Sunda hi suma hi Levi-nid’a 12:6 - Bible azumeina

⁶ Le burut ma mbut tat yed’etna mi dap wa ni, le ni gor mandjufâ d’oze gor atchad’a ni, ti ve timi ma bizam tuna á hum vama ngat buzu ma ngala, ti ve gugu d’a avod’a d’oze gugu bed’egera á hat vama ngat buzu ma mi zlup yam tchod’ina, ti izi mi ma ngat buzuna avun zlub’u d’a ngaf tad’a.

Sunda hi suma hi Levi-nid’a 12:6 Kruisverwysings

Ad’u Tinda 15:9

Ma didina mi hulong dum ala: Ang halan amuhl hla wei d’a bizat hindid’a, ahu b’ë d’a bizat hindid’a, gamlâ ma bizam hindina, gugud’a tu ki gugu bed’egera tu mi.

Sunda hi suma hi Levi-nid’a 12:2

Ang i de mi Israel-lâ ala: Le atchad’a ti ve wirâ ti vut gor mandjufâ ni, ti mba d’i mbut ndjendjed’a gak burâ kid’iziya d’igi ti mbut ndjendjed’a kur bur ma buzuna mi fatna na.

Sunda hi suma hi Levi-nid’a 12:5

Le d’i vut ni gor atchad’a ni, ti mba d’i mbut ndjendjed’a gak burâ dogo yam fid’i d’igi ndat ti fe buzuna adjeu na, mba d’i le burâ dok karagaya yam karagaya á mbut tat yed’et yam buzu ma mi djang atatna.

Sunda hi suma hi Levi-nid’a 12:7

Ma ngat buzu máma mi i ki sed’ezi avogon an Ma didina, mi ngad’azi kä avogon an Ma didina, mi zlubut yam tcho mata. Ndat mba d’i mbut tei yed’et kur buzu ma mi djang atatna. Wana ni gat ta yam atcha d’a ti vut gor mandjuf foze gor atchad’id’a.

Sunda hi suma hi Levi-nid’a 14:22

Mi yo gugu bed’egera mbà, d’oze gugu d’a avo d’a gureid’a mbà, ngad’a yam fe mamba, tu yam vama ngat buzu ma zlup yam tchod’a, tu yam vama ngat buzu ma ngala mi.

Sunda hi suma hi Levi-nid’a 15:14

Kur bur ma klavandina mi yo gugu bed’egera mbà, d’oze gugu d’a avo d’a gureid’a mbà, mi mba ki avogon an Ma didina avun zlub’u d’a ngaf tad’a, mi hazi mi ma ngat buzuna.

Sunda hi suma hi Levi-nid’a 15:29

Kur bur ma klavandina, ti yo gugu bed’egera mbà d’oze gugu d’a avo d’a gureid’a mbà, ti izi mi ma ngat buzuna avun zlub’u d’a ngaf tad’a.

Ndumba 6:10

Kur bur ma klavandina, mi mba ki gugu bed’egera mbà d’oze gugu d’a avo d’a gureid’a mbà mi ma ngat buzuna avun zlub’u d’a ngaf tad’a.

Wana ni Zla d’a Djivi d’a Luc mi b’irita 2:22

Kid’a bur mazi ma mbut tazi yed’etna ndak d’igi gata hi Moise-sa de na d’a, Josef azi ki Marie a mba ki Jesus avo Jerusalem á tagam mi Salad’a.

Jean 1:29

Tcha ndjivinda Jean mi we Jesus nga mi djï gevemu, mi dala: Agi gologi Gor timina hAlona ma nga mi hle tchod’a hi suma duniyad’a kama.

2 Korente-na 5:21

Christ ni sama bei tchod’a ba na, wani Alona mi mbud’um tchod’a keya, kayam ei mbud’i suma d’ingêrâ avorom zlapa tu ki mamu.

Hebre-na 7:26

Jesus ni Ma ngol ma ngat buzu ma ndak memet keina, ni Ma d’ingêrâ, ni Ma bei zlad’a kama, ni Ma bei le tchod’a ba na. Alona mi walam mbei ki suma le tchod’a, mi hlum sä kur akulod’a gevemu.