Sunda hi suma hi Levi-nid’a 12:8 - Bible azumeina

⁸ Le d’i nga ki timi d’uo ni, ti yo gugu bed’egera mbà d’oze gugu d’a avo d’a gureid’a mbà, tu yam vama ngat buzu ma ngala, tu yam vama ngat buzu ma mi zlup yam tchod’ina. Ma ngat buzuna mi zlubut yam tcho mata; ndat mba d’i mbut yed’et.

Sunda hi suma hi Levi-nid’a 12:8 Kruisverwysings

Sunda hi suma hi Levi-nid’a 1:14

Le he d’a hawa mam mba ngala le naluweina ni, ar mi he gugu bed’egera d’oze gugu d’a avod’a.

Sunda hi suma hi Levi-nid’a 12:7

Ma ngat buzu máma mi i ki sed’ezi avogon an Ma didina, mi ngad’azi kä avogon an Ma didina, mi zlubut yam tcho mata. Ndat mba d’i mbut tei yed’et kur buzu ma mi djang atatna. Wana ni gat ta yam atcha d’a ti vut gor mandjuf foze gor atchad’id’a.

Sunda hi suma hi Levi-nid’a 13:1

Ma didina mi de mi Moise azi ki Aron ala:

Sunda hi suma hi Levi-nid’a 14:21

Ma didina mi de kua ala: Le sama libina mi houd’a, ahligiyem ndak nga d’uo ni, mi ve gor timina tu yam vama ngat buzu ma tchilad’a, a gazam akulo avogon an Ma didina á zlup yam tcho mamba. Mi nga afuta kilona hindi, mi tib’eget ki mbulâ á hat he d’a hawad’a zlapa ki mbulâ nus lidirâ.

Sunda hi suma hi Levi-nid’a 14:22

Mi yo gugu bed’egera mbà, d’oze gugu d’a avo d’a gureid’a mbà, ngad’a yam fe mamba, tu yam vama ngat buzu ma zlup yam tchod’a, tu yam vama ngat buzu ma ngala mi.

Sunda hi suma hi Levi-nid’a 15:14

Kur bur ma klavandina mi yo gugu bed’egera mbà, d’oze gugu d’a avo d’a gureid’a mbà, mi mba ki avogon an Ma didina avun zlub’u d’a ngaf tad’a, mi hazi mi ma ngat buzuna.

Sunda hi suma hi Levi-nid’a 15:15

Ma ngat buzu máma mi he tu yam vama ngat buzu ma zlup yam tchod’a, mi he tu yam vama ngat buzu ma ngala, mi zlup yam tchod’a hi sa mámid’a avogon an Ma didina yam mbiyo ma mi djang atama.

Sunda hi suma hi Levi-nid’a 15:29

Kur bur ma klavandina, ti yo gugu bed’egera mbà d’oze gugu d’a avo d’a gureid’a mbà, ti izi mi ma ngat buzuna avun zlub’u d’a ngaf tad’a.

Sunda hi suma hi Levi-nid’a 4:26

Mi ngal mbul amuhl máma yam yima ngal ahle suma ngat buzuna pet d’igi a ngal mbul amuhl ma a hum vama ngat buzu ma zlap darigïd’a na mi. Mi le kamul máma ni hina dedege á zlup yam tcho mamba. Hina wani, an Alona mba ni vat hurun ndei yam tcho d’a mi lata.

Sunda hi suma hi Levi-nid’a 5:11

Le mi nga ki va á gus gugu bed’egera mbà d’oze gugu d’a avo d’a gureid’a mbà d’uo ni, mi hafut ta adiged’id’a kilona fid’i á zlup yam tcho mam mba mi lata, mi vo mbulâ kat tuo, mi vo dubang ma his djivid’ina kat tuo mi, kayam ni he d’a hawa d’a a hat á zlup yam tchod’id’a.

Sunda hi suma hi Levi-nid’a 5:7

Ma didina mi de kua ala: Le sana mi nga ki va á gus ahu d’uo ni, mi he gugu bed’egera d’oze gugu d’a avo d’a gureid’a mbà mi an Ma didina yam tcho d’a mam lata; tu á zlup yam tcho mamba, tu á ngala mi.

Matiye 21:12

Jesus mi kal kur gong nga kud’ora hAlonid’a, mi dik suma a nga gus ahlena woina ki suma a nga gus abozina pet tei kur gong nga kud’ora hAlonid’a. Mi zut tabulâ hi suma mbut beged’ina kä, mi zut zlumiyôna hi suma a nga gus gugud’a woina kä mi.

2 Korente-na 8:9

Kayam agi wagi sumad’a hi Saleina Jesus Christ-sa. Mam mi sama ndjondjoîna pî, mi mbut sama houd’a kayam agiya, kayam agi mbud’ugi suma ndjondjoîna yam hou mamba.