Sunda hi suma hi Levi-nid’a 11:44 - Bible azumeina

⁴⁴ An ni Ma didina Alo magina; agi mba mbud’ugi tagi yed’et, agi mba kagagi suma yed’etna, kayam an ni Ma bei tchod’a ba na. Ar agi mbud’ugi tagi ndjendjed’a kahle suma gurei suma a dram kä yam andagad’ina d’i.

Sunda hi suma hi Levi-nid’a 11:44 Kruisverwysings

Sawal la giled’a 99:5

Agi hagi ngola mi Ma didina Alo meina, agi grivigi kä avok yi mam ma tin asema. Mam mi ma bei tchod’a ba na!

Sawal la giled’a 99:9

Agi hagi ngola mi Ma didina Alo meina, agi grivigi kä yam ahina mam mba a tinit irat vata, kayam Ma didina Alona ni ma bei tchod’a ba na!

Buzuk ka Abud’a 16:12

An hum gureîd’a hi Israel-lîd’a. Ang dazi ala: Ini fladege d’a afata i á nikid’a, agi mba mud’ugi hliuna, avin yorogo agi mba hobogi kavungôna, agi mba wagi ala an ni Ma didina Alo magina.

Buzuk ka Abud’a 19:10

Ma didina mi de mi Moise ala: Ang i gen Israel-lâ, ang tinizi irazi vazi ini kavini, ar azi mbus baru mazina woi yed’et mi.

Buzuk ka Abud’a 19:6

Agi mba mbud’ugi ni leu man nda ngat buzuna, andjaf ma a tinim iram vama mi. Wana ni zla d’a ang i dat mi Israel-lîd’a.

Buzuk ka Abud’a 20:2

An ni Ma didina Alo mang ma pad’angî woi kur ambas sa Ezipte-d’a ata yima a lang magomba kuana.

Buzuk ka Abud’a 22:30

Agi lagi hina ki d’uwar magi ma nglona ki ma gurei ma mi vut avo’â. Agi aram mi le burâ kid’iziya kasumu; bur ma klavandina agi ngad’andji buzuna.

Buzuk ka Abud’a 22:31

Agi mba kagagi ni suma a tinigi iragi vagi yam ana. Agi tagi vama har ri, agi hagizi ni madureina.

Buzuk ka Abud’a 23:25

Agi kud’urogi ni an Ma didina Alo magina tu. Hina wani, an mba ni b’e vunan yam te magina, yam mbiyo magi ma tched’a mi. An mba ni ar tugud’eid’a ti lagi d’i.

Buzuk ka Abud’a 6:7

an mba ni yogi á mbud’ugi sum mana, an mba ni arî Alo magina mi. Agi mba wagi ala an ni Ma didina Alo magi ma pad’agi woi kur sun nda anek ka Ezipte-na a tinigizi kagid’ina.

Isai 43:3

Kayam an Ma didina nAlo magina. An Ma tin tan irat vat kagi Israel-lîna ni magi ma suta. An he Ezipte á wurak kagiya, an he Etiyopi ki Seba á vrak blangâgi mi.

Isai 51:15

An ni Ma didina Alo mang ma nga ni hlalum ma ngolâ akulo ma nga ni labil mamina. Simiyên ala Ma didin ma ad’engên kal petna.

Sunda hi suma hi Levi-nid’a 10:3

Ata yi máma Moise mi de mi Aron ala: Wana ni zla d’a Ma didina mi data: Suma a mba go ki sed’en á lan sundina, mbeî a tak kak man nda yed’eta woi abua, mbeî a suburun avok suma pet mi. Wani Aron mi kak ki vunam ma du’â.

Sunda hi suma hi Levi-nid’a 11:43

Ar agi b’lagagi tagi kahle suma a dram kä yam andagad’ina d’i. Agi mbud’ugi tagi ndjendjed’a ki sed’ezi d’i, ar azi mbud’ugi ndjendjed’a d’uo mi.

Sunda hi suma hi Levi-nid’a 18:2

Ang i de mi Israel-lâ ala: An ni Ma didina Alo magina.

Sunda hi suma hi Levi-nid’a 19:10

Agi dud’ugi vut guguzlu d’a ar akulo blogogid’a d’i; d’a yak kä andagad’a, agi yot tuo mi. Agi aragizi kä mi suma houd’a kangoyogeina, kayam an ni Ma didina Alo magina.

Sunda hi suma hi Levi-nid’a 19:2

Ang i de mablaud’a hi Israel-lîd’a ala: Agi kagagi ni suma yed’etna, kayam an Ma didina Alo magina ni Ma bei tchod’a ba na.

Sunda hi suma hi Levi-nid’a 19:3

Ar nge nge pî adigagi mi hu abum kasumu, mi ngom bur man ma sabat ma tuk tad’a mi, kayam an ni Ma didina Alo magina.

Sunda hi suma hi Levi-nid’a 19:4

Ar agi mbud’ugi iragi ata alo ma hawa ya’â d’i, agi yorogi kaweina alona d’uo mi, kayam an ni Ma didina Alo magina.

Sunda hi suma hi Levi-nid’a 20:26

Agi kagagi ni man suma yed’etna, kayam an Ma didina ni Ma bei tchod’ina. An walagi kandjaf suma dingâ ni kayambala agi kagagi ni sum mana d’a.

Sunda hi suma hi Levi-nid’a 20:7

Ar agi kagagi ni suma yed’etna, kayam an ni Ma didina Alo magina.

Sunda hi suma hi Levi-nid’a 21:8

Agi Israel-lâ agi gologi suma ngat buzuna ni suma yed’etna, kayam a nga he tena mi an Alo magina. A mba ka’î suma yed’etna kagiya, kayam an ni Ma bei tchod’ina, an ni Ma didin ma tinigi iragi vagina.

Amos 3:3

Suma mbà a tit ad’u tazi ni bei zla mazid’a ndjak su?

Ndumba 15:40

Hina wani, agi mba djib’eregi yam vun man ma hed’a pet, agi mba tid’igi kamu, agi mba kagagi ni suma tinigi iragi vagi mi an Alo maginina.

Matiye 5:48

Kayam ndata, ar agi lagi ahlena memet d’igi Abugi ma sä akulona nga mi lahlena memet na mi.

Gat ta a hat á mbàd’id’a 14:2

Kayam agi ni suma a tinigi iragi vagi mi Ma didina Alo maginina, Ma didina Alo magina mi managi á kak sum mama tazid’a aduk suma pet suma yam andagad’ina.

1 Tasaloni’â 4:7

Alona mi yï ná le mizeuna d’i, wani ná kagei ni suma yed’etna.

Josue 24:19

Josue mi de mi suma a to’â ala: Agi ndak á lagi sunda mi Ma didina d’i. Kayam mam mi Alo ma bei tchod’a ba na, nAlo ma yungôrâ; mam mba mi ve tam yam tchila magid’a ki tcho magid’a d’i.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.

Vama ndum mbeina 22:11

Sama le tchod’a, ar mi i avok kur tcho mamba; sama le sun nda ndjendjed’a, ar mi i avok kur ndjendje mamba; sama le djivid’a, ar mi i avok kur djivi mamba; sama yed’etna, ar mi i avok kur yed’et mamba mi.

1 Samuel 2:2

Ma didina tu ni Ma bei tchod’a, Alo meina tu nahinad’a, Alo ma ding ma d’igi mam na na nga d’i.

1 Samuel 6:20

Bugola, suma Bet-Semes-sâ a dala: Sama mba mi ar tchola avok Ma didina Alo ma bei tchod’a ba na ni nge ge? Ei i ki zanduk mama navo hi nge ba, ei walam mbei ki sed’ei ge?