Sunda hi suma hi Levi-nid’a 13:46 - Bible azumeina

⁴⁶ Kid’a tugud’ei libina nga atam tatâ tua d’a, mba mi ka’î ndjendjed’a, kayam mam mi sama ndjendjed’a. Mba mi ka’î vam tu. Zlub’u mamba a mba vat sä ni woi bugol kangâ.

Sunda hi suma hi Levi-nid’a 13:46 Kruisverwysings

2 Samuel 3:29

Ar buzuwam mi hulong yam Jowap azi ki sum mama pet, ar suma avo hi Jowap-ma tugud’ei d’a djang buzuna laziya, d’oze libina kaziya, suma dingâ a djin aguna, suma dingâ a tchazi ki mbigeu d’a fiyaka, suma dingâ a fe tena d’uo mi.

2 Amuleina 15:5

Ma didina mi tum Azariya ki libina. Mi kak kur azì ma dingâ woi vam gak mat mama. Goroma Jotam mi kak kur azì ma amula, nga mi te yam suma kur ambasina.

2 Amuleina 7:3

Wani suma libina fid’i a nga kaka woi abu bugol azina go ki vun agrek ma ngolâ. A de tazi ala: Ni kayam me ba, ei kagei ka hî á djubi mad’ei ge?

2 Sunda Hamuleinid’a 26:21

Amulâ Oziyas mi arî sama libina gak mat mama. Kayam ndata, a walam mbei kaka kur azì ma dingâ woi vam bei mi fe lovota á hulong kur gong nga kud’ora hi Ma didinid’a ba. Goroma Jotam mi kak kur azì ma amula, nga mi te yam suma kur ambasina.

Zla d’a d’ogolâ 30:12

Suma dingâ a nga djib’er ala azi ni suma yed’etna, wani a mbus nga tazi woi kur ndjendje mazid’a d’i.

Hor ma tchina 1:1

Alë! Jerusalem mba suma a nga oîd’a kurut adjeud’a, ti mbut wa d’a sa nga kurut tuo d’a. Ndat tala ti nazì ma ngolâ aduk andjaf suma d’a, ti mbut wa d’igi atcha d’a modonod’a na. Amul la yam andaga d’a dingid’a, ti mbut wa d’a le sun magomba mi suma.

Hor ma tchina 1:8

Jerusalem tcho mata ti zul ngola. Ni kayam ndata ba, ti mbut vama ndjendjed’a. Suma a suburut adjeuna a golot is, kayam a we gandila mata. Ndat tata nga d’i zam tad’u, ti hulong bugol mi.

Hor ma tchina 4:15

Suma a nga dazi ala: Agi hud’ugizi woi gevemiya! Agi suma ndjendjed’a, hud’ugizi woyo! Hud’ugizi woyo! Ar agi domi d’i! A nga ringâ, a nga tcha tata aduk andjaf suma. Wani a nga dazi ala: Ar agi kagagi avo hatami ka hî d’i!

Sunda hi suma hi Levi-nid’a 13:47

Ma didina mi de kua ala: Ata yima baruna mi buzuk guvurina, le ni baru ma tumusa d’oze le ni baru ma luluîna,

Sunda hi suma hi Levi-nid’a 14:3

Ma ngat buzu máma mi nde woi abu kur kangâ. Le mi wala ma libi máma mi tchil wa kur tugud’ei mam mba libina ni,

Sunda hi suma hi Levi-nid’a 23:29

Sama lara ma mbut nga tam hohoud’a kur bur máma d’uo na, a mba pad’am mbei aduk sum mama.

Wana ni Zla d’a Djivi d’a Luc mi b’irita 17:12

Kid’a mi kal kur azì ma dingâ tu d’a, suma libina dogo a d’ugulomu, a tchol sä woi hina dei.

1 Korente-na 5:5

agi hagi sama hina na abo Seitan kayam mi b’lagam hliwimu. Hina wani, muzugam mba mi fe suta kur burâ hi Salad’a Jesus-d’a.

2 Tasaloni’â 3:14

Sama ge nga yam kä ad’u zla d’a ami b’irit kur mbaktum mba wanda d’uo ni, agi gologi tagi djivi ki sed’emu. Ar agi zlabagi ki sed’em mbi, kayam zulona lumu.

2 Tasaloni’â 3:6

B’oziyomina, ami nga hagi vuna ki simiyê Saleina Jesus Christ ala ar agi walagi woi ki b’oziyoina pet suma azulom suma a nga tit bugol hat ta ami had’azizid’a d’uo na.

1 Timote 6:5

ki tuguyod’a hi suma djib’er mazid’a b’lak keina. Zla d’a gagazid’a nga kuruzi d’i, a nga djib’er ala he gagazi d’a yam zlad’a hAlonid’a ni lovot ta fe beged’a.

Vama ndum mbeina 21:27

Wani vama ndjendjed’a d’oze sama le sun nda ndjendjed’a d’oze ma ka zlad’a, mba mi kal kur azì máma d’i, wani ni suma a b’irizi simiyêzi kur mbaktum mba arid’a hi Gor timinid’a hol.

Vama ndum mbeina 22:15

Wani suma a le sun nda ndjendjed’a ki suma ve kumana ki suma mizeuna ki suma tchi matna ki suma tuwal fileina ki suma ka zlad’a pet, a nga tchola bugol azina woi hina dei.