima ngal ahle suma ngat buzuna pet mi.

Isai 1:5

Ata yima agi tcholi ad’enga ngingring i avogovo’â, agi min ala mi togi nata yima lara d’ei ge? Yagi pet ni mbuleina, hurugi pet ni tugud’eid’a mi.

Sunda hi suma hi Levi-nid’a 14:19

Bugola, mi ndak vun vama ngat buzu ma yam tchod’ina, mi zlup yam ndjendjed’a hi sama mi mbut tam yed’etna. Bugola, mi ngat vama a hum vama ngat buzu ma ngalina,

Sunda hi suma hi Levi-nid’a 14:25

Mi ngat gor timi ma a hum vama ngat buzuna yam tchilad’ina, mi gom buzuwam mi dom ata sama mi mbut tam yed’etna humam mba ndjufa vunat ma lelegema, ata tchitchid’am mba modo d’a abom ma ndjufid’a, ata tchitchid’am mba modo d’a asem ma ndjufîd’a mi.

Romê-na 12:1

B’oziyona, d’igi Alona mi tagei we hohou mamba na, an nga ni tchenegiya, agi hagi tagi mAlona d’igi vama ngat buzu ma ari ma agi tinim iram vam á lAlona tam djivid’ina na. Wana ni kud’or magi d’a gagazid’a avok Alona.

Romê-na 6:13

Ar agi hagi ir hliu tagi mi tchod’a d’igi ahle suma dur ayî suma d’ingêr ruo na na d’i. Wani ar agi hagi tagi mAlona d’igi suma a tchol akulo aduk suma matna suma mbut arid’ina na. Ar agi hagi ir hliu tagi pet mAlona d’igi ahle suma dur ayî suma d’ingêrâ na.

Romê-na 6:19

An nga ni dagi zlad’a ni d’igi suma na kayam amangeîd’a hi hliwigid’a. Avok agi hagi tagi pet d’igi magumeina na á le sun nda ndjendje d’a tchod’a á tid’igi kur batranga. Wani ki tchetchemba, ar agi hagi tagi pet d’igi magumeina na á le sun nda d’ingêra á tid’igi tit ta irata mi.

1 Korente-na 6:20

Alona mi guzugi ni ki gus sa kal teglesa. Kayam ndata, ar agi suburugi Alona ki hliu tagiya.

2 Korente-na 7:1

Agi buniyôn suma od’a, vun ma hle máma pet ni keya. Kayam ndata, ar ei mbud’i tei yed’et, ar ei walei woi ki tcho d’a le d’a lara ge pet kur hliu teya, kur muzugei mi. Ar ei b’ad’ei tei á tini tei irat vat á le mandar Alona kur tit meid’a.

Gat ta a hat á mbàd’id’a 24:8

Moise mi de kua ala: Yam zlad’a hi libinid’a, agi ngomogi zlad’a pet ta suma ngat buzu suma hi Levi-na a had’agizid’a, agi ngomogizi djiviya, agi tid’igi yam ahlena pet suma an hagi vuna kazina mi.

Filip-ma 1:20

Kayam an nga ni djuba, an tin hurun ala an mba ni mbut zulona yam va tu d’i. Wani bei mandarâ ba, ki tchetchemba, d’igi an nga ni le teteu na, le an nga ki iran ndoze le an mit pî, ar suma a subur Christ kanu.

1 Pierre 2:5

Agi mi, agi ni d’igi ahuniyô suma ari suma Alona mi minigi akulo á mbud’ugi gong mam mba kud’ora á mbud’ugi adesâ hi suma ngat buzuna suma Alona mi tinizi irazi vazi á hahle suma ngat buzuna mAlona kur minda hi Muzu’îd’a á lum tam djivid’a yam Jesus Christ-sâ.