Sunda hi suma hi Levi-nid’a 13:3 - Bible azumeina

³ Ma ngat buzu máma mi gol mbil ma atam máma. Le tumus sa ata yima mbil mámid’a ti mbut hapa, le yima mbil máma mi djugot zula kä ni, ni libina. Ma ngat buzu máma mi gol yima mbil máma, mba mi de woi kam ala: Sama wana ni sama ndjendjed’a.

Sunda hi suma hi Levi-nid’a 13:3 Kruisverwysings

Ad’u Tinda 13:3

Mi tcholï abo ma Negef-fâ, mi i nde nde gak mi mbaza Betel ata yima mi ve zlub’ud’a kua avo’â, aduk Betel ki Aï.

Ezekiyel 16:30

Salad’a Ma didina mi de kua ala: Ndak namangeyâ me na ba, ndak lahle ndazina hina pet, ndak mbut tak gaulang ma kalâ na ge?

Ezekiyel 44:23

Azi mba hat sum mana a wal ir ahle suma hawana kahle suma a tinizi irazi vazina, á wal ir ahle suma ndjendjed’a kahle suma yed’etna mi.

Wana ni mbaktumba hi Oze-d’a 7:9

Andjaf suma dingâ a nga tazi ad’engêziya, wani azi nga we d’i. Abusa nga d’i deî kazi ko, wani azi nga we d’uo mi.

Sunda hi suma hi Levi-nid’a 10:10

kayam agi walagi ir vama a tinim iram vama ki vama a he nga vuna kam á led’a d’uo na, ir vama ndjenjed’a ki vama yed’etna mi.

Sunda hi suma hi Levi-nid’a 13:10

Ma ngat buzu máma mi golomu. Le tam mba mbrudjuk ndata ti ni hapa, ti mbud’um tumuzum hapa, le tam mba mbrudjuk ndata ti kä hleud’a kikringû ni,

Sunda hi suma hi Levi-nid’a 13:2

Le sana tam mbi mbrudjuk koze d’ud’ub’od’a buzuk atam mboze tam mbi ndal hapa, le ni mbilâ hi libinina ni, agi im mi ma ngat buzuna Aron, d’oze mi sa tu aduk grom suma ngat buzuna.

Sunda hi suma hi Levi-nid’a 13:20

Ma ngat buzu máma mi golomu. Le ndal la atam ndata irat ti djugot kä, tumuzum ti mbut hapa mi ni, mi de woi kam ala: Sama wana ni sama ndjendjed’a! Ni tugud’ei libina ba, mi hubuk ir mbil máma wana.

Sunda hi suma hi Levi-nid’a 13:4

Le babak ka atamba ti ndal hapa ndringîling ba, irat ti djugot nga kä d’uo, le tumus sa ata yi mámid’a ti mbut nga hapa d’uo mi ni, ma ngat buzu máma mi gum klavi gak burâ kid’iziya.

Sunda hi suma hi Levi-nid’a 13:8

Ma ngat buzu máma mi golom kua. Le d’ud’ub’od’a ti ring ngeyo ni, ma ngat buzu máma mi de woi kam ala: Sama wana ni sama ndjendjed’a! Vama atama ni libina.

Sunda hi suma hi Levi-nid’a 14:37

mi gol tugud’ei ndata. Le mi we yima huruguk huyok gong ndatina, mi nga waka avovovovo, d’oze hleuhleu ba, iram mbi djugot kä ni,

Sunda hi suma hi Levi-nid’a 14:54

Wana ni gat ta teteng nga yam tugud’ei libina ki d’ud’ub’od’id’a,

Sunda hi suma hi Levi-nid’a 14:56

yam mbrudjuka, yam bigriuna ki ndal la ndundub’uka.

Sunda hi suma hi Levi-nid’a 5:3

Le sana mi do vama ndjendje ma tchol ata sanina bei mi wum ba, le mi wad’ud’a bugolo ni, zlad’a nga kamu.

Wana ni mbaktumba hi Aze-d’a 2:11

Ang djop suma ngat buzuna yam zlad’a hi gat ta wanda ala:

Malatchi 2:7

Kayam suma a wan an Alona nata ma ngat buzuna, suma a had’an gat manda natam mi, kayam mam mi ma an Ma didin ma ad’engên kal petna ni sunumina.

Matiye 16:19

An mba ni hang lakled’a hi leu d’a akulod’id’a abongû. Vama ang djinim ka hî yam andagad’ina, mba mi ka’î djinda sä akulo hina mi; vama lara ma ang bud’um ka hî yam andagad’ina, mba mi ka’î buta sä akulo hina mi.

Jean 20:23

Suma agi vad’agi hurugi kazina, Alona mba mi vat hurum mbei yam tcho mazid’a. Suma agi vad’agi nga hurugi woi kazi d’uo na, Alona mba mi vat hurum mbei kazi d’uo mi.

Sunda hi suma a sunuzinid’a 20:28

Agi gologi tagi djivi kadesâ hi suma pet ma Muzuk ma bei tchod’a ba na mi tinigi kam á polina. Agi pologi suma toka hAlona d’a mi guzut ki buzuna hi Goromid’a.

Romê-na 7:7

Kayam ndata, ei mba dei nana ge? Gata ni tchod’a zu? Nga na d’i! Wani gata ti tagan tcho manda. Ladjï gata ti dala: Ang le d’od’oka d’i d’uo ni, an ndak á we d’od’oka d’i.

1 Timote 1:20

Himene ki Alezandre a nga aduk sum ndazina. An hazi wa abo Seitan kayam mi gad’aziya, kayam azi las Alona d’i.

2 Timote 3:13

Wani suma le tchod’a ki suma lop suma a mba i avogovok kur tcho mazid’a, a mba vit suma woyo, azi tazi a mba vit tazi woi mi.

Hebre-na 13:7

Agi djib’eregi yam suma nglo suma avorogi adjeu suma a tchagi wal zlad’a hAlonid’ina. Agi djib’eregi yam tit mazid’a ki mat mazina, ar agi hlagi balum asezi yam he gagazi mazid’a.

Vama ndum mbeina 2:23

An mba ni tchi grotna woyo. Ata yi máma, Toka pet mba d’i wala an ni ma we djib’era ki nga hurâ hi sumina, an mba ni wurak nge nge pî yam vama mi luma mi.