Sunda hi suma hi Levi-nid’a 14:10 - Bible azumeina

¹⁰ Kur bur ma klavandina, mi yo gro tumiyô suma bei dakina mbà, timi d’a bizat tu d’a bei dakid’a ki he d’a hawa d’a afut ta a tib’eget ki mbulîd’a kilona zlengâ, ki mbulâ nus lidirâ mi.

Sunda hi suma hi Levi-nid’a 14:10 Kruisverwysings

Buzuk ka Abud’a 29:40

Ata yima ang mba ki timi ma yorogona á ngatina, ang mba kafut ta adiged’id’a kilona tu ki nusa, mbul ma d’igila hirwilingâ nus lidirâ ki süm guguzlud’a nus lidirâ mi.

Sunda hi suma hi Levi-nid’a 1:10

Le he d’a hawa mam mba ngala ni d’uwar ma gureina, nala, gor timina d’oze gor b’ëna ni, ar mi he ni mandjuf ma bei daka ba na.

Sunda hi suma hi Levi-nid’a 1:3

Le he d’a hawa mam mba ngala ni d’uwar ma ngolâ ni, ar mi he ni va mandjuf ma bei daka ba na, ar mi humî avun zlub’u d’a ngaf tad’a tala an Ma didina ni vum abomu d’a.

Sunda hi suma hi Levi-nid’a 14:11

Ma ngat buzu ma mi mbut sana yed’etna, mi i ki sa máma ki he d’a hawa mamba avogon an Ma didina avun zlub’u d’a ngaf tad’a.

Sunda hi suma hi Levi-nid’a 14:12

Mi ve gor timi ma ding tu, mi hum vama ngat buzu ma yam tchilad’ina zlapa ki mbul ma nus lidirîna, mi gazazi akulo avogon an Ma didina.

Sunda hi suma hi Levi-nid’a 14:15

Mi hle mbul ma nus lidirîna, mi vom hur abom ma gulana,

Sunda hi suma hi Levi-nid’a 14:21

Ma didina mi de kua ala: Le sama libina mi houd’a, ahligiyem ndak nga d’uo ni, mi ve gor timina tu yam vama ngat buzu ma tchilad’a, a gazam akulo avogon an Ma didina á zlup yam tcho mamba. Mi nga afuta kilona hindi, mi tib’eget ki mbulâ á hat he d’a hawad’a zlapa ki mbulâ nus lidirâ.

Sunda hi suma hi Levi-nid’a 2:1

Ma didina mi de kua ala: Le sana mi he he d’a hawa d’a afuta mi an Ma didina ni, ar mi he ni afut ta adiged’id’a, mi vo mbulâ kat zlapa ki dubang ma his djivid’ina,

Sunda hi suma hi Levi-nid’a 2:11

He d’a hawa d’a afut ta lara d’a agi hat mi an Ma didinid’a, agi lat kangufa d’i. Ar agi gagi anguf foze mbul ayuma aduk ahle suma agi minizi á hazi he d’a hawa d’a ngala mi an Ma didinina d’i.

Sunda hi suma hi Levi-nid’a 2:13

He d’a hawa d’a afut ta lara pî, ang ar bei tchuk ndjuvuna kua d’i, kayam ndjuvuna ni vama taka yam vun ma djin ma an Alo mangâ ni djinim ki sed’engâ. Kayam ndata, ang tchuk ndjuvuna kua teteu.

Sunda hi suma hi Levi-nid’a 23:13

zlapa ki he d’a hawa d’a afut ta adiged’i d’a a tib’eget ki mbulîd’a ir kilona karagaya he d’a hawa d’a ngal la his sa afufuî d’a avogon an Ma didinid’a zlapa ki süm guguzlud’a lidirâ tu ki nusa mi.

Sunda hi suma hi Levi-nid’a 4:32

Le mi he ni timina vama ngat buzuna á zlup yam tcho mamba ni, mi he ni d’a atcha d’a bei daka ba d’a.

Sunda hi suma hi Levi-nid’a 9:1

Kur bur ma klavandina Moise mi yi Aron azi ki groma zlapa ki suma nglo suma Israel-lâ,

Ndumba 28:20

Agi mbagi kafut ta adiged’i d’a a tib’eget ki mbulîd’a kilona zlengâ yam amuhlâ, agi mbagi kafut ta adiged’i d’a a tib’eget ki mbulîd’a kilona karagaya yam gamlâna,

Ndumba 6:14

Mi mba ki he d’a hawa mamba mi an Ma didina, nala, timi ma bizam tu ma bei dakina vama ngat buzu ma ngala, timi d’a bizat tu d’a bei dakid’a vama ngat buzu ma zlup yam tchod’a ki gamlâ ma bei dakina vama ngat buzu ma zlap darigïd’a.

Matiye 8:4

Jesus mi hulong dum ala: Ang gol tang djiviya. Ang de mi sa d’i, wani ang iya, ang simat tang mi ma ngat buzuna mAlona, ang he vama ngat buzuna ma Moise mi he vuna kama he d’a hawad’a yam yak manga á tagazi woi ala ang yak wa woi da d’a.

Marik 1:44

mi dum ala: Ang gol tang djiviya! Ang de mi sa d’i, wani ang iya, ang simat tang mi ma ngat buzuna mAlona, ang he vama ngat buzu ma Moise mi he vuna kama yam yak manga á tagazi woi ala ang yak wa woi da’.

Wana ni Zla d’a Djivi d’a Luc mi b’irita 5:14

Jesus mi gad’am ala: Ang de zla ndata mi sa d’i. Wani ang iya, ang simat tang mi ma ngat buzuna mAlona, ang he vama ngat buzu ma Moise mi he vuna kama yam yak manga á tagazi woi ala ang yak wa woi da’.

Jean 1:29

Tcha ndjivinda Jean mi we Jesus nga mi djï gevemu, mi dala: Agi gologi Gor timina hAlona ma nga mi hle tchod’a hi suma duniyad’a kama.

Jean 6:33

Kayam tena hAlonina ni sama tcholï akulona, ni sama he arid’a mi suma kur duniyad’ina.

Jean 6:51

An ni te ma hari ma tcholï akulona. Sama lara pî ma te te mámina, mba mi kak karid’a gak didin. Te ma an mba ni humzina ni hliwinu, ni ma an mba ni hum yam arid’a hi suma kur duniyad’ina.

1 Pierre 1:19

Wani mi wuragagi woi ni ki buzu ma kal teglesâ hi Christ-sâ. Christ ni d’igi Gor timi ma bei tchod’a ma bei ndala atam ba na na.